Hiob 16:10 - O Debleskro Lab 2024 (Sinte-Manouche)

¹⁰ Menshe venn khetne troul mande, oun dikenn ap mande pre-kerde mouyentsa. Te vell len čomone sapaske denn le man čamedinya.

O Debleskro Drom 2021 (Sinte)

¹⁰ Menshe wenn khetne trul mande, un dikenn ap mande pre-kerde mujentsa. Te well len tchomone sapaske denn le man tchamedinja.

Hiob 16:10 Iomraidhean Croise

1. Rajengro liil 22:24

Kote vas o Sedekya pashel, koleskro dad o Kenaan his, oun das o Mika i čamedini, oun penas: “Hoy rakreh? Patseh, o dourho o baro Deblestar djas peske mandar, oun rakrell kanna kokres touha?”

2. Familjakro liil 18:23

Kote vas o Sedekya pashel, koleskro dad o Kenaan his, oun das o Mika i čamedini, oun penas: “Har djals kova, te djas o dourho o baro Deblestar peske mandar, oun rakrell kanna touha?”

Hiob 16:11

Miro Devel das man o čilačenge an i vasta, kolenge, kay kamenn lestar či te djinell.

Hiob 30:12

Ap miri čači rig hadenn pen čilače terne morsha, oun stakrenn mange mire herya krik. Oun kran mange save dromma, te hounte perap ap lende.

Debleskri gili 22:13

Boud gourma hi troul mande, ava, divye zorele gourma pandan man dren.

Debleskri gili 22:14

Pengre bare mouya krenn le pre, oun denn bari gole ap mande har i levo glan peskro rhapen.

Debleskri gili 3:7

Me darau gar deesh-zerya lourdendar, kay djan ap mande hake rigyendar.

Debleskri gili 35:15

Hi vavarčandes lentsa. Har me perom, stan le i barhtyatar, oun čivan pen khetne, te djan le ap mande pre. Depangre van, kay prindjrom gar, oun dan man dava oun moukan gar tele.

Debleskri gili 35:21

Pengre mouya krenn le dour pre oun denn gole ap mande: “Ha! Ha! Koleske dam les!”

Debleskri gili 56:6

O tselo dives rissrenn le mire laba trouyel. Yon rodenn, har nay doukrenn le man.

Debleskri gili 94:21

Yon čivenn pen khetne, te anenn le doosh ap koleste pre, kay an o čačepen tardo hi, oun denn koles i phagi, koles kek doosh hi, te vell lo maredo.

Jesaja 50:6

Me rikrom kolenge miro doumo, kay dan mange dava, oun rikrom mire čamya kolenge koy, kay tserdan balla dran miri čora. Me khatrom gar miro mouy, har praasan le man oun čoungran ap mande.

Ropaskre gilja 2:16

Halauter, kay ap toute čilačo hi, krenn pengro mouy dour pre pral toute, denn shol, oun sikrenn touke pengre danda. “Mer dam les khetne”, penenn le. “Ava, kava hi kava dives, kay mer kamam, te vell lo! Mer lam, hoy kamam.”

Ropaskre gilja 3:30

Te lell lo i čamedini, mou te rikrell lo peskri čam koleske koy, kay dell les. Mou rikrell lo o praasepen vin!

Micha 5:1

Tou foro Betlehem an Efrata, kay hal tikno mank i forya an o them Youda, dran toute vell mange kova, kay hi o ray an o them Israel. Glan hako tsiro his yob. An i phoure divessa his lo koy.

Mateo 26:67

Oun palle čoungran le leske an o mouy, oun dan les ap o shero. Vavar dan les an o mouy,

Johanni 18:22

Har yob kova penas, das yek kol biboldengro klistendar, kay koy pashel tardo his, o Yezouses an o mouy oun penas: “Har nay rakreh tou yaake o baro rashayeha?”

Bičepangre 23:2

Ko baro rashay Anania penas ap kolende, kay troul leste tardo hi, te denn le o Paules ap o mouy.

Bičepangre 4:27

Čačepah, yon van lauter an kava foro khetne: O Pilato, o Herodes, i Remarya, oun i tsele bibolde dran boud themma. Yon hi rhoyemen ap tiro boudepaskro Yezous, kay toutar vas. Koles rodal tou vin, maro Devel, te vell lo baro ray.

2. Korintarja 11:20

Te hadell pes yek pral t'mende, krenn t'mer, hoy yob penell. Te kamell yob t'mare love te lell, oun kamell t'men ap peste te pandell, oun ninna yob te doukrell t'men, oun dell t'men an o mouy, moukenn t'mer kova t'mentsa te krell.