Hiob 22:27 - O Debleskro Lab 2024 (Sinte-Manouche)

²⁷ Tou mangeh les an, oun yob shounell ap toute. Oun tou aneh leste kova, hoy tou leske sovel dal.

O Debleskro Drom 2021 (Sinte)

²⁷ Tu mangeh les an, un job shunell ap tute. Un tu aneh leste kowa, hoi tu leske sowel dal.

Hiob 22:27 Iomraidhean Croise

2. Rajengro liil 13:4

Palle mangas o Yoakaz o baro Debles i ropaskri golyah, oun o baro Devel shounas les. Yob dikas, har o Israel tele rikedo vas, oun har o baro ray pral o them Syria lenge o djipen phares kras.

1. Familjakro liil 4:10

Oun o Yabez das gole ap o Israeleskro Debleste oun penas: Čip tiri barht ap mande, oun kre miro them bareder har lo kanna hi. Ab mantsa, oun rike tiro vast pral mande, te vell nay kek douk pral mande! Oun o Devel moukas te vell, hoy yob poučas peske lestar.

2. Familjakro liil 33:13

Oun har lo yaake mangas, moukas pes o baro Devel te mangell, oun shounas leskro mangepen, oun anas les pale an o foro Yerusalem an leskro them, kay yob baro ray hi. Koy hayvas o Manasse, kay o baro Devel o čačo Devel hi.

Hiob 11:13

Tou, Hiob, hounte rissress tout tiri tseli zoryah pash o Debleste, oun hadess tire vasta pre leske.

Hiob 27:10

Yob hi gar savo mensho, kay hatsell peskri barht pash o zorelo Debleste, oun dell hako tsiro gole ap leste.

Hiob 33:26

Yob mangell o Debles, oun kova dikell lačes ap leste, oun moukell les barhteles glan peste te vell. Oun o Devel čivell les pale an o čačepen.

Hiob 34:28

Yon djan yaake čilačes i čorvelentsa trouyel, te dan yon gole ap o Debleste. Oun yob shounas koy gole kolendar, kay tele rikedo van.

Hiob 8:6

oun djiveh i djoudjo djipen an o čačepen, palle stell lo touke pre, oun moukell les touke oun tiri familyake pale mishto te djal, yaake har čačo hi.

Debleskri gili 116:1

Me kamau o baro Debles o djiyestar, yob shounas man, har rovom me ap leste.

Debleskri gili 116:14

Glan peskre tsele menshende anau o baro Debleske kova, hoy dom man sovel glan leste.

Debleskri gili 56:12

Ap leste dikau oun rikrau man, oun darau gar. Hoy nashte krenn man i menshe?

Debleskri gili 61:5

Mouk man an tiro kheer te djivell hako tsiro, tel tire moussya man te khatrell, har i tikno čirklo khatrell pes tel peskri dakre moussya.

Debleskri gili 91:15

Yob dell ap mande gole. Doleske shounau me ap leste, oun hom pash leste, te djal leske gar mishto. Me lau les vin dran i bibarht oun krau les bares.

Sikepaskro 5:4

Feteder hi, te deh tout gar sovel, har te deh tout sovel oun rikreh gar, hoy penal.

Jesaja 58:9

Palle deh tou gole, oun o baro Devel rakrell ap toute pale! Hako kopo, kay deh gole ab ap miri rig, penell yob: Kate hom. Tou rikress kekes tele pash toute, oun aness či ap yekeste pre, hoy gar čačo hi, oun rakress gar djoungeles pral leste.

Jeremia 29:12

Te denn t'mer man an-gole oun venn oun mangenn mandar, palle shounau me ap t'mende.

Jona 2:9

Kolla kay rikrenn pen ap čičeskro koova, rikrenn pen bouder gar ap toute.

5. Mose 23:21

Yekestar, kay hi dran i vavar them, nay leh tou boudeder, har tou leske patsal, tiro phralestar less tou gar boudeder. Palle nay dell tout tiro baro Devel barht an halauter, hoy tou an-tapreh an ko them, an koleste t'mer venn, te lenn les t'menge dren.