Hiob 37:5 - O Debleskro Lab 2024 (Sinte-Manouche)

⁵ Te moukell o Devel peskro rakepen te shounell, krell lo kova savi bari golyah, te ačell menge o rakepen krik. Yob krell baro koova, hoy nay hayvah mer gar.

O Debleskro Drom 2021 (Sinte)

⁵ Te mukell o Dewel peskro rakepen te shunell, krell lo kowa sawi bari goljah, te atchell menge o rakepen krik. Job krell baro koowa, hoi nai haiwah mer gar.

Hiob 37:5 Iomraidhean Croise

Hiob 11:7

Patseh, te djineh halauter, hoy an o Debleskro dji hi? Nay hayveh tou, har baro o zorelo Devel hi?

Hiob 26:14

Dik, kava hi či har i tikno kotar kolestar, hoy yob kras. Oun hoy lestar shounam, hi gar boudeder har i tikno lab. Kek nay hayvell, har baro leskri zoor čačepah hi!

Hiob 36:26

Dik, o Devel hi yaake baro, te nay hayvah gar, har baro yob hi. Oun kek nay hatsell vin, har phouro yob hi.

Hiob 37:14

Hiob, shoun kava mishto! Ač, oun de yak ap kova, hoy o Devel an peskri zoor krell!

Hiob 37:16

Hayveh tou, har i volke tel o bolepen djan, oun gar tele perenn? Savo koova nay krell kokres kova, kay halauter djinell.

Hiob 37:2

Shounenn, har bares yob gole dell, har rhoyedo koya gole dran leskro mouy vell!

Hiob 37:4

Pal kova vell koy bari zoreli gole shounlo, hoy hi har o baro Debleskro rakepen. Oun yob rikrell peskri yag gar pale, te moukell lo peskro rakepen te shounell.

Hiob 40:9

Hi tout savi bari zoor har man? Nay rakreh tou savi zoryah har me?

Hiob 5:9

Yob hi kova, kay krell boud baro oun zorelo koova, hoy kek hayvell oun kek vavar nay krell.

Hiob 9:10

Yob krell savo baro oun zorelo koova, te nay hayvah les gar, savo boud baro koova, hoy kek vavar nay krell, te nay djinah gar, har boud kova hi.

Debleskri gili 18:14

Oun o baro Devel moukas o bolepen bari gole te dell, ava, o Devel pral halauter moukas pes te shounell bari golyah.

Debleskri gili 29:3

O baro Debleskro rakepen vell shounlo pral i panya. Te dell o zorelo Devel gole, hi kova har koy bari gole, hoy dell o bolepen, te dell baro brishin. O baro Devel hi o ray pral i tsele bare panya.

Sikepaskro 3:11

Hako koova, hoy o Devel krell, krell lo ap o čačo tsiro. Oun yob čivas o mensheske an o dji, te hayvell lo, kay hi čomone koy, hoy ačell hako tsiro. Ninna te hi kova yaake, nay hayvell o mensho gar ko tselo koova, hoy o Devel krell, kokres tikne kotya kolestar.

Jesaja 40:28

Hayvan t'mer gar? Shounan t'mer gar? O baro Devel hi i Devel kay ačell hako tsireske. Yob kras i tseli phoub. Khino vell lo gar, oun lestar djal i zoor gar krik. Leskro gosvepen hi yaake baro, te nay hatsell les kek vin.

Remarja 11:33

Har baro hi o Debleskro lačepen ap lauterende! Har baro hi leskro gosvepen! Yob djinell halauter, hoy kek vavar nay djinella. Kek nay djinell, har yob rakrell o čačepen vin. Kek nay hayvell leskre tsele dromma.

Debleskro tsiro 15:3

Oun yon givan koy gili, hoy o Debleskro boudepaskro, o Mose, givas. Yon givan lat o terno bakreske, oun penan: Baro oun shoukar hi halauter, hoy tou kral, maro ray, tou zorelo Devel! Mishto oun čačo hi tire dromma, baro ray pral i tsele themma!