Hiob 18:18 - O Debleskro Lab 2024 (Sinte-Manouche)

¹⁸ I phoubyatar, kay i djide djivenn, vas lo tradedo an ko tamlo them, kay i moule hi.

O Debleskro Drom 2021 (Sinte)

¹⁸ I phubjatar, kai i djide djiwenn, was lo tradedo an ko tamlo them, kai i mule hi.

Hiob 18:18 Iomraidhean Croise

Hiob 10:22

ava, an ko them pherdo tamlepen oun kali rat, kay lauter divyes trouyel čiddo hi, oun kay ninna i momeli tamlo hi.

Hiob 11:14

Te kral čilačepen, mouk tele kolestar, te vell kek čilačepen an tiro kheer hatslo.

Hiob 18:11

Troul leste trouyel vell haki rigyatar bari traash, oun lell les palla, kay yob ninna stakrell.

Hiob 20:26

Leskro tselo kouč koova vell paash kerdo. Oun i yag, hoy kek mensho čivas, rhačrell les pre, oun kolla, kay an leskro kheer pral ačan.

Hiob 20:8

Yob djal krik har i souni, oun vell bouder gar hatslo. Har kova, hoy yek souni das, bouder gar koy hi, yaake ačell či lestar.

Hiob 27:21

I tato zorelo dourho hadell les pre, hidjrell les krik, oun phourdell les krik dran peskro kheer.

Hiob 27:23

Ko dourho hi har yek, kay dell i vasta pral leste khetne, oun dell shol har te sals lo pral leste, kay lo ninna djal.

Hiob 3:20

Hoske moukell o Devel kolen djido, kay len yaake phares hi? Hoske dell lo kolen o djipen, kolengro dji pherdo ropen hi?

Hiob 5:14

Pral o dives moukell lo len an o tamlepen te nashell, oun mashkral dives dikenn le pengro drom gar, har te vals rati.

Gosewe laba 14:32

O čilačo vell tele vitsedo dran leskro čilačepen. Kova, kay an o čačepen tardo hi, koleskro patsepen rikrell les ninna gomme an o merepen.

Jesaja 22:18

oun pandell tout khetne har te pandals lo i shereskro pandepen oun palle vitsrell yob tout i zoryah an i bourhlo them. Kote mereh tou. Oun kote ačenn tire kouč vourdya. Tou hal i ladj ko khereske tiro rayestar.

Daniel 4:33

Ap kava emligo tsiro vom pale sasto an miro shero. Oun man vas miro raylepen oun barepen pale dino, oun miro bravlepen oun miro them van sharedo. Oun i pralstoune oun kol morshen, kay boud penepaske his, van pash mande, oun čivan man pale pral miro them dren. Oun miri rayeskri zoor vas gomme bareder.

Daniel 5:21

Oun yob vas pale-čiddo oun nay djivas bouder gar mank i menshende. Oun leskro dji vas har i firheskro dji. Oun yob djivas pash i divye bourike. Oun yon dan les khass te rhal har i groumyen. Oun yob čivas pes vin tele. Oun o brishin peras ap leste tele oun kras les sapeno, bis ap ko dives, kay yob hayvas, te hi o pralstouno Debles i tsele rayengre themma an peskro vast, oun yob dell len koleste, koneste yob kamell.

Judas 1:13

Yon hi har divye panya, hoy vitsrenn pengro čik, hoy an lende hi, vin ap i phoub glan lende. Yon hi har bolepangre momlia, hoy dran pengro drom vin djan, oun hounte djan kanna hako tsireske an i kali rat.

1. Samuel 2:9

O baro Devel rikrell kolen ap o čačo drom, kay leskre hi. Oun kolla, kay kamenn lestar či te djinell, perenn an o tamlepen oun merenn. Kek mensho vell pestar zorelo.