Hiob 26:14 - O Debleskro Lab 2024 (Sinte-Manouche)

¹⁴ Dik, kava hi či har i tikno kotar kolestar, hoy yob kras. Oun hoy lestar shounam, hi gar boudeder har i tikno lab. Kek nay hayvell, har baro leskri zoor čačepah hi!

O Debleskro Drom 2021 (Sinte)

¹⁴ Dik, kawa hi tchi har i tikno kotar kolestar, hoi job kras. Un hoi lestar shunam, hi gar budeder har i tikno lab. Kek nai haiwell, har baro leskri soor tchatchepah hi!

Hiob 26:14 Iomraidhean Croise

Hiob 36:29

Yaake dell lo lenge boudeder har doha te rhal. Kek nay hayvell, har o Devel i volken ap o bolepen čivas, oun har vell koy bari gole dran leskro bolepaskro kheer, te dell i yag ap o bolepen karye troul leste trouyel. O telstunepen o baro panyestar ačell an o tamlepen.

Hiob 37:4

Pal kova vell koy bari zoreli gole shounlo, hoy hi har o baro Debleskro rakepen. Oun yob rikrell peskri yag gar pale, te moukell lo peskro rakepen te shounell.

Hiob 37:5

Te moukell o Devel peskro rakepen te shounell, krell lo kova savi bari golyah, te ačell menge o rakepen krik. Yob krell baro koova, hoy nay hayvah mer gar.

Hiob 4:12

Mange van čorrhanes laba penlo. I tikni golyah rakras yek an miro kand.

Hiob 40:9

Hi tout savi bari zoor har man? Nay rakreh tou savi zoryah har me?

Hiob 42:5

Ap ko tsiro djinom či toutar, har kova hoy mange penlo vas. Kanna dikom tout mire yakentsa.

Debleskri gili 139:6

Tou prindjreh man yaake mishto, kova hi mange bares oun phares. Me nay hayvau kova gar.

Debleskri gili 145:3

Zorelo hi o baro Devel oun boud moldo, te vell lo sharedo. Kek hayvell, har baro yob hi.

Debleskri gili 29:3

O baro Debleskro rakepen vell shounlo pral i panya. Te dell o zorelo Devel gole, hi kova har koy bari gole, hoy dell o bolepen, te dell baro brishin. O baro Devel hi o ray pral i tsele bare panya.

Sikepaskro 11:5

Tou djineh gar havo drom o phourdepen djala, oun har i kokale kerdo venna an i dakro per. Yaake nay djineh tou vitar gar, hoy o Devel halauter krella, oun har yob halauter krella.

Habakuk 3:4

Leskro shoukapen hi har o kham, hoy pre djal. Har khameskri momeli djal dran leskre vasta vin. Kote dren hi leskri zoor khatedo.

Remarja 11:33

Har baro hi o Debleskro lačepen ap lauterende! Har baro hi leskro gosvepen! Yob djinell halauter, hoy kek vavar nay djinella. Kek nay djinell, har yob rakrell o čačepen vin. Kek nay hayvell leskre tsele dromma.

1. Samuel 2:10

Kolla, kay čingrenn ap baro Debleste, venn moulo dino. Dran o bolepen bičrell o Devel peskri rholi pral lende. O baro Devel dell i tseli phoubyat peskri phagi. Yob rodell koles vin, kay baro ray vell, oun dell les bari zoor.