Hiob 32:8 - O Debleskro Lab 2024 (Sinte-Manouche)

⁸ Hi čačo, kova, hoy krell i menshes gosevo, hi o dourho o zorelo Deblestar, koles yob an i mensheste dren čivas.

O Debleskro Drom 2021 (Sinte)

⁸ Hi tchatcho, kowa, hoi krell i menshes gosewo, hi o ducho o sorelo Deblestar, koles job an i mensheste dren tchiwas.

Hiob 32:8 Iomraidhean Croise

1. Mose 41:38

Oun o baro ray poučas peskre pralstoune boudepangrendar: “Nay hatsah mer i morsh har kava, kay o gosvepen o Deblestar an leste hi?”

1. Mose 41:39

Ap o Yosefeste penas o baro ray: “O Devel sikras toute kava tselo koova. Kekes hi yaake boud gosvepen har tout.

1. Rajengro liil 3:12

Doleske krau yaake har tou kova mandar mangal. Me dau tout i gosevo dji, te hayvess halauter, hoy glan toute vella. Yaake his pash kekeste glan toute. Oun pal toute vell vitar kek, har tou hal.

1. Rajengro liil 3:28

Oun an o tselo them Israel shounan le ko čačo lab, hoy o baro ray hatsas. Oun yon dikan pre ap o baro rayeste, oun yon hayvan, kay o gosvepen o Deblestar an leste his, te nay dell lo i menshenge lengro čačepen.

1. Rajengro liil 5:9

Oun o baro Devel das o Salomes baro gosvepen oun i lačo shero. Yob djinas boudeder koova har i santa pash o baro pani hi.

Hiob 12:13

O Debles hi gosvepen oun ninna zoor. Yob hayvell halauter, oun nay penell, hoy te vell kerdo.

Hiob 12:16

Pash leste hi i zoor oun o čačo gosvepen. Les hi ninna i zoor pral koleste, kay perell o čačo dromestar tele, oun pral koleste, kay anell les o čačo dromestar tele.

Hiob 27:3

Yaake rah har an mande gomme djipen hi, oun o dourho o Deblestar an miro nak hi,

Hiob 33:16

krell lo lenge i kanda pre, te denn le pen yak. Oun zoreles dell lo len trad,

Hiob 33:4

O dourho o Deblestar kras man. Ava, o dourho o zorelo Deblestar das man o djipen.

Hiob 35:11

Yob kras, te djinas mer boudeder har i firhe ap i phoub, oun kras men gosveder har i čirklen tel o bolepen.

Hiob 38:36

Koon čivas o gosvepen kote, kay lo khatedo hi? Oun koon krell, te nay hayvell i mensho čomone?

Gosewe laba 2:6

O baro Devel hi kova, kay dell gosvepen. Lestar vell, te djinell oun hayvell i mensho boud koova.

Gosewe laba 20:27

O mensheskro dourho hi har i momeli o baro Deblestar. Koleha nay dikell o mensho an peste dren oun dikell, hoy an peskro dji hi.

Sikepaskro 2:26

Kol menshe, kay djivenn yaake har glan o Debleste mishto hi, kolla lenna lestar gosvepen oun barht an o dji. Kolla, kay djan o Debleskro dromestar tele, kolen moukell lo te boudrell oun bravlepen khetne anell, hoy pal i tsiro i vavareske vell, yekeske, kay djivell yaake har glan o Debleste mishto hi. Palle his leskri tseli boudi čičeske, oun yaake har te nashals lo pal o dourho, hoy djal pral i phoub.

Jesaja 28:26

Oun har yob kova hounte krell, sikras les o Devel, kova hoy yob djinell, vell lestar.

Daniel 1:17

Oun kol star terne morshen das o Devel i baro gosvepen, te hayvan le lila an boud rakepen te draverell. Ninna hayvan le pen vin an boud koova. Oun o Daniel hayvas ninna te penell, hoy sounya oun dikepen kamenn te penell.

Daniel 2:21

Yob hi o ray pral o tsiro, oun dell hakeneste peskro tsiro; yob lell i bare rayendar lengro them, oun čivell vavar rayen dren; yob dell i goseven lengro gosvepen oun kolen, kay hayvenn čomone, das yob an o shero, te nay hayvenn le.

1. Korintarja 12:8

Ko yekes dell o Debleskro Dourho i gosevo lab, oun i vavares, te hayvell lo, hoy o Devel kamella. Oun yob penell kova i vavarenge doureder. Hi yek Debleskro Dourho, kay kova lauter krella.

2. Timoteo 3:16

Lauter, hoy an o Debleskro lab činlo hi, čivas o Devel an i menshengre djia, te činenn le kova pre. Men hounte vell o Debleskro lab, te sikras i menshende leskro drom, te sikras len lengri doosh, oun hoy te krenn le feteder, oun har te djivenn le i djipen, hoy o Devel kamella.

Jakobo 1:5

Te djinell yek t'mendar gar, hoy o Devel lestar kamella, palle nay mangell lo o Debles, te sikrell yob leste kova. O Devel hi lačo, oun yob dell o djiyestar, ninna te veh tou boud kope pash leste.