Hiob 21:25 - O Debleskro Lab 2024 (Sinte-Manouche)

²⁵ Ko vavar merell pal i pharo djipen oun dikas kek barht.

O Debleskro Drom 2021 (Sinte)

²⁵ Ko wawar merell pal i pharo djipen un dikas kek bacht.

Hiob 21:25 Iomraidhean Croise

2. Samuel 17:8

Tou prindjreh tiro dades oun leskre lourden, kay hi zorele kourepangre oun rhoyedo har i divyo dayengro firho an o veesh, koleske yek i ternen krik las. Ninna hi tiro dad i lourdo, kay prindjrell o kourepen. Yob sovell gar pash i vavar lourdende.

1. Rajengro liil 17:12

Kote penas li: “Pash o baro Debleste, tiro djido Debleste, man hi kek peklo rhapen. Či har i vast pherdo yarro an i piri oun i roy pherdo djet an o khoro hi man. Ake, yek, douy kotya kasht, hoy hadom pre. Kanna djau khere oun krau mange oun miro čaveske i rhapen, te rhas. Oun palle hounte meras.”

Hiob 10:1

Kamau bouder gar te djivell. Doleske rikrau miro ropen ninna gar pale, oun rakrau yaake, har miro doukedo dji mange penell.

Hiob 20:23

Ap ko tsiro, kay krell lo peskro per pherdo, bičrell o Devel peskri zoreli rholi ap leste, oun moukell lat har brishin tele ap leste te perell.

Hiob 21:24

Yob hi thoullo lačo rhapastar, oun leskre kokale hi zorelo.

Hiob 21:26

Khetne hi le tel i phoub, oun i kirme čakrenn len.

Hiob 3:20

Hoske moukell o Devel kolen djido, kay len yaake phares hi? Hoske dell lo kolen o djipen, kolengro dji pherdo ropen hi?

Hiob 7:11

Doleske kamau me ninna gar miro mouy te rikrell, kamau te rakrap dran miro djiyeskri daar, oun miri bari douk vin gole te dell.

Hiob 9:18

Yob moukell man gar yek kopo dourho te lell, na-a, yob krell man pherdo ropen oun douk.

Gosewe laba 14:10

Ko mensho, koleskro dji rovell, hi kokres. Oun ninna te stell leskro dji i barhtyatar, nay hayvell kek vavar čačepah leskri barht.

Sikepaskro 6:2

Kote hi yek, koles kras o Devel baro oun an-diklo, das les bravlepen oun boud lačo koova. Yaake hi les halauter, hoy o dji kamella. Oun palle moukell les o Devel gar kolestar te rhal oun barhteles te vell. I vavar lell kova halauter oun rhal les pre. Savo koova hi ninna phares te hayvell oun krell man nasselo.

Ezekiel 12:18

Tou, mensho, rha tiro maro trisslepah! Oun an daar oun trisslepen piyess tiro pani.