Hiob 36:7 - O Debleskro Lab 2024 (Sinte-Manouche)

⁷ Yob dell yak ap kolende, kay hi an o čačepen tardo, oun moukell len khetne i rayentsa ap rayengre beshepangre te beshell. Hako tsiro hi le baro.

O Debleskro Drom 2021 (Sinte)

⁷ Job dell jak ap kolende, kai hi an o tchatchepen tardo, un mukell len khetne i rajentsa ap rajengre beshepangre te beshell. Hako tsiro hi le baro.

Hiob 36:7 Iomraidhean Croise

1. Mose 23:6

“Shoun ap mende, maro ray: Tou hal i Debleskro morsh mashkral mende. Paske tiri mouli romyat an o feteder moulengro kheer, hoy men hi. Hakeno mendar dals tout i kotar them, te paskress tiri romyat koy.”

1. Mose 41:40

Tou vess ray pral miro baro kheer. I tsele menshe an miro them hounte krenn kova, hoy tou peneh. Me kokres hom bareder har tou oun ačau baro ray pral o them Egiptia.”

2. Familjakro liil 16:9

O baro Debleskre yaka dikenn an i tsele themma, te dell lo zoor kolenge, kay rikrenn pen pengro tselo djiyeha ap leste. Tou rikral tout dineles an kava koova. Doleske vell foun kava tsiro kourepen pral toute.”

Ester 10:3

yaake te vas o biboldo Mordekay o douyto pal o baro rayeste Ahasveros. Oun yob his baro pash i biboldende oun lačes an-diklo pash i tsele biboldende. Yob rodas o lačepen lenge oun rakras, hoy leskre menshenge ko feteder his.

Hiob 1:3

Ninna his les boud firhe: 7.000 (efta-zerya) bakre oun 3.000 (triin-zerya) khamele, oun yek zerya groumya, kolendar hako kopo douy khetne boudran, oun 500 (panč-sheel) djouvelkane bourike. Oun les his boud boud boudepangre. Kek mensho his bravleder har o Hiob an ko them, hoy hi kote čiddo, kay o kham pral djal.

Hiob 22:29

Ap kolende, kay hounte djan i telstouno drom, peneh tou: Stenn pre! Oun o Devel hadell koles pale pre, kay hidjrell peskre yaka gar pre.

Hiob 31:4

O Devel dikell halauter, hoy krau, oun djinell, havo drom mire pire djan.

Hiob 4:7

Rake tiro djiyeha, oun pen mange, kay maras o Devel yekes, ap koleste kek doosh his? Kay las lo o djipen yekestar krik, kay his an o čačepen tardo?

Hiob 42:12

Oun o baro Devel čivas boudeder barht ap o Hiob har glan kova. Oun yob las 14.000 (deesh-te-star-zerya) bakre oun 6.000 (shob-zerya) khamele oun 2.000 (douy zerya) groumya oun 1.000 (yek zero) bourike.

Hiob 5:11

Yob krell kolen baro, ap kolende i vavar tele dikan. Oun kolenge ropaske hi, kolen krell lo barhtelo.

Debleskri gili 33:16

I baro ray boud lourdentsa vell gar dran peskri zoor o zorleder an o kourepen. Oun i čačo morsh, koles boud zoor hi, vell gar dran peskri zoor vin lino dran o kourepen.

Debleskri gili 33:18

Kova hi o baro Devel, kay dell garda ap kolende, kay djivenn leha, kolla, kay dikenn ap leste, te vell lo lenge lačo,

Debleskri gili 34:15

Rikrenn t'men pale dran o čilačepen oun krenn o lačepen! T'mari tseli zoryah krenn lauter, te vell kek čingepen mank t'mende!

Debleskri gili 34:16

O baro Devel dikell ap kolende, kay an o čačepen tardo hi. Oun leskre kanda shounenn len, te denn le gole.

Debleskri gili 41:12

Mouk len gar pral mande te sal! Palle dikau, te dikeh tou lačes ap mande.

Jesaja 22:23

Oun me krau les zoreles an peskri boudi yaake har i saster zoreles dren dino vell. Oun yob anell sharepen ap leskro dadeskro kheer.

Zefanja 3:17

T'maro baro Devel hi pash t'mende, yob hi zorelo oun hi ap t'mari rig. Leskro dji givell pral t'mende, oun yob hi t'menge lačo. T'mari doosh lell lo t'mendar krik an peskro baro kamlepen, oun yob dell gole i barhtyatar pral t'mende,

2. Tessalonikarja 3:3

Maro ray Yezous moukell t'men gar. Yob dell t'men zoor, oun dell garda ap t'mende, te vell kek čilačo koova ap t'mende.

1. Petro 3:12

O Devel, maro ray, dikell lačes ap koleste, kay djivell pal o čačepen. Oun te mangell yob o Debles, shounell lo les. Ap kolende, kay djivenn an o čilačepen, dikell o Devel gar lačes.

1. Samuel 2:8

Koles, kay les či hi, hadell lo dran i čik, oun o čorveles hidjrell lo pre dran i yagakri čik, oun beshell les pash i pralstunende, oun krell les an-diklo. I tseli phoub hi o baro Debleske. Yob čivas lat zoreles tardo.