Hiob 22:9 - O Debleskro Lab 2024 (Sinte-Manouche)

⁹ Koy djouvel, kolakro rom meras, bičral tou toutar krik, oun dal lat či an o vast. Oun djal kol čaventsa čilačes trouyel, kolengro dad meras.

O Debleskro Drom 2021 (Sinte)

⁹ Koi djuwel, kolakro rom meras, bitchral tu tutar krik, un dal lat tchi an o wast. Un djal kol tchawentsa tchilatches trujel, kolengro dad meras.

Hiob 22:9 Iomraidhean Croise

Hiob 24:21

Yob randas kolatar, kay kek čave nay las, kolake kek čavo boldo vas. Oun kolake o rom meras, lake kras lo kek lačepen.

Hiob 24:3

Yon lenn penge i bourika kolendar, kay len kek dad bouder hi, oun lenn koy groumni kolatar, kolakro rom meras, bis te playsrell li peskri siyaan.

Hiob 31:21

An kek tsiro hadom me miro vast pre ap i čaveste, koles kek dad bouder hi, ninna te djinom, te hi halauter ap miri rig, kay his an o foreskro voudar beshdo.

Hiob 6:27

T'mer han save, kay khelans troul i čaveste, koles kek dad bouder hi, oun bikrans t'maro males lovenge.

Debleskri gili 10:15

Phage i zoor kol čilačendar oun midjak menshendar, hoy len pral i vavarende hi! De len pengri phagi, te krenn le bouder kek čilačo koova!

Debleskri gili 37:17

Kolengri zoor vell phagedo. O baro Devel rikrell kolen, kay an o čačepen tardo hi.

Debleskri gili 94:6

Kol djouvyen, kolengro rom meras, marenn le, ninna i vi-themaryen, oun kol čaven, kolen kek dad bouder hi, denn le moulo.

Jesaja 1:17

Dikenn, har te krenn o lačepen, denn yak, te lell hakeno peskro čačepen. Avenn ap i rig kolenge, kay tele rikedo venn. Kol čave, kolen kek day oun kek dad hi, kolenge krenn o čačepen vin. Oun kol djouvya, kolenge o rom meras, kolengro koova lenn an t'maro vast!”

Jesaja 1:23

Tire pralstoune hadan pen pral mande oun djan khetne i čorepangre. Oun hakeno lendar moukell pes te ginell. Oun kol čave, kolen kek day oun kek dad hi, kolenge krenn le kek čačepen vin. Oun ko koova kol djouvyendar, kolengro rom meras, moukenn le gar glan pende te vell.

Jesaja 10:2

An i čorvelengro koova rakrenn le kek čačepen vin. Oun kolenge, kay gar an-dikle hi mank mire menshende, lenn le kova krik, hoy lenge pal o čačepen hi. Yon lenn kova krik, hoy i djouvyen hi, kolengre romma meran, oun čorenn i čaven vin, kolen kek dad bouder hi.

Jeremia 48:25

I bari zoor o themestar Moab hi phagedo, hi yaake, har te vals leskri moussi tele dino. Kova penell o baro Devel.

Ezekiel 22:7

Kolla, kay an Yerusalem djivenn, dikenn tele ap pengro dadeste oun ap pengri date, oun rhorhenn i vi-themaryen, kay pash lende djivenn. Oun kol djouvyen, kolengro rom meras, oun kol čaven, kolengro dad meras, kolen rikrenn le zoryah tele.

Ezekiel 30:22

Oun pale penas o baro Devel, maro ray: Miri rholi vell ap o Farao, ko rayeste pral o them Egiptia. Me phagau leskre moussya, koy sasti moussi oun koy phagedi, oun krau, te hounte moukell lo o rharo te perell.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

Mateo 23:14

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen. T'mer lenn i khera i djouvyendar krik, kolengre romma moulo hi. T'mer te rakrenn o Debleha, rakrenn t'mer i rah tsiro, te dikenn i menshe har patslo t'mer han. O Devel rakrell o čačepen pral t'mende vin, oun t'mer lenn i zorleder phagi har i vavar.

5. Mose 27:19

“Praasedo vell kova, kay dell kek čačepen kolenge, kay venn dran i vi-them, kol čavenge, kolen kek dad bouder hi, oun kol romyenge, kolengro rom meras.” Oun i tsele menshe hounte penenn: Amen!