Hiob 17:8 - O Debleskro Lab 2024 (Sinte-Manouche)

⁸ Te dikenn man kolla, kay an o čačepen tardo hi, ačell lenge o rakepen krik i trashatar. Oun kolla, an kolende kek doosh hatslo vell, penenn rhoyedes: “Kova djivell gar o Debleha.

O Debleskro Drom 2021 (Sinte)

⁸ Te dikenn man kolla, kai an o tchatchepen tardo hi, atchell lenge o rakepen krik i trashatar. Un kolla, an kolende kek doosh hatslo well, penenn chojedes: “Kowa djiwell gar o Debleha.

Hiob 17:8 Iomraidhean Croise

Esra 9:3

Har kova shounom, krom miri baya oun miro gad paash, oun tserdom mange miro baal dran o shero oun dran o čor, oun beshom man koy, oun homs beshdo har moulo i doukatar.

Hiob 22:19

I lače menshe hi barhtelo, te dikenn le, har lenn i čilače pengri phagi, Oun kolla, ap kolende kek doosh hi, sanenn pral lende:

Hiob 34:30

te čivals o Devel i čilačes pral lende, te vell lo lengro ray, oun kova anell len o čačo dromestar tele?

Debleskri gili 37:1

I gili o Davidestar. Ma rhoye tout pral i čilačende! Te djal kolenge mishto, kay krenn čilačo koova, ma zilve ap lende!

Debleskri gili 73:3

har dikom, te djal i čilačenge yaake mishto. Me zilverom ap kolende, kay krenn pen baro.

Sikepaskro 5:8

Hi feteder o themeske, te hi les i baro ray, kay dikell koy pre, te vell ap o harhetikro them boudedo, te vell i menshen doha djipaske.

Habakuk 1:13

Tire yaka hi yaake djoudjo, te nay dikeh kek čilačepen. Tou nay dikeh gar har i menshe doukedo venna. Hoske kreh tou či, te dikeh kol rhorhene phoukepangren, oun peneh kek lab, te rhal o čilačo koles pre, kay hi lačeder oun čačeder har yob?

Bičepangre 13:46

O Paules oun o Barnabes his kek traash lendar, oun penan lenge: “T'menge hounte vas o Debleskro lab glan kol tsele vavar menshende penlo. Har kamenn t'mer kanna či kolestar te djinell, sikrenn t'mer, te han gar moldo, te lenn ko djipen, hoy gar pre-herella. Doleske djah mer kanna pash kolende, kay hi kek bibolde.

Remarja 11:33

Har baro hi o Debleskro lačepen ap lauterende! Har baro hi leskro gosvepen! Yob djinell halauter, hoy kek vavar nay djinella. Kek nay djinell, har yob rakrell o čačepen vin. Kek nay hayvell leskre tsele dromma.