Hiob 24:9 - O Debleskro Lab 2024 (Sinte-Manouche)

⁹ Čilače menshe lenn zoryah i čorveli dake o ternepen dran i moussya krik, koleskro dad meras. Oun yon penenn ap late: Me dau les touke pale, te playsral mange tiri siyaan.

O Debleskro Drom 2021 (Sinte)

⁹ Tchilatche menshe lenn sorjah i tchorweli dake o ternepen dran i mussja krik, koleskro dad meras. Un jon penenn ap late: ‘Me dau les tuke pale, te plaissral mange tiri sijaan.’

Hiob 24:9 Iomraidhean Croise

2. Rajengro liil 4:1

Kote his i djouvel, kolakro rom his i Debleskro rakepaskro. Koya das pal o Elisa gole oun penas: “Tiro boudepaskro, miro rom, meras. Oun tou djineh, kay lo ap o baro Debleskro drom djas. Oun kanna vell ko morsh, kay miro romes siyaan hi pash leste, oun kamell mire douy čaven te lell, te venn le leskre ginle boudepangre.”

Nehemia 5:5

Yon lauter penan: “Mer ham har mare phrala, lengro mass oun rat. Mare čave hi har lengre čave! Oun mer hounte das mare čaven oun čen lende, te venn le lengre boudepangre. Oun mank mare čende hi save, kay van zoryah an-tapedo. Oun mer nay krah či. Oun mari harhetikri phoub oun maro drakengro them hi vavaren.”

Hiob 22:6

Har tiro phraal toutar patsas, lal touke čomone lestar, te rikress les, bis te yob peskri siyaan playsras. Leskre koola lal lestar, oun moukal leske kek an-ripaske.

Hiob 24:10

I čorvele djan trouyel, oun len hi či an-ripaske, oun hounte bokenna, ninna te hidjrenn le o khetne pandlo djob.

Hiob 24:8

Te dell bari brishin an i berge, venn le sapeno, oun hounte beshenn tel i bare barra, te khatrenn le pen glan o brishin.

Hiob 29:12

Me vom ko čorveleske ap i rig, kay ap mande gole das. Oun ko čavo, koleskro dad meras, oun leske kek bouder koy his, koleske homs me koy.

Hiob 6:27

T'mer han save, kay khelans troul i čaveste, koles kek dad bouder hi, oun bikrans t'maro males lovenge.

Jesaja 3:14

Ap i phourende oun rayende pral peskre menshende penell yob: T'mer rhan i tsele drake, hoy ap miro drakengro them bares van, An t'mare khera hi kova, hoy t'mer i čorvelenge randan!

5. Mose 24:7

Te vell i morsh tapedo, kay i vavar Israelitares čoras oun leha krell, har te vals lo i ginlo boudepaskro, oder yob bikras les, palle hounte vell ko čorepaskro moulo dino. T'mer hounte čivenn o čilačepen mashkral t'mende vin.