Hiob 20:21 - O Debleskro Lab 2024 (Sinte-Manouche)

²¹ Yob rhas lauter an peste dren, moukas či pral i vavarenge. Doleske ačell leskro shoukar djipen gar.

O Debleskro Drom 2021 (Sinte)

²¹ Job chas lauter an peste dren, mukas tchi pral i wawarenge. Doleske atchell leskro shukar djipen gar.

Hiob 20:21 Iomraidhean Croise

Hiob 15:21

An leske kanda shounell lo i gole, hoy krell leske daar. An ko tsiro, kay leske lačes djal, vell o marepaskro pral leste.

Hiob 15:29

Yob ačell gar bravelo. Leskro bravlepen ačell gar. Kova, hoy les hi, vell gar bareder ap kay phoub.

Hiob 18:19

Leske ačell kek čavo, vitar kek čavengro čavo mank peskre menshende. Kote, kay djivas lo, ačell kek lendar djido.

Jesaja 5:8

Djungelo djal kolenge, kay krenn pen yek kheer pal o vavar, oun ginenn penge yek kotar phoub pal o vavar, bis te bouder kek kotya phoub pral ačenn, oun lenge kokres o tselo them hi.

Jesaja 5:9

O baro Devel, ko ray pral o bolepen oun i phoub, das pes sovel oun penas glan mire kanda: Kol boud khera venn paash dino, oun kek djivell bouder an kol bare shoukar khera!

Jeremia 17:11

Har i divyi karhni, kay beshell pes ap i yare, kay gar lakre hi, yaake djal koleske, kay lell peske bravlepen khetne rhorhepah. An o feteder tsiro nashrell lo peskro bravlepen, oun hi koy tardo har i narvelo.

Amos 3:10

Yon dikenn gar ap o čačepen, penell o baro Devel. Yon lenn penge bravlepen khetne an pengre khera, hoy čoran le oun lan le zoryah i vavarendar krik.

Amos 3:11

Doleske penell o baro Devel, maro ray, ap i menshende an Samaria: Kourepangre venn troul t'maro them, pandenn les dren, phagenn i zorele massurya tele, oun randenn t'mare khera vin.