Hiob 37:3 - O Debleskro Lab 2024 (Sinte-Manouche)

³ Tel o tselo bolepen moukell lo koy yag karye te dell, oun koya djal pral i tseli phoub yek rigyatar ap i vavar.

O Debleskro Drom 2021 (Sinte)

³ Tel o tselo bolepen mukell lo koi jag karje te dell, un koja djal pral i tseli phub jek rigjatar ap i wawar.

Hiob 37:3 Iomraidhean Croise

Hiob 28:24

Yob hi kova, kay dikell ap i tseli phoub, yaake dour har djal li, oun lauter, hoy ap late hi.

Hiob 28:26

har yob o brishin peskre tsirya das, oun o bolepaskri yag peskro drom sikras,

Hiob 37:11

Yob krell i volke pharo oun pherdo pani, oun dran lende dell i yag karye.

Hiob 37:12

Kol volke djan kate te kote, yaake har yob len bičrell, te krenn le halauter yaake, har yob les kamell ap i tseli phoub.

Hiob 37:4

Pal kova vell koy bari zoreli gole shounlo, hoy hi har o baro Debleskro rakepen. Oun yob rikrell peskri yag gar pale, te moukell lo peskro rakepen te shounell.

Hiob 38:13

Penal lake, te djal li pral i tseli phoub yek rigyatar ap i vavar, yaake te nashenn penge i čilače oun khatrenn pen?

Hiob 38:35

Bičreh tou o bolepaskri yag tele ap i phoub, oun poučell koya toutar: Kay kameh, te dap pre te tele karye?

Debleskri gili 77:13

Oun rakrau miro djiyeha pral kova lauter, hoy tou kral, pale te pale penau mange kova.

Debleskri gili 97:4

I yag dran o bolepen, hoy tele ap kay phoub karye dell, moukell i rat vin dikell har o dives. Oun i phoub dikell kova oun trissell.

Jesaja 11:12

Oun yob čivell i sikepen pre, te sikrell lo kol menshen an i vavar themma, te anell lo kolen khetne, kay dran Israel oun Youda vin tradedo his. Kolen anell lo pale dran hake rigya i phoubyatar.

Mateo 24:27

Ap ko dives, kay o Mensheskro Čavo pale vella, dikenn les i tsele menshe, yaake har i Debleskri yag ap o bolepen diklo vell, hoy djal yek rigyatar ap i vavar rig an o bolepen.

Debleskro tsiro 11:19

Oun o Debleskro kheer an o bolepen vas pre kerdo. Oun an o Debleskro kheer dikom me ko sonakaskro morhton, hoy sikrella, kay o Devel o maal peskre menshendar hi. Oun i yag das karye dran o bolepen pre te tele. Oun o bolepen das bari gole, har koy gole, hoy o bolepen della, te dell baro brishin oun te djal yag tele dran o bolepen. Oun i phoub trissas, oun das brishin har bare barra.