Hiob 2:12 - O Debleskro Lab 2024 (Sinte-Manouche)

¹² Har dikan le les foun doural, prindjran le les gar bouder pale. Oun yon rovan phares. Oun zoryah tserdas hakeno lendar peskre koola pestar tele, oun kras len paash. Oun yon vitsran čik pre oun ap pengre sherya.

O Debleskro Drom 2021 (Sinte)

¹² Har dikan le les fun dural, prindjran le les gar buder pale. Un jon rowan phares. Un sorjah tserdas hakeno lendar peskre koola pestar tele, un kras len paash. Un jon witsran tchik pre un ap pengre sherja.

Hiob 2:12 Iomraidhean Croise

1. Mose 27:34

Har o Esau shounas kol laba peskro dadestar, das lo i bari gole i rholyatar oun doukatar, oun penas ap peskro dadeste: “Rake o Debleskri barht pral mande vin, ninna pral mande, tata!”

2. Samuel 13:36

Har yob kova penas, koy van o baro rayeskre čave. Yon rovan, oun o baro ray oun peskre an-dikle morsha rovan ninna zoreles.

Esra 9:3

Har kova shounom, krom miri baya oun miro gad paash, oun tserdom mange miro baal dran o shero oun dran o čor, oun beshom man koy, oun homs beshdo har moulo i doukatar.

Nehemia 9:1

Oun ap o 24. (biish-te-starto) dives an kava čon van i Israelitarya khetne, oun yon rhan či oun rivan pen an gone oun čivan čik ap pengre sherya.

Ester 4:1

Oun har o Mordekay shounas, hoy djas, kras lo peskre koola paash, hoy ap leste his. Oun rivas peske i gono an, oun čivas yagakri čik ap peste. Oun djas dren mashkral o foro oun rovas oun das gole.

Hiob 1:20

Kote stas o Hiob pre, oun zoryah tserdas lo peskre pralstoune koola pestar tele, oun kras len paash, yaake boud doukas leskro dji. Yob činas peskre balla tele, moukas pes ap i phoub te perell oun mangas o Debles an.

Hiob 19:14

Mire menshe venn gar pash mande, oun mire mala bistran man.

Ropaskre gilja 2:10

I phoure an o foro Yerusalem hi beshdo ap i phoub, oun penenn kek lab. Yon vitsran čik ap pengro shero, oun rivan gone ap pende. I terne čenge an o foro Yerusalem hi ropaske. Yon djan ap pengre čanga o mouyeha ap i phoub.

Ezekiel 27:30

Hi i bari gole, hoy le pral toute denn, oun o djiyestar troul toute rovenn. Ap lengre sherya vitsrenn le čik, oun čivenn pen an i yagakri čik.

Josua 7:6

Har o Yosua kova dikas, doukas leskro dji yaake, te kras lo peskre koola, hoy ap leste his, paash, oun moukas pes i mouyeha ap i phoub te perell, – glan o morhton, kay o baro Debleskre deesh laba dren his, oun ačas yaake čiddo bis ap i rat. Ninna i phoureder an Israel kran kova yaake. Oun yon vitsran čik ap pengre shere.

Debleskro tsiro 18:19

Oun yon lan čik, oun čivan les ap pengre shere oun rovan, oun dan lengre vasta pral o shero khetne, dan gole, oun penan: “Havi bibarht! Havi bibarht! Dikenn, o baro foro! Leskro bravlepen kras lauter kolen bravelo, kay hi len shiffe ap o baro pani! Oun an yek tikno tsiro peras ko foro khetne.”

Čačepangre 2:4

Oun har o baro Debleskro bolepaskro kova lauter ap i Israelitarya penas, koy rovan le zoreles.

1. Samuel 11:4

Koy van kol morsha, kay dran Yabesh bičedo van an o foro Gibea, kay o Saul djivas, oun penan kol laba i tsele menshenge an o foro. Har kolla kova shounan, rovan le zoreles.

1. Samuel 30:4

Kote rovas o David oun kol morsha, kay pash leste his, yaake zoreles bis te yon gar bouder nay rovan.

1. Samuel 4:12

Oun i morsh dran o kheer Benyamin nashas o tselo drom foun kotar, kay o marepen his, bis pash o Shilo ap yek dives. Yob kras peskre koola paash oun čivas čik ap peskro shero, te sikrell lo, har leskro dji rovas.