Hiob 34:22 - O Debleskro Lab 2024 (Sinte-Manouche)

²² Kek rat oun kek kalepen hi yaake tamlo, te nay khatrans pen i čilače kote dren.

O Debleskro Drom 2021 (Sinte)

²² Kek rat un kek kalepen hi jaake tamlo, te nai khatrans pen i tchilatche kote dren.

Hiob 34:22 Iomraidhean Croise

2. Samuel 12:12

Tou kral kova čorrhanes. Me krau kova glan o tselo Israel oun mashkral ap o dives.”

Hiob 10:14

Tou kamal yak ap mande te dell, te dikess, te loms me doosh ap mande. Palle kamal miri doosh ap mande te moukell.

Hiob 10:21

glan te djau koy, kay vau bouder gar pale – an o tamlo them, kay hako tsiro kali rat hi

Hiob 11:20

I čilače hayvenn gar, hoske lenge djoungeles djal, oun hatsenn gar vin dran lengri bibarht. Lenge ačell či har te dikenn le ap ko dives, kay merenn le.

Hiob 12:22

Yob anell kova glan, hoy khatedo his an o kalo telstunepen, oun krell, te vell o tamlepen diklo.

Hiob 22:13

Oun tou poučeh: “Hoy nay djinell o Devel? Hi lo gar khatedo pal kale volke? Har nay rakrell lo o čačepen pral mende vin?

Hiob 24:17

Kali rat hi lenge lauterenge har vavarenge i tsalla. An i rati hi len kek daar.

Hiob 3:13

Te voms moulo, voms koy čiddo, oun sovoms, oun voms pokones.

Hiob 3:5

Mou vell ko dives pherdo kalepen oun tamlepen! Kale volke mou ačenn pral leste! Oun o kham mou vell kalo ap ko dives, te vell i menshenge bari daar!

Hiob 31:3

Pral i čilačo vell bibarht, oun koleske, kay krell djoungelo koova, djal či mishto.

Hiob 38:17

Hals tou tardo pash i voudya an o moulengro them? Oun dikal tou i voudya glan koy platsa, kay hi baro kalepen.

Debleskri gili 5:5

Tou hal i Devel, kay čilače dromma gar kamella. Pash toute nay ačell i čilačo gar.

Gosewe laba 10:29

O drom o baro Deblestar hi har i zorelo kheer kolenge, kay an o čačepen tardo hi. I čilačen anell lo an o merepen.

Jesaja 29:15

Djungeles djal kolenge, kay kova, hoy le penge an pengre djia glan lan, glan o baro Debleste khatrenn, oun an o kalepen i ratsyatar pengro koova krenn, oun penenn: “Koon dikell men? Oun koon djinell, te hams mer kova?”

Jesaja 9:2

Baro Devel, tou kral, te venn i menshe boud, kral, te vell lengri barht bares. Glan toute stenn oun sanenn le i barhtyatar, yaake har an ko tsiro, kay lenn le o djob dren, oun yaake har lourde barhtelo hi, te lenn le pengro kotar kolestar, hoy randedo vas an o kourepen.

Jeremia 16:17

Mire yaka dikenn halauter, hoy yon krenna. Yon nay khatrenn pen gar glan mande. Lengri doosh hi glan mire yaka tardo.

Jeremia 23:24

Kek nay khatrell pes yaake čorrhanes, te dikau les gar, penell o baro Devel. Kek platsa hi an o bolepen oun ap i phoub, kay me gar hom. penell o baro Devel.

Mateo 7:23

Palle penau lenge: Me prindjrau t'men gar. Djan mandar, t'mer čilače!

Louka 13:27

Koy penell yob ap t'mende: Me prindjrau t'men gar. Djan mandar, t'mer čilače!

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.

Hebrearja 4:13

O Devel dikella lauter. Či an mende hi khatedo glan leskre yaka. Lauter hi pre čakedo glan leste. Oun leske hounte penas mer halauter, hoy kram.