Hiob 20:6 - O Debleskro Lab 2024 (Sinte-Manouche)

⁶ Ninna te vell lo yaake baro, te djal lo bis pash o bolepen pre, oun leskro shero pral bis pash i volke,

O Debleskro Drom 2021 (Sinte)

⁶ Ninna te well lo jaake baro, te djal lo bis pash o bolepen pre, un leskro shero pral bis pash i wolke,

Hiob 20:6 Iomraidhean Croise

1. Mose 11:4

Oun yon penan: “Avenn, mer krah menge i foro oun i baro kheer, hoy djal an o bolepen. Yaake sikrah hakeneske, har baro mer ham. Oun mer ačah khetne an ko them.”

Jeremia 51:53

Ninna te stakrals o foro Babilon pral an o bolepen, oun te krans le pengre massurya yaake baro, te nay stakrals kek pral vergel, bičrau me marepangre, kay venn pral lende. Kova penell o baro Devel.

Daniel 4:11

oun das gole: Denn ko rouk trouyel! Oun denn leskre kashta tele! Tserdenn leskre patria lestar tele! Oun vitsrenn leskre roukengre trouyel, te nashenn i firhe tel leste lestar krik! Oun i čirkle moukenn pengre kashta ninna!

Daniel 4:22

Tou veh pale-čiddo oun hounte djivess pash i firhende oun bouder gar mank i menshende. Yon denn tout khass te rhal har i groumyen. Oun tou čiveh tout vin tele. Oun o brishin perell ap toute tele oun krell tout sapenes. Oun efta bersha djan yaake trouyel, bis te tou hayveh, te hi o pralstouno Debles i tsele rayengre themma an peskro vast, oun yob dell kol themma koleste yob kamell.

Amos 9:2

Ninna te paskrenn le pen tele pash i moulende, lau len kotar pre. Ninna te djan le pre bis pash o bolepen, anau len tele.

Mateo 11:23

Oun t'mer menshe an o foro Kapernaum, patsenn t'mer, kay venn t'mer an o bolepen hadedo? Na-a! T'mer djan an o moulengro them tele. O baro koova, hoy krom an o Debleskri zoor pash t'mende, te kroms kova an o foro Sodom, palle vals ko foro gomme kava dives.