Hiob 23:10 - O Debleskro Lab 2024 (Sinte-Manouche)

¹⁰ Yob djinell havo drom me djau. Dikals lo palla, har djivau, hatsals lo vin, te hom djoudjo har sonakay.

O Debleskro Drom 2021 (Sinte)

¹⁰ Job djinell hawo drom me djau. Dikals lo palla, har djiwau, hatsals lo win, te hom djudjo har sonakai.

Hiob 23:10 Iomraidhean Croise

1. Mose 18:19

Me rodom les mange vin, te penell lo peskre čavenge oun kolenge, kay pal leste venna, te rikrenn pen le ap miro drom oun krenn, hoy mishto oun čačo hi, te nay moukap me halauter ap o Abrahameste te vell, hoy me leske penom.”

2. Samuel 22:22

Me rikrom man ap i dromma o baro Deblestar, oun moukom gar miro Debles.

2. Rajengro liil 20:3

“Ah, baro Devel, mangau tout, biste gar, kay djivom glan toute an o čačepen oun i djoudjo djiyeha oun krom, hoy mishto hi glan tire yaka.” Oun o Hiskiya rovas i baro ropen glan leste.

Hiob 10:7

Tou djineh, te hi ap mande kek doosh, oun te hi kek koy, koon nay lell miro djipen dran tiro vast vin.

Hiob 23:7

Palle anoms miro čingepen glan leste, oun sikroms, te hom an o čačepen tardo. Oun o Devel, miro čačepaskro ray, dikals, te hi kek doosh ap mande, oun moukals man te djal hako tsireske.

Hiob 23:9

Te djau serves, dikau či, hoy yob krell, te rissrau man ap i čači rig, dikau les kote vitar gar.

Hiob 31:4

O Devel dikell halauter, hoy krau, oun djinell, havo drom mire pire djan.

Hiob 31:6

Me mangau o Debles, te dikell lo palla an o čačepen: Lom me doosh ap mande oder gar? Palle dikell lo, te hom an o čačepen tardo.

Hiob 33:9

“Me djivom i djoudjo djipen, oun krom kek čilačo koova. Kek doosh hi ap mande. O čačo dromestar djom gar tele.

Hiob 6:29

Moukenn tele, čilačepen ap mande pre te anell! Ava, moukenn tele koleha! O čačepen hi ap miri rig!

Hiob 7:18

Haki tsalla dikeh ap leste, oun moukeh les gar i tikno tsireske dran tiro yak, te dikess palla, har oun hoske yob kova kras, hoy lo kras?

Debleskri gili 1:6

O baro Devel prindjrell o drom kolendar, kay an o čačepen tardo hi. Oun o drom i čilačendar anell len an i bibarht.

Debleskri gili 11:5

Yob rodell an i djia i lačendar oun i čilačendar. Koon o čilačepen kamell, ap koleste hi lo peskro tselo djiyeha rhoyedo.

Debleskri gili 17:3

Tou djineh, hoy mange an o shero djal. Ninna an i rati dikal palla, har an miro dji vi-dikella, oun hatsal či an mande, hoy gar mishto hi. Ninna kek čilačo lab vas dran miro mouy vin.

Debleskri gili 66:10

Tou, maro Devel, kamal te dikell, har maro dji ap toute rikrell. Doleske kral tou mentsa har o roupeha, hoy an yag thodo vell, te vell lo djoudjo.

Debleskri gili 7:9

Baro Devel, tou hal o baro čačepaskro ray pral i menshende dran i tsele themma. De man miro čačepen! Tou djineh, me hom tardo an o čačepen oun kek doosh hi ap mande.

Gosewe laba 17:3

Yaake har o roup an i yag čiddo vell, oun o sonakay an i bob, yaake lell o baro Devel i menshengre djia an o yak.

Jeremia 12:3

Baro Devel, tou dikeh oun prindjreh man, oun djineh, kay miro dji hako tsiro pash toute his. Kol vavaren tserde krik har bakre krik tserdedo venn, te venn yon maredo! Oun čip len ap i rig, te venn yon moulo dino!

Zakarie 13:9

Oun kolenge, kay pral ačenn, venn phare tsirya, kay hounte djan le dren, te venn le djoudjo kerdo, yaake har roup oun sonakay djoudjo kerdo vell an i yag. Palle denn le ap mande gole, oun me shounau len. Me penau: Yon hi mire menshe. Oun yon penenn: Tou baro Devel, hal maro Devel.”

Johanni 21:17

O Yezous poučas lestar o triinto kopo: “Simon, tou, o Yohanneskro čavo, kameh tou man o djiyestar?” Koy vas o Petreske ropaske pral kova, kay yob triin kope poučas: Kameh tou man o djiyestar? Oun yob penas: “Ray, tou djineh halauter. Tou djineh, kay me tout kamau o djiyestar.” Penas o Yezous: “De mire bakren te rhal!

1. Korintarja 3:15

Te rhačrell kova an i yag krik, hoy yob pre čivas, nashrell yob lauter. Yob kokres djal gar nashedo. Yob hi har yek, kay nashell dran i kheer vin, hoy rhačella.

5. Mose 8:2

Ma bistrenn, har djas t'maro baro Devel glan t'mende an kol 40 (star-deesh) bersha, har djan an o moulo tato them trouyel. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi: Shounenn t'mer ap leskre laba oder gar?

2. Timoteo 2:19

Ninna te hi save menshe koy, kay rakrenn rhorhepen, djinah mer: Kova, hoy o Devel kras, nashte krell kek paash. Kova hi har i bar, hoy zoreles tardo hi. Kek nay vitsrell les trouyel. Ap leste hi činlo: O ray prindjrella kolen, kay leskre hi. Oun ninna hi činlo: Koon o rayes an-mangella, hounte moukell o čilačo drom.

Hebrearja 11:17

T'mer djinenna: An o phouro tsiro kamas o Devel te dikell, har baro o Abrahameskro patsepen hi. Oun o Devel penas ap leste, te marell yob peskro čaves har i bakro, hoy o Debleske maredo vella. Oun o Abraham shounas ap o Debleste, oun las peskro čaves, kay leske kokres boldo vas, te marell lo les glan o Debleste. Glan kava tsiro penas o Devel ap o Abrahameste: Tiro čavo, o Isaak, hi o dad kolendar, kay pal toute venna.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.

1. Petro 1:7

Kova vella pral t'mende, te vell t'maro patsepen zorelo. Yaake har o sonakay an i yag djoudjo oun kouč kerdo vella, yaake hounte vell t'maro patsepen ninna djoudjo oun kouč kerdo. T'maro patsepen hi boudeder moldo har o sonakay, hoy ačell gar. Te ačell t'maro patsepen zorelo, palle sharell t'men o Devel oun krell t'men bares oun rayles ap ko dives, kay vell o Yezous Kristo pale.