Hiob 2:11 - O Debleskro Lab 2024 (Sinte-Manouche)

¹¹ O Hiobes his triin mala. Har shounan yon foun koy bibarht, hoy vas pral o Hiob, van le pash leste khetne, hakeno foun kotar, kay yob djivell: O Elifas dran o foro Teman, o Bildad dran o them Shoua, o Sofar dran o them Naama. Oun yon kran penge vin, te djan le pash leste, te sikrenn le leste, har khaytell lo len, oun te penenn le leske lače laba.

O Debleskro Drom 2021 (Sinte)

¹¹ O Hiobes his triin mala. Har shunan jon fun koi bibacht, hoi was pral o Hiob, wan le pash leste khetne, hakeno fun kotar, kai job djiwell: O Elifas dran o foro Teman, o Bildad dran o them Shuach, o Zofar dran o them Naama. Un jon kran penge win, te djan le pash leste, te sikrenn le leste, har khaitell lo len, un te penenn le leske latche laba.

Hiob 2:11 Iomraidhean Croise

1. Mose 25:2

Oun yoy anas leske čaven ap i phoub. Kolengre laba hi: Simran, Yokshan, Medan oun Midian, Yishbak oun Shoua.

1. Mose 36:11

O Elifas las čave. Kolla his: o Teman, o Omar, o Zefo oun o Gatam oun o Kenas.

1. Mose 36:15

Oun kolla hi i raya, kay venna o Esaeskre čavendar: Leskro phoureder čavestar, o Elifas, venna o ray Teman, o ray Omar, o ray Zefo, o ray Kenas, o ray Korah, o ray Gatam, o ray Amalek. Kolla hi i raya, kay venna pal o Elifas an o them Edom. Lengri mami hi i Ada.

1. Mose 36:34

Har o Yobab meras, vas o Housham o baro ray. Yob his dran o them Teman.

1. Mose 37:35

Oun leskre tsele čave oun ča van pash leste, te rakrenn le leha lačes. Oun yob kamas gar, te vell leskri douk krik lino. “Na-a” penas yob, “miro dji rovella, bis te merau oun vau pash miro čaveste.” Yaake rovas leskro dad pral o Yosefeste.

1. Familjakro liil 1:32

O Abrahames his shob čave peskri douyti romyatar Ketura: o Simran, o Yokshan, o Medan, o Midian, o Yishbak oun o Shoua. O Yokshan his o dad douy morsh čavendar: o Saba oun o Dedan.

1. Familjakro liil 1:45

Har o Yobab meras, vas pal leste o Housham o ray dran o them Teman.

1. Familjakro liil 7:22

Oun lengro dad, o Efrayim, rovas i rah tsiro, oun leskre phrala van, te rakrenn leha lače laba.

Hiob 11:1

Pal kova rakras o Sofar dran o them Naama oun penas ap o Hiob:

Hiob 13:4

T'mer čakrenn o čačepen o rhorhepah, han dramangre, kay či-moldo hi, – t'mer halauter.

Hiob 15:1

Koy penas o Elifas dran o them Teman ap o Hiob:

Hiob 16:2

Boud sau koova shounom me. T'mare lače laba, hoy t'men mange hi, t'mer halauter, krenn les mange gomme phareder!

Hiob 16:20

Mire mala sanenn pral mande. Mire yaka hi pherde sva, har dikau me pre pash miro Debleste.

Hiob 18:1

Oun o Bildad dran Shoua penas koy pre:

Hiob 19:19

Mire lače mala dikenn tele ap mande. Oun kolen, kay me o djiyestar kamom, sikrenn mange o doumo.

Hiob 19:21

Mire mala, krenn t'mare djia mange pre! Avenn mange lačes! O Debleskro vast das man!

Hiob 4:1

Oun o Elifas dran o foro Teman penas ap leste:

Hiob 42:11

Oun leskre tsele phrala oun phenya oun kolla, kay les glan ko tsiro prindjran, van pash leste, oun rhan khetne leha, oun rakran lačes leha, oun penan har koy bibarht lenge doukas, hoy moukas o baro Devel pral leste te vell. Oun hakeno das les i sonakaskri bema oun i goustri.

Hiob 42:7

Oun har o baro Devel kol laba rakras o Hiobeha, penas yob ap o Elifas dran Teman: “Kova hoy o Hiob, koles miro čačo vast hi, pral mande rakras, hi čačo. Kova, hoy tou oun tire douy mala mandar rakran, hi gar čačo. Doleske hom rhoyedo ap t'mende.

Hiob 42:9

Kote djas o Elifas peskre douy malentsa, o Bildad dran Shoua oun o Sofar dran Naama, pash o Hiob, oun yon kran, hoy o baro Devel lenge penas. Oun o baro Devel shounas ap kova, hoy o Hiob lestar mangas.

Hiob 6:14

Kones kek dji hi peskro maleske, koles hi gar o zorelo Devel glan i yaka pash kova, hoy lo krell.

Hiob 6:19

Morsha pengre khamelentsa venn dran Tema oun Saba oun rodenn kal panya.

Hiob 8:1

O Bildad dran o them Shoua penas koy pre:

Gosewe laba 17:17

I maal sikrell hako tsiro pengro kamlepen. Oun i phraal vell boldo, te vell lo touke ap i rig an phare tsirya.

Gosewe laba 18:24

Dell mala, kay anenn tout an i bibarht. I čačo maal rikrell boudeder ap toute har i phraal.

Gosewe laba 27:10

Ma mouk tiro males, vitar gar tiro dadeskro males! Te djal touke djoungeles, ma dja an o kheer tiro phralestar. Hi feteder, te djas pash yekeste, kay gar dour toutar djivell, har pash tiro phraleste, kay dour toutar krik djivell.

Jesaja 51:19

Kal douy koova van ap toute: Tiro them vas paash dino oun tire forya tele-phagedo. Boud tire menshendar meran i bokatar oun an o kourepen. Oun kek hi koy, te rovell lo touha, te penell lo touke lače laba.

Jeremia 49:7

Laba pral i Edomarya. Kava penell o baro Devel, ko ray pral o bolepen oun i phoub: Hi kanna bouder kek gosvepen an o foro Teman? Djinenn i goseve bouder gar, hoy te krenn le? Tserdas pes o gosvepen lendar krik?

Obadja 1:9

Oun i zorele kourepangre an o foro Teman lenn bari daar. Doleske vell hakeno ap i berge Esau maredo.

Johanni 11:19

Oun boud bibolde his pash i Marta oun pash i Maria, te rakrenn le lentsa, te hi i douk gar yaake baro pral lengro phraleskro merepen.

Remarja 12:15

Avenn barhteles kolentsa, kay barhtelo hi! Rovenn kolentsa, kay rovenna!

1. Korintarja 12:26

Te doukell yek kotar, palle doukenn kol tsele vavar ninna. Oun te vell yek kotar sharedo, hi kol tsele kotya barhtele.

Hebrearja 13:3

Ma bistrenn kolen, kay hi an o stilepen. Denn lende kova, hoy len hounte vell djipaske, yaake har te vans t'mer kolla, kay stildo hi! Avenn ninna kolenge koy, kay van palla lino oun lan dava. Avenn lenge yaake koy, har vans t'mer kolla, kay van palla lino oun lan dava.

Josua 15:41

Gederot, Bet-Dagon, Naama oun Makkeda. Kolla his 16 (deesh-te-shob) forya, oun koy pashel gomme lengre gaba.