Hiob 14:4 - O Debleskro Lab 2024 (Sinte-Manouche)

⁴ I tsele menshen hi doosh ap pende. Har nay vell lendar yek, koles kek doosh ap peste hi?

O Debleskro Drom 2021 (Sinte)

⁴ I tsele menshen hi doosh ap pende. Har nai well lendar jek, koles kek doosh ap peste hi?

Hiob 14:4 Iomraidhean Croise

1. Mose 5:3

Har o Adam 130 (sheel-te-triyanda) bersha phouro his, vas yob o dad i čavestar, kay vin dikas har yob. Oun das les ko lab Set.

Hiob 15:14

Hoy hi o mensho, te nay vals lo erligo glan o Debleste? Kek ap kay phoub hi an o čačepen tardo glan leste.

Debleskri gili 51:5

Ava, djinau, kay anom doosh ap mande. Oun ko čilačo koova, hoy krom, hi man o tselo tsiro glan mire yaka.

Debleskri gili 51:7

Doosh hi ap mande, yaake rah har hom ap kay phoub, ninna har boldo vom, his o čilačepen ap mande.

Debleskri gili 90:5

Har i lengsto pani sik doureder nashell, yaake moukeh mare divessa doureder te nashell. Maro djipen hi tikno har i sopen. Mer ham har i zenlepen, hoy taysarlakro dran i phoub vell,

Gosewe laba 20:9

Koon nay penell pestar: Me rikrom miro dji djoudjes, man hi kek doosh?

Louka 1:35

O bolepaskro penas ap late: “O Debleskro Dourho oun leskri zoor vell pral toute. Doleske vell o ternepen o Deblestar oun vell Debleskro čavo kharedo.

Johanni 3:6

Koon i menshestar boldo vella, hi i mensheskro čavo. Koon dran o Debleskro Dourho boldo vella, hi i Debleskro čavo.

Remarja 5:12

Hi yaake: O čilačepen vas ap i phoub, har yek mensho, o Adam, čomone kras, hoy o Devel gar kamas. O čilačepen anas o merepen ap i phoub. Yaake vas o merepen pash i tsele menshende. Lauter kran o čilačepen, oun lauter hounte merenn.

Efesarja 2:3

His i tsiro, kay djivam mer halauter har yon, oun kram o čilačepen, hoy an mende hi. Mer kram, hoy mer kamam, oun hoy menge an o shero vas. Oun o Debleskri rholi his ninna pral mende har pral kol vavar menshende.