Hiob 32:21 - O Debleskro Lab 2024 (Sinte-Manouche)

²¹ Me vau ap kekeskri rig tardo, oun kek mensheske rakrau pal o mouy.

O Debleskro Drom 2021 (Sinte)

²¹ Me wau ap kekeskri rig tardo, un kek mensheske rakrau pal o mui.

Hiob 32:21 Iomraidhean Croise

2. Samuel 14:17

Čačepah, miro ray, me penom mange: Kova, hoy o baro ray penell, hi mange mishto. Yob hi har i Debleskro bolepaskro, kay djinella, hoy lačo oun hoy čilačo hi. Tiro baro Devel mou ačell touha!”

2. Samuel 14:20

Yob kamas kova gar touke an o mouy te penell. Tou, miro baro ray, hal yaake gosevo har o Debleskro bolepaskro, oun djineh halauter, hoy ap i phoub djala.”

Hiob 13:10

Te čivenn t'mer t'men čorrhanes ap leskri rig, čačepah, palle sikrell lo t'men i zorelo rakepah, te hounte vell kova gar yaake kerdo.

Hiob 13:8

Kamenn t'mer t'men ap leskri rig te čivell? Kamenn t'mer leske mantsa an o čingepen te djal?

Hiob 32:20

Me hounte rakrap, te nay lap pale dourho. Ava, kamau vin te rakrell, hoy kamau t'menge te penell.

Hiob 32:22

Me hayvau man gar koy pre, te rakrap yekeske pal o mouy. Te kroms kova, lals kova, kay mange miro djipen das, sik miro djipen pale mandar krik.

Hiob 33:3

Mire laba venn dran miro dji, oun hi čačo. Kova hoy djinau, rakrau i djoudjo djiyeha.

Hiob 34:19

Yob dikell gar i pralstounes feteder an har i vavares, oun tserdell o braveles gar o čorveleske glan. Leskro vast kras len halauter.

Debleskri gili 82:2

“Har rah djan t'mer gar pal o čačepen? Har rah denn t'mer koleste peskro čačepen, koles gar čačo hi?

Gosewe laba 24:23

Ninna kolla hi laba, hoy i goseve penan: Kova hi gar mishto, te dikenn i čačepangre morsha yekes feteder an har o vavares.

Gosewe laba 28:23

Te peneh yekeske, hoy yob gar mishto kras, palle vell ko tsiro, kay parkrell lo pes pash toute. Oun kova boudeder, har te rakrals leske pal o mouy.

3. Mose 19:15

Te vell o čačepen vin kerdo, palle de koles peskro čačepen, koles čačo hi! Ma tserde koles glan, kay čorvelo hi, vitar gar koles, kay bravelo hi. Hakeno hounte lell peskro čačepen.

Maleachi 2:9

T'mer rikran t'men gar ap miro drom, oun dikan ap o mensheste, har an-diklo yob hi, har penan leske, hoy te krell lo. Doleske krom t'men pale-čiddo, oun čivom ladj ap t'mende glan i tsele menshende an Israel.

Mateo 22:16

Oun yon bičran pengre morshen pash leste. Lentsa djan ninna vavar morsha. Kolla his o Herodeskre mala. Oun yon penan ap leste: “Sikepaskro, mer djinah, tou peneh o čačepen, oun sikreh mishto i menshende o Debleskro drom. Tou rakreh kekeske pal o mouy, ninna te hi len boud penepaske.

5. Mose 1:17

Oun dikenn gar koy pre, koon glan t'mende tardo hi! Shounenn i tiknen oun i baren! Ma darenn kekestar! Krenn yaake o čačepen vin, har te krals kova o Devel! Savo koova, hoy t'menge phares hi, kova anenn pash mande, te shounap me kova.”

5. Mose 16:19

Te hal tou i čačepaskro, hounte dess tou koles peskro čačepen, koon an o čačepen hi. Tou dikess gar koy pre, koon glan toute tardo hi. Te dell yek tout kouč koova, te dess tou les čačepen, ma le kova an! Koon savo shoukar kouč koova an-lell, vell korelo o čačepaske, oun dikell bouder gar, koon an o čačepen hi.