Hiob 12:24 - O Debleskro Lab 2024 (Sinte-Manouche)

²⁴ Yob krell, te venn lengre raya dinelo, oun krell, te nashenn le trouyel kote, kay kek drom hi.

O Debleskro Drom 2021 (Sinte)

²⁴ Job krell, te wenn lengre raja dinelo, un krell, te nashenn le trujel kote, kai kek drom hi.

Hiob 12:24 Iomraidhean Croise

Hiob 12:20

Kolla, kay nay rakrenn lačes glan i vavarende, kolenge lell lo i laba krik, oun i phourentsa krell lo, te djinenn le bouder gar hoy čačo hi oun hoy gar čačo hi.

Hiob 17:4

I djia mire malendar kral tou korelo, yaake te nay dikenn le či dren. Doleske moukeh len tou gar zorleder te vell har me.

Debleskri gili 107:4

Mank lende his save menshe, kay his nashedo an o moulo tato them. Kek drom hatsan le, vitar kek foro, kay menshe djivenna.

Debleskri gili 107:40

Koy moukas lo ladj ap lengre raya te perell, oun yon hounte nashan an o moulo them trouyel, kote kay kek drom hi.

Debleskri gili 59:12

Ma de len moulo, te bistrenn kova mire menshe gar! Trade len tiri zoryah, te nashenn le kate te kote! Stake len tele, tou, kay rikreh tiro vast pral mende.

Jesaja 19:1

Kate sikrell o Devel, hoy pral o them Egiptia vella: O baro Devel oulerell ap i sik folka oun vell pral o them Egiptia. Oun i tsele rhorhene debla an Egiptia trissenna glan leste. Oun i Egiptarenge perell o dji an i rholopya.

Daniel 4:12

Leskro telstouno kotar i drabentsa hounte ačell an i phoub mashkral o zenlepen, hoy troul leste bares vella. Oun sasterne shelle venn troul leste pandlo. Oun o brishin perell ap leste tele oun krell les sapenes. Oun har i firhe rhal lo o zenlepen ap i phoub.

Daniel 4:13

Leskro mensheskro dji vell lestar krik lino, oun i firheskro dji vell leske dino! Oun efta bersha djan yaake pral leste krik!

Daniel 4:16

Oun o Daniel, koleskro lab ninna Beltsazar his, his koy tardo oun penas nay kek lab. Koy souni his leske har i dap. Oun kova, hoy leske pashel an leskro shero trouyel djas, kras leske bari daar. Kote penas o baro ray ap o Beltsazar: “Kay souni, oun hoy yoy kamell te penell, hounte krell touke kek daar!” Oun o Beltsazar penas: “Miro ray, kay souni te djal ap kolende, kay kamenn touke čilačepen! Oun kova, hoy koy souni kamell te penell, te djal ap kolende, kolentsa an o čingepen hal!

Daniel 4:33

Ap kava emligo tsiro vom pale sasto an miro shero. Oun man vas miro raylepen oun barepen pale dino, oun miro bravlepen oun miro them van sharedo. Oun i pralstoune oun kol morshen, kay boud penepaske his, van pash mande, oun čivan man pale pral miro them dren. Oun miri rayeskri zoor vas gomme bareder.

Hosea 7:11

O Efrayim hi har i dineli tauba, kay moukell pes sik te kharell. Ap yek dives kharell lo i Egiptaryen, te venn le leske ap i rig, o vavar dives nashell lo an o them Assour.