Hiob 22:3 - O Debleskro Lab 2024 (Sinte-Manouche)

³ Te hal tou i lačo oun čačo morsh, oun kek doosh hi ap toute, hi o zorelo Debles čomone kolestar?

O Debleskro Drom 2021 (Sinte)

³ Te hal tu i latcho un tchatcho mursh, un kek doosh hi ap tute, hi o sorelo Debles tchomone kolestar?

Hiob 22:3 Iomraidhean Croise

1. Familjakro liil 29:17

Miro Devel, djinau, te dikeh an o dji. Oun touke hi mishto, te hi i menshes i čačo dji. Doleske dom tout kava lauter mandar dran i čačo dji, oun hom barhtelo te dikau, kay tire menshe, kay kate glan touke tardo hi, toute ninna lauter pendar vin dan.

Hiob 21:15

Koon hi o zorelo Devel, te boudras mer leske? Hoy hi kova menge moldo, te mangas les an?”

Hiob 22:2

Nay vell kova, hoy i mensho krell, o Debleske čomone moldo? Te hi i menshes gosvepen, hi kova leske kokres čomone moldo.

Hiob 22:4

Čingrell o Devel touha, oun dell tout i phagi doleske, kay djiveh leha!

Hiob 34:9

Yob penas kokres: Či hi yekes kolestar, te kamell lo o Debleskro maal te vell!

Hiob 35:7

Te hal tou an o čačepen tardo, hoy hi les kolestar? Na-a, tou nay deh leske či dran tiro vast, hoy leske čomone moldo hi.

Debleskri gili 119:59

Me dau yak, har me miro djipen djivap, oun djau tiro drom yaake har tou les menge sikral.

Debleskri gili 39:1

I gili o rayeske pral i gipangre, o Yedoutoun. O David kras kay gili.

Gosewe laba 11:1

I vaga, hoy sikrell gar čačes, har pharo čomone hi, hi i djoungelo koova glan o baro Debleskre yaka. Yob hi barhtelo pral koleste, kay playsrell pal o čačo pharepen.

Gosewe laba 11:20

O baro Devel dikell rhoyedes ap kolende, kolen douy djia hi. Lačes dikell lo ap kolende, kay o čačo drom djan.

Gosewe laba 12:22

O baro Devel dikell rhoyedes ap kolende, kay rhorhenna. Lačes dikell yob ap kolende, kay krenn o čačepen.

Gosewe laba 15:8

O baro Devel dikell rhoyedes ap kova, hoy o čilačo leske anell. Te mangenn les kolla an, kay an o čačepen tardo hi, dikell lo lačes ap lengro mangepen.

Gosewe laba 9:12

Te hal gosevo, hi kova touke boud moldo. Te hal pre-phourdo, hounte hidjress kokres, hoy kova touke anell.

Maleachi 2:17

T'mer rhoyrenn o baro Debles t'maro rakepah! T'mer penenna: Har rhoyram mer les? T'maro rakepen hi: An o baro Debleskre yaka hi i čilače lačo. Yob kamell len. T'mer penenn ninna: Kay hi o Devel, kay men i phagi della?

Bičepangre 24:16

Doleske krau lauter te djivap yaake, te vell man hako tsiro i djoudjo dji glan o Debleste oun glan i menshende.

2. Korintarja 7:1

Mire phrala, kol lače labentsa penas o Devel, hoy kamell lo menge te krell. Doleske moukas mer kol tselo djoungelo koova, oun kras mare djia djoudjo, te djivas lačes oun čačes glan o Debleste, yaake har yob mendar kamella.

Filiparja 4:18

Kanna hi man lauter, hoy man hounte vell djipaske, oun boudeder har doha. O Epafrodito anas mange kova lauter, hoy t'mer mange bičran. Kova hi yaake, har te anans t'mer o Debleske lačo koova, hoy soungell mishto, oun kay dikell lo lačes pre oun hi barhtelo pral kova.