Hiob 21:20 - O Debleskro Lab 2024 (Sinte-Manouche)

²⁰ oun dikell peskre yakentsa peskri bibarht, oun hayvell kokres, har kova hi, te vell o zorelo Debleskri rholi ap leste.

O Debleskro Drom 2021 (Sinte)

²⁰ un dikell peskre jakentsa peskri bibacht, un haiwell kokres, har kowa hi, te well o sorelo Debleskri choli ap leste.

Hiob 21:20 Iomraidhean Croise

Hiob 21:21

Hi lo moulo, hi leske yek, har djal leskre čavenge.

Hiob 21:30

Ap ko dives, kay vell i bibarht, kay vell o Debleskri rholi pral i menshende, ačell o čilačo djido.

Hiob 27:19

Braveles čivell lo pes tele, – i letsto kopo! Te krell lo peskre yaka pale pre, hi bouder či koy.

Hiob 6:4

Mange djal yaake, har te dals o zorelo Devel karye ap mande, oun leskre fayle vans an mande, hoy anenn mange o merepen. Kova, hoy moukell o Devel ap mande te vell, krell man i bari daar.

Debleskri gili 60:3

Miro Devel, tou čival men pale, oun tradal men kate te kote. Bari rholi hi tout ap mende. Rake mentsa pale lačes!

Debleskri gili 75:8

Na-a, o Devel hi o čačepaskro ray, kay ko yekeske i zoor krik lell, oun o vavares bares krell.

Debleskri gili 75:9

O baro Debles hi o khoro an o vast pherdo zoreli mool, hoy yob dren čoras. Oun i tsele čilače ap kay phoub hounte piyenn lat, bis te bouder kek mool an o khoro hi.

Jesaja 51:17

Ste pre! Ste pre! Hade tout, Yerusalem! Tou piyal dran o baro Debleskro khoro, hoy his pherdi leskri rholi. Tou hounte piyal ko khoro vin, bis te či bouder an leste his. Kolestar val har yek, kay hi mato, oun nay vell bouder gar tardo ap peskre herya.

Jeremia 31:30

Na-a, koon shoutle drake rhal, koleske doukenn leskre danda. Kova kamell te penell: Hakeno merell peskri doshake.

Jeremia 51:7

O foro Babilon his har i sonakaskro khoro an o baro Debleskro vast, i khoro, hoy pherdi mool his, kolestar i menshe an i tsele themma piyan oun mato van. Doleske van yon yaake narvelo.

Ezekiel 18:4

Djinenn, man hi o djipen hakenestar an miro vast – o dadeskro djipen yaake har o čaveskro djipen. Kokres kova, kay anell doosh ap peste, hounte merell.

4. Mose 14:28

Doleske pen ap lende: Yaake čačo har kova hi, kay me djivau, penell o baro Devel, me kamau kova te krell t'mentsa, hoy t'mer glan mire kanda penan.

Louka 16:23

Har yob kanna an o moulengro them his, van bare douka ap leste. Oun yob dikas pre, oun dikas o Abrahames doural, oun o Lazaro his pash leste beshdo.

Debleskro tsiro 14:10

Yon hounte piyenn o Debleskri mool. Kay mool hi o Debleskri rholi. Kaya hi yaake zoreli har i mool, kay kek pani dren hi. Kolla, kay mangenn o firhes an, hounte djan an i bari yag. Oun koy yag oun i yagakri khand krenn lenge bare douka. Oun yon dikenn o Debleskre bolepangren oun o terno bakres.

Debleskro tsiro 19:15

Oun dran leskro mouy vell i rharo vin, hoy lačes činella. Koleha kourell lo pes i menshentsa an i tsele themma, oun vell zorleder har yon. Yob anell len i sasterno vasteha. Yaake har yek i drake paash stakrella, te vell i mool vin, yaake stakrell lo kolen paash, kay gar ap leste shounenna, oun anell i rholi o zorelo Deblestar ap lende.