Hiob 24:1 - O Debleskro Lab 2024 (Sinte-Manouche)

¹ Hoske dell o zorelo Devel kek tsirya, kay rakrell lo o čačepen vin pral i čilačende? Kolla, kay les prindjrenn, dikenn gar, har oun kaana yob kova krell.

O Debleskro Drom 2021 (Sinte)

¹ Hoske dell o sorelo Dewel kek tsirja, kai rakrell lo o tchatchepen win pral i tchilatchende? Kolla, kai les prindjrenn, dikenn gar, har un kaana job kowa krell.

Hiob 24:1 Iomraidhean Croise

1. Mose 18:17

Koy penas o baro Devel peske: “Penap me o Abrahameske gar, hoy me kamau te krell? Na-a!

1. Mose 7:4

An efta divessa moukau me brishin tele te vell ap i phoub: star-desha divessa oun star-desha rati, yaake te merell ap i phoub o tselo djipen, hoy krom.”

Hiob 15:20

I čilačo mensho marell pes tele i daryatar peskro tselo djipen. Kova, kay i vavaren tele rikrell, hi gar boud bersha glan leste.

Debleskri gili 31:15

Baro Devel, me rikrau man ap toute. Miro Devel hal tou.

Debleskri gili 36:10

Tou hal o djido pani, hoy nevo djipen della. Tou hal i momeli maro djipaske.

Debleskri gili 9:10

I bibarhtele nay khatrenn pen pash leste, oun yob rikrell peskro vast pral lende, oun dell yak ap lende an phare tsirya.

Sikepaskro 3:17

Kote penom mange: O Devel rakrell o čačepen vin pral koleste, kay djivell an o čačepen, oun pral koleste, kay djivell an o čilačepen. Hako koova, oun halauter, hoy yek krell, koleske dell i čačo tsiro.

Jesaja 2:12

Leskro dives vella, ko dives o baro Deblestar, ko rayestar pral o bolepen oun i phoub. Ap ko dives vell hako pre-phourdo tiknes kerdo, ninna hakeno, kay hadas pes, hakeno kay kras pes bares.

Jesaja 60:22

Ninna dran tiri tikneder familya venn yek zero menshe. Oun i familyatar, hoy gar an-diklo hi, vell i zoreli natsyona. Me, o baro Devel, krau kova peskro tsireske sik.

Jeremia 46:10

Kava hi o dives o baro Deblestar, kay hi o ray pral o bolepen oun i phoub. Ap ko dives dell lo kolen, kay kamenn les gar, kova pale, hoy yon ap leskre menshende kran. Leskro rharo rhal len, bis te hi lo čalo, oun vell mato lengro rateha. Yon hi har firhe, kay maredo venn o baro Debleske, kova, kay hi o ray pral o bolepen oun i phoub. Yob moukell len moulo te dell pash o pani Eufrat an o them, hoy kote čiddo hi, kay norden hi.

Daniel 2:21

Yob hi o ray pral o tsiro, oun dell hakeneste peskro tsiro; yob lell i bare rayendar lengro them, oun čivell vavar rayen dren; yob dell i goseven lengro gosvepen oun kolen, kay hayvenn čomone, das yob an o shero, te nay hayvenn le.

Obadja 1:15

O dives vell sik, kay vell miri rholi pral i tsele themma ap kay phoub, penell o baro Devel. Yaake har tou kral, yaake vell touke kerdo. Kova hoy tou kral, vell ap tiro shero pale.

Zefanja 1:7

Ma rakrenn či, te venn glan o baro Debleste, maro rayeste! Ko dives vell sik, kay vell o baro Debleskri rholi pral i menshende. Kava dives hi har i marepaskro dives, kay firhen maredo venn o Debleske oun i rhapen kerdo vell. O baro Devel kras ko rhapen oun das menshen khetne gole, te venn le pash o rhapen.

Mateo 24:38

Glan ko tsiro, har o baro pani vas, rhan oun piyan le, romedineran le, oun van romedino. Har o Noah an o panyeskro kheer djas,

Johanni 17:3

Kova hi ko djipen, hoy gar pre-herella: Te prindjrenn yon tout, kay tou hal o čačo Devel, oun te prindjrenn yon o Yezous Kristes, koles tou bičral ap kay phoub.

Bičepangre 1:7

Koy penas o Yezous: “O tsiro, kay o dad kova krella, hi leskro koova. T'mer hounte djinenn kova gar.

Bičepangre 17:26

Ko Devel kras ko yek menshes, o Adames. Kolestar van i tsele menshe an hake themma ap i phoub. Yob das len i tsiro, har rah yon djivenna, oun ninna an havo them yon djivenna.

Remarja 2:5

Oun tou kameh gar pash leste te vell. Tiro dji hi har bar. Doleske vell o Debleskri rholi baro oun bareder, hoy ap toute vella ap ko dives, kay hi o Devel o čačepaskro ray oun rakrell o čačepen vin pral i tsele menshende.

1. Tessalonikarja 5:1

Mire phrala, mer hounte činas t'menge či pral ko tsiro, kay kova lauter vella.

1. Timoteo 4:1

O Debleskro Dourho penell menge, te perenn i menshe o Debleskro dromestar tele an ko tsiro, hoy vella. Yon shounenn ap o rhorhepen, oun ap kova, hoy vella o bengestar.

1. Timoteo 6:15

Yob vella ap o čačo tsiro. Ko tsiro djinell o Devel. Koles sharah mer! Yob kokres hi o baro ray, oun bareder oun zorleder har lauter. Yob hi ko baro ray pral i tsele rayende.

2. Petro 2:3

Kol rhorhene sikepangre kamenn t'men rhorhene labentsa ap pengri rig te anell, te lenn le love t'mendar. O Debleskri rholi vell čačepah pral lende, oun lengri bibarht vella sik.