Hiob 15:30 - O Debleskro Lab 2024 (Sinte-Manouche)

³⁰ Yob nay vell gar vin dran o tamlepen, oun hi har ko rouk, koleskre zenele kashta rhačedo venn an i yag. Oun o Devel phourdell ap leste, oun krik hi lo.

O Debleskro Drom 2021 (Sinte)

³⁰ Job nai well gar win dran o tamlepen, un hi har ko ruk, koleskre senele kashta chatchedo wenn an i jag. Un o Dewel phurdell ap leste, un krik hi lo.

Hiob 15:30 Iomraidhean Croise

Hiob 15:22

Yob nay patsell gar, te vell lo dran o tamlepen pale vin. oun dikell o rharo pral leskro shero.

Hiob 15:23

Yob djal kate te kote oun rodell rhapen, oun hatsell či. Oun yob hayvas, te vell i kalo dives pral leste.

Hiob 15:34

Yaake djal i familyenge kolendar, kay djivenn kek Debleha. Yon ačenn kek čaventsa. Oun i yag rhačrell lengre khera pre, hoy kran le kol loventsa, hoy lenge playsedo vas te rhorhenn le.

Hiob 18:16

Yob hi har i rouk: Tella merell leskro drab tele, oun pral venn leskre patria djelto.

Hiob 18:18

I phoubyatar, kay i djide djivenn, vas lo tradedo an ko tamlo them, kay i moule hi.

Hiob 20:26

Leskro tselo kouč koova vell paash kerdo. Oun i yag, hoy kek mensho čivas, rhačrell les pre, oun kolla, kay an leskro kheer pral ačan.

Hiob 22:20

“Čačepah, halauter, hoy i čilačen his, hi paash, Oun kova, hoy pral ačas, rhačras i yag.”

Hiob 31:12

Savi doosh vals har i yag, hoy man tseles rhačrell, oun ninna halauter, hoy man hi, pre rhals.

Hiob 4:9

O Devel phourdell ap lende, oun yon merenn. Leskri rholyakro dourho marell len.

Hiob 5:14

Pral o dives moukell lo len an o tamlepen te nashell, oun mashkral dives dikenn le pengro drom gar, har te vals rati.

Jesaja 11:4

Na-a, yob dell i čorvelende pengro čačepen, oun vell kolenge ap i rig, kay gar an-dikle hi, te lenn yon pengro čačepen. Penell lo i zorelo lab, palle lenn i marepangre pengri phagi. Les hi i zoor, te penell ap o čilačeste: “Tou hounte meress!”

Jesaja 30:33

I rah tsiro hi i rhačepaskri platsa kerdo, dour tele djal li oun bourhles hi li. Ninna o baro rayeske hi li kerdo. Yag hi koy oun boud kashta rhačepaske. Oun o dourho o baro Deblestar phourdell zoreles koy pre, oun krell i yag, hoy lauter pre rhačrella.

Hosea 6:5

Doleske bičrom t'menge mire rakepangre. Oun lengro rakepah dau me t'men khetne, oun marau t'men mire labentsa, hoy venn dran miro mouy. Miro čačepen vell glan har o kham.

Mateo 22:13

Penas o baro ray ap peskre boudepangre: Pandenn les ap i pire oun ap i vasta, oun vitsrenn les vin an i kali rat! Oun kote rovenn le oun dandrenn i danda i doukatar khetne.”

Mateo 25:41

Oun palle penell yob kolenge, kay ap leskri servi rig tardo hi: T'mer han tel o Debleskro praasepen tardo! Djan t'menge! Djan an koy yag, hoy rhačella hako tsiro, oun hoy hi o bengeske oun leskre kourepangre kerdo!

Mateo 8:12

Oun i biboldendar venna boud an i kali rat vin vitsedo. Oun yon rovenna, oun dandrenn i danda i doukatar khetne.”

2. Petro 2:17

Kol menshe hi har i brounna, kay hi kek pani dren. Yon hi har o bolepen, kay dell kek brishin. Ap ko dives, kay lenn yon pengri phagi, venn le an i kali rat vitsedo.

Judas 1:13

Yon hi har divye panya, hoy vitsrenn pengro čik, hoy an lende hi, vin ap i phoub glan lende. Yon hi har bolepangre momlia, hoy dran pengro drom vin djan, oun hounte djan kanna hako tsireske an i kali rat.

Debleskro tsiro 19:15

Oun dran leskro mouy vell i rharo vin, hoy lačes činella. Koleha kourell lo pes i menshentsa an i tsele themma, oun vell zorleder har yon. Yob anell len i sasterno vasteha. Yaake har yek i drake paash stakrella, te vell i mool vin, yaake stakrell lo kolen paash, kay gar ap leste shounenna, oun anell i rholi o zorelo Deblestar ap lende.