Hiob 33:9 - O Debleskro Lab 2024 (Sinte-Manouche)

⁹ “Me djivom i djoudjo djipen, oun krom kek čilačo koova. Kek doosh hi ap mande. O čačo dromestar djom gar tele.

O Debleskro Drom 2021 (Sinte)

⁹ “Me djiwom i djudjo djipen, un krom kek tchilatcho koowa. Kek doosh hi ap mande. O tchatcho dromestar djom gar tele.

Hiob 33:9 Iomraidhean Croise

Hiob 10:14

Tou kamal yak ap mande te dell, te dikess, te loms me doosh ap mande. Palle kamal miri doosh ap mande te moukell.

Hiob 10:7

Tou djineh, te hi ap mande kek doosh, oun te hi kek koy, koon nay lell miro djipen dran tiro vast vin.

Hiob 11:4

Tou penal: “Kova hoy me rakrom, hi halauter čačo. Me hom djoudjo glan o Debleskre yaka.”

Hiob 13:18

Me anom kava pre, te vell vin kerdo, hoy o čačepen hi. Me djinau, te hi man čačo.

Hiob 13:23

Har boud doosh lom me ap mande? Havo čilačepen krom me? Mouk man te djinell, kay me tiro dromestar tele djom, oun krom, hoy tou gar kameh!

Hiob 14:17

Ko čilačepen, hoy krom, pandals khetne har an i possita. Koy doosh, hoy ap mande lom, čakrals tou, te vell li bouder gar diklo.

Hiob 16:17

Yaake hi kova, ninna te krom kek čilačepen, oun mangom miro Debles i djoudjo djiyeha an.

Hiob 17:8

Te dikenn man kolla, kay an o čačepen tardo hi, ačell lenge o rakepen krik i trashatar. Oun kolla, an kolende kek doosh hatslo vell, penenn rhoyedes: “Kova djivell gar o Debleha.

Hiob 17:9

Yek, kay an o čačepen tardo hi, moukell gar tele peskro dromestar. Oun koon i djoudjo djipen djivell, vell zorleder oun zorleder.”

Hiob 23:10

Yob djinell havo drom me djau. Dikals lo palla, har djivau, hatsals lo vin, te hom djoudjo har sonakay.

Hiob 29:14

Hako tsiro krom, hoy čačo hi. Oun miro čačepen his ap mande, har te vals lo miro ripen oun miri stadi.

Hiob 32:1

Oun kol triin morsha penan bouder či pale ap o Hiob doleske, kay his yob an peskre yaka an o čačepen tardo.

Hiob 33:8

Tou rakral glan mire kanda. Oun me shounom kol laba dran tiro mouy, har tou penal:

Hiob 34:5

O Hiob penas: “Me hom an o čačepen tardo. Oun miro čačepen las o Devel mandar krik.

Hiob 34:6

Hounte rakrap rhorhepen oun penap: Me lom doosh ap mande? Mange vas i baro doukepen dino, ninna te hi kek doosh ap mande.”

Hiob 35:2

Patseh, te hi kova čačo, hoy penal? Tou penal: “Me hom an o čačepen glan o Debleste.”

Hiob 7:21

Hoske leh tou ko čilačepen gar krik mandar, hoy krom, oun bistreh miri doosh? An i tikno tsiro vau tel i phoub. Te rodeh pal mande, hom me gar bouder koy.

Hiob 9:17

Yob bičrell i zorelo phourdepen, te taprell lo pal mande, oun dell man boud doukepen, ninna te krom či.

Hiob 9:21

Kek čilačepen krom me. Miro djipen hi mange bouder či moldo. Kamau bouder gar te djivell. Lauter hi mange yek. Doleske penau me: O Devel dell koles moulo, kay lačo oun čačo hi, oun ninna koles, kay čilačo hi.

Hiob 9:23

Te vell i bari bibarht, oun marell menshen ap yek kopo, palle sal lo pral kova, ninna te hi kek doosh ap lende.

Hiob 9:28

palle taprau pale daar i tsele doukendar. Oun djinau, glan o Debleskre yaka hi man doosh.

Jeremia 2:35

peneh tou: Me krom či. O baro Devel hi bouder gar rhoyedo ap mande. Djiness, me dau tout i phagi koleske, kay tou penal: Me krom kek čilačepen.