Hiob 12:6 - O Debleskro Lab 2024 (Sinte-Manouche)

⁶ I khera kolendar, kay i vavaren zoryah tele rikrenn, hi zoreles tardo. Oun kek krell kolenge daar, kay krenn savo koova te vell o Devel rhoyedo, Yon patsenn, te hi len o Devel an pengro vast.

O Debleskro Drom 2021 (Sinte)

⁶ I khera kolendar, kai i wawaren sorjah tele rikrenn, hi soreles tardo. Un kek krell kolenge daar, kai krenn sawo koowa te well o Dewel chojedo, Jon patsenn, te hi len o Dewel an pengro wast.

Hiob 12:6 Iomraidhean Croise

Hiob 12:5

Kolla, kay lenge mishto djal, dikenn tele ap koleste, kay an i bibarht hi, oun stakrenn kolen gomme, kolengre herya trissenn.

Hiob 12:7

Pouč i firhen oun i čirklen, hoy djinenn le pral o Debleste. Oun yon penenn les touke.

Hiob 15:13

Ap o Debleste hal rhoyedo. Doleske vell savo rakepen dran tiro mouy.

Hiob 22:18

Oun yob his kova, kay kras lengre khera pherdo lačo koova! Hoske i čilače sau koova rakrenna an pengre djia, hayvau me gar.

Hiob 24:23

Yob moukell len te patsell, te djal lenge či. Oun lell hako koova an o yak, hoy le krenn.

Hiob 9:24

Yob das i phoub an o vast i čilačendar. Oun kolla, kay o čačepen vin krenn, kolen kras lo korelo, te dikenn le či. Te his yob kova gar, koon vavar his kova?

Debleskri gili 17:14

Baro Devel, tiro vasteha le man vin dran o vast kol menshendar, kay djivenn i phoubyake. Lengro bravlepen lenn yon an kava djipen! Tou kreh lengro per pherdo ko koova, hoy tou lenge deh. Ninna lengre čave venn čalo, oun moukenn pral pengre čavenge.

Debleskri gili 37:1

I gili o Davidestar. Ma rhoye tout pral i čilačende! Te djal kolenge mishto, kay krenn čilačo koova, ma zilve ap lende!

Debleskri gili 37:35

Me dikom i čilačes, kay hadas pes pral i vavarende, oun kras pes bourhlo har i baro zorelo rouk.

Debleskri gili 73:3

har dikom, te djal i čilačenge yaake mishto. Me zilverom ap kolende, kay krenn pen baro.

Debleskri gili 92:7

I dinelo patsell kova gar; oun i narvelo hayvell les gar:

Jeremia 12:1

Baro Devel, kamoms gar te penap, kay tou doosh ap toute anal. Djinau, tou hal an tiro čačepen. Ninna te hi yaake, kamau te poučap toutar, har nay hayvap tiro čačepen. Hoske djal kolenge mishto, kay djivenn i čilačo djipen? Hoske hi kolen, kay toutar krik djan, halauter, hoy len hounte vell?

Jeremia 5:27

oun kolen čirklengre khera pherde čirkle hi. Yaake hi lengre khera pherdo čoredo koova. Doleske van yon baro oun bravelo.

Jeremia 5:28

Thoullo oun pesso hi le, oun moukenn gar tele te krenn le čilačepen. O čačepen lenn le gar an o vast, te lenn kolendar pengro čačepen, kay čorvelo hi, ninna kol čavendar, kay len kek dad bouder hi.

Habakuk 1:11

Palle djan le doureder yaake sik har i zorelo phourdepen, oun nashrenn kek tsiro; dran pengri zoor krenn yon pengro devel.