Hiob 30:22 - O Debleskro Lab 2024 (Sinte-Manouche)

²² Tou moukeh i dourho te vell, hoy hadell man pre oun phourdell man krik, oun vitsrell man pre oun tele an i baro phourdepen.

O Debleskro Drom 2021 (Sinte)

²² Tu mukeh i ducho te well, hoi hadell man pre un phurdell man krik, un witsrell man pre un tele an i baro phurdepen.

Hiob 30:22 Iomraidhean Croise

Hiob 21:18

oun phourdas les krik, har phourdell i dourho o phouss krik, oun har hidjrell i zorelo phourdepen o čik krik.

Hiob 27:21

I tato zorelo dourho hadell les pre, hidjrell les krik, oun phourdell les krik dran peskro kheer.

Hiob 9:17

Yob bičrell i zorelo phourdepen, te taprell lo pal mande, oun dell man boud doukepen, ninna te krom či.

Debleskri gili 1:4

Yaake hi i čilačentsa gar. Yon hi har čik, hoy i dourho krik phourdell.

Debleskri gili 102:10

An tiri rholi dal tou man trad, hadal man pre oun vitsral man pale tele ap i phoub. Doleske rhau yagakri čik har maro. Oun mire sva perenn an miro pipen.

Debleskri gili 104:3

oun kral touke i kheer pral i panya. Tou oulereh ap i volke har ap i vourdin, oun i vinta hidjreh tout.

Debleskri gili 18:10

Oun yob tserdas o bolepen ap i rig, oun vas tele. Kali rat his tel leskre herya.

Jesaja 17:13

Ava, har bare divye panya venn le sik. Koy čingrell o Devel ap lende, oun yon nashenn penge, oun venn tradedo har o phouss, hoy phourdell i zorelo dourho pral o them, oun har patria, hoy phourdell lo trouyel.

Ezekiel 5:2

Ap ko tsiro, kay vell o foro dren lino, rhače yek triinto kotar foun kol balla mashkral an o foro. Oun i vavar triinto kotar de ko rhareha paash vin glan kol foreskre voudya. Oun ko vavar triinto kotar vitse pre, te lell len o dourho peha! Yaake lau me i menshen dran Yerusalem palla o rhareha.

Hosea 13:3

Doleske hi le har i folka, hoy taysarlakro sik krik djal, oun har ko pani, hoy ap o zenlepen hi, oun sik bouder gar koy hi. Ava, har o phouss hi le, hoy vell dran i platsa vin phourdedo, kay o djob vin dino vas, oun har i yagakro dourho, hoy tserdell dran i vorhni vin.

Hosea 4:19

I zorelo dourho taprell len oun hidjrell len krik. Oun ladj vell ap lende doleske, kay maran yon firhen kol rhorhene deblenge.