Hiob 24:5 - O Debleskro Lab 2024 (Sinte-Manouche)

⁵ Yaake har i divye bourike hounte djan le an o moulo tato them, te rodenn le rhapen, kote, kay gar boud bares vell, te hi len čomone, hoy denn le pengre čaven te rhal.

O Debleskro Drom 2021 (Sinte)

⁵ Jaake har i diwje burike hunte djan le an o mulo tato them, te rodenn le chapen, kote, kai gar bud bares well, te hi len tchomone, hoi denn le pengre tchawen te chal.

Hiob 24:5 Iomraidhean Croise

1. Mose 16:12

Tiro čavo vella i mensho har i divyi bourika. Yob kourell pes hakeneha. Oun hakeno kourell pes leha. Yob lell peske i kotar them gar dour peskre phralendar, te rhoyrell lo len.”

1. Mose 27:40

Tou djiveh kolestar, hoy tiro rharo anella touke, oun hounte boudress tiro phraleske. I dives vella, kay hadeh tout ap leste, oun moukeh les bouder gar ray pral toute te vell.

Hiob 12:6

I khera kolendar, kay i vavaren zoryah tele rikrenn, hi zoreles tardo. Oun kek krell kolenge daar, kay krenn savo koova te vell o Devel rhoyedo, Yon patsenn, te hi len o Devel an pengro vast.

Hiob 24:14

Glan te djal o kham pre, stell o marepaskro pre oun marell o čorveles, koles či hi. Oun rati djal o marepaskro trouyel, te čorell lo.

Hiob 24:6

Ap i harhetikri phoub vavarendar rodenn le djob, hoy pral ačas. Oun i drakengre roukendar, hoy i bravelen hi, lenn le penge kol drake, hoy bistedo van.

Hiob 5:5

Ko djob, hoy yob činas oun dren anas, kova rhan kolla pre, hoy bokenn. Ninna kova, hoy mank i soubyengre bourra bares vas, lan le penge. Bokle menshe rhan leskro bravlepen.

Debleskri gili 104:23

Palle djan i menshe vin ap pengri boudi oun boudrenna bis ap i rat.

Gosewe laba 4:16

Kol menshe nay sovenn gar yaake rah bis te kran le čomone čilačo. Lenge vell o sopen randedo, te anan le gar yekes an i bibarht.

Jeremia 2:24

har i divyi bourika an o moulo them, te dell yoy gole oun nashell trouyel an lakro bipandlo tsiro, oun kek nay rikrella pre. Koon lat kamell, hounte rodell gar dour. Yoy moukell pes sik te hatsell an ko tsiro.

Hosea 7:6

An ko tsiro, kay lenn le penge čilačo koova glan, hi lengro dji tato har i bob. I tseli rati sovell lengri rholi, taysarlake rhačell li pre har i bari yag.

Hosea 8:9

Yon djan pral an o them Assour kouč koveha. I divyi bourika ačell peske kokres. O Efrayim kamell malen peske te ginell.

Micha 2:1

Havi bibarht vell pral kolende, kay hi čiddo ap pengro čiben, oun an lengro shero djal čilačo koova trouyel, hoy kamenn le te krell. Yaake sik har o kham pre djal, krenn le, hoy le pen glan lan. Len hi i zoor, te krenn le, hoy le kamenn.

Zefanja 3:3

Lengre pralstoune hi har leve, kay denn i bari gole. Lengre čačepangre morsha hi har divye djoukle an i rati, kay rhan lauter, hoy maran le, oun moukenn či pral o vavar diveske.

Johanni 18:28

Kanna anan le o Yezouses dran o Kayafeskro kheer vin, oun anan les an o baro kheer o themeskro rayestar, kay i Remari his. His taysarlake. I bibolde djan gar leha an ko baro kheer dren, te venn le gar pale-čiddo. Yon kaman te nay rhan le ko rhapen ap ko baro dives, kay kharella Passa.

Bičepangre 23:12

Taysarlake van boudeder har star-deesh bibolde khetne, oun dan pen sovel, te rhan le oun te piyenn le či yaake rah, bis te yon o Paules maran.