Hiob 29:3 - O Debleskro Lab 2024 (Sinte-Manouche)

³ har leskri momeli pral miro shero his, oun me yaake an i kali rat nay trouyel djom,

O Debleskro Drom 2021 (Sinte)

³ har leskri momeli pral miro shero his, un me jaake an i kali rat nai trujel djom,

Hiob 29:3 Iomraidhean Croise

Hiob 11:17

Oun pral tiro djipen djal o kham pre, oun hi zorelo har mashkral dives. Ninna te hi kanna tamlo, vell i nevo dives.

Hiob 18:6

An leskro kheer vell tamlo. Oun koy momeli pral leste djal vin.

Hiob 21:17

Gar boud kope meras i čilačo, glan te vas lo phouro. Gar boud kope vas i bibarht pral leste. Gar boud kope anas o Devel i phagi pral leste an peskri rholi,

Hiob 22:28

Hoy tou touke glan lal, kova djal touke mishto. Oun i momeli djal pre pral tire dromma.

Debleskri gili 112:4

Ninna an i kali rat vell i momeli kolenge, kay o čačo drom djan, kolenge, kay hi lačo oun kamlo oun djan pal o čačepen.

Debleskri gili 18:28

Tou veh ap i rig i čorvelenge, oun kol pre-phourden kreh tou tiknes.

Debleskri gili 18:29

Miro baro Devel, tou kreh miri momeli zoreles, oun kreh miri rat yaake har vals dives.

Debleskri gili 23:4

Ninna te nashau me mashkral i tamli tala, darau me glan kek bibarht. Tou hal pash mande. Tiro kashteha aneh tou man pale, oun rikreh i divye firhen mandar krik, yaake hounte trashap gar.

Debleskri gili 27:1

I gili o Davidestar. O baro Devel hi mange i momeli, oun yob hi kova, hoy man vin lella dran i vasta čilače menshendar. Kekestar hounte darap man. O baro Devel rikrell man an o djipen. Kekestar hounte trashap me.

Debleskri gili 4:6

Denn kova o Debleste, hoy mishto oun čačo hi! Oun patsenn, te krell o baro Devel lauter mishto!

Debleskri gili 84:11

Yek dives ap i platsa glan tiro kheer hi feteder har i zerya vavar divessa. Me kamau boudeder te vap tardo pash o voudar glan tiro kheer, har te djivap pash i čilačende.

Gosewe laba 13:9

Koon an o čačepen tardo hi, hi har i momeli, hoy barhteles rhačell, oun i čilačo har i momeli, hoy djal vin.

Gosewe laba 20:20

Kova, kay pral peskro dades oun peskri date bibarht vin rakrell, koleske djal har yek, koleskri momeli vin djal an i kali rat.

Gosewe laba 24:20

Kolenge, kay čilačo hi, vell kek lačo tsiro. Lengro djipen hi har i momeli, hoy djal vin.

Jesaja 2:4

Oun yob vell o čačepaskro ray, kay krell o čačepen vin mashkral i menshende dran i vavar themma, oun penell lenge, te moukenn le pengro čingepen. Oun kolla lenn palle pengre rhare oun vitsepaskre čourya, oun krenn lendar harhetikre koola, kolentsa boudrenn le nay an i phoub oun činenn i drakengre kashta tele. Oun palle kourenn pen i menshe dran yek them bouder gar i menshentsa dran i vavar them. Oun kek sikrell i vavaren bouder, har te marenn le pen.

Johanni 12:46

Me hom koy bari momeli, hoy vas ap kay phoub. Hakeno, koon ap mande patsella, ačell gar an i rati.

Johanni 8:12

Pale rakras o Yezous i menshentsa oun penas: “Me hom koy momeli i menshenge. Koon mange palla djala, djal gar an o tamlepen. Me hom koy momeli, kay o djipen della.”

Efesarja 5:14

Oun kova, hoy diklo vella, ačell gar an o tamlepen.

Efesarja 5:8

Glan ko tsiro, har t'mer patslo van, djan t'mer ap o čilačo drom. Kova his har te djans an i rati. Kanna hi kova vavarčandes. Maro ray Yezous djivell an t'mare djia, oun anas t'men ap peskro drom. Yob hi i bari momeli t'menge. Djan kanna ap leskro drom, kay hi bouder kek tamlepen!