Hiob 27:6 - O Debleskro Lab 2024 (Sinte-Manouche)

⁶ Me hom an o čačepen. Ap kova rikrau man zoreles, oun ačau koy pashel. Kek dives penell miro dji mange: Kova hoy kral, his gar mishto.

O Debleskro Drom 2021 (Sinte)

⁶ Me hom an o tchatchepen. Ap kowa rikrau man soreles, un atchau koi pashel. Kek diwes penell miro dji mange: ‘Kowa hoi kral, his gar mishto.’

Hiob 27:6 Iomraidhean Croise

Hiob 13:18

Me anom kava pre, te vell vin kerdo, hoy o čačepen hi. Me djinau, te hi man čačo.

Hiob 17:9

Yek, kay an o čačepen tardo hi, moukell gar tele peskro dromestar. Oun koon i djoudjo djipen djivell, vell zorleder oun zorleder.”

Hiob 2:3

Oun o baro Devel poučas o bengestar: “Dal tou ninna yak ap miro boudepaskro, o Hiob? Kek vavar hi ap i phoub, kay hi yaake har kova. Yob hi an o čačepen tardo, oun kek doosh hi ap leste. Yob mangell man an, oun rikrell pes dour krik o čilačepastar. Ninna kanna anell lo kek doosh ap peste, kay tou mandar kamal, te anap les an i bibarht, ninna te kras lo či.”

Hiob 27:7

Koon kamell mange čilačepen, leske te djal har i čilačenge! Koon stakrell khatar mande pre, leske te djal har kolenge, kay gar an o čačepen hi!

Hiob 29:14

Hako tsiro krom, hoy čačo hi. Oun miro čačepen his ap mande, har te vals lo miro ripen oun miri stadi.

Hiob 31:6

Me mangau o Debles, te dikell lo palla an o čačepen: Lom me doosh ap mande oder gar? Palle dikell lo, te hom an o čačepen tardo.

Hiob 31:7

Te djan mire herya tele leskro dromestar, oun te nashas miro dji mire yakenge palla, oun te kran mire vasta čomone, hoy gar mishto hi,

Hiob 32:1

Oun kol triin morsha penan bouder či pale ap o Hiob doleske, kay his yob an peskre yaka an o čačepen tardo.

Hiob 32:2

Kote vas i rholi an o Elihou, koleskro dad o Barakel his i menshendar, kay kharenn Bouzarya, dran i familya Ram. O Elihou vas rhoyedo doleske, te patsas o Hiob, te vals yob boudeder an o čačepen har o Devel.

Hiob 40:8

Kameh tou čačepah te penell, me djau gar pal o čačepen? Peneh, te anom me doosh ap mande, te nay vess tou koy tardo, har te vals tout čačes?

Hiob 6:29

Moukenn tele, čilačepen ap mande pre te anell! Ava, moukenn tele koleha! O čačepen hi ap miri rig!

Gosewe laba 4:13

Ač pash kova, hoy touke siklo vas, mouk kova gar! Rike tout ap kol goseve laba! Dran lende vell tout i lačo djipen.

Bičepangre 24:16

Doleske krau lauter te djivap yaake, te vell man hako tsiro i djoudjo dji glan o Debleste oun glan i menshende.

2. Korintarja 12:11

T'mer kran, te rakrom har i dinelo. Me hounte sharoms man gar. Na-a, t'mer hounte sharans man. Ninna te voms me či, voms me yaake boud moldo har kol bare rakepangre pash t'mende, kay penenn, te hi le bičedo o Yezous Kristestar.