Hiob 12:21 - O Debleskro Lab 2024 (Sinte-Manouche)

²¹ Bari ladj anell lo ap i an-dikle pralstunende. Oun i zorelendar lell lo lengro kourepaskro koova krik.

O Debleskro Drom 2021 (Sinte)

²¹ Bari ladj anell lo ap i an-dikle pralstunende. Un i sorelendar lell lo lengro kurepaskro koowa krik.

Hiob 12:21 Iomraidhean Croise

2. Rajengro liil 9:26

O baro Devel penas leske: Me dikom har taysar o Nabot oun leskre čave moulo dino van. Kate ap leskro kotar them dau tout pale, hoy tou leske kral. Doleske penau touke: Le les oun vitse les koy! Yaake vell kova, har o baro Devel penas.”

Hiob 12:18

I pandlen kol bare rayendar anell lo dran o pandepen vin, oun anell i bare rayen an o pandepen.

Hiob 3:15

Voms čiddo mank i pralstunende, kolen sonakay his, oun kolengre khera pherdo roup his.

Hiob 30:11

O Devel phagas miri zoor, oun kras man tiknes. Doleske krenn le mantsa, hoy le kamenn.

Hiob 34:19

Yob dikell gar i pralstounes feteder an har i vavares, oun tserdell o braveles gar o čorveleske glan. Leskro vast kras len halauter.

Debleskri gili 107:40

Koy moukas lo ladj ap lengre raya te perell, oun yon hounte nashan an o moulo them trouyel, kote kay kek drom hi.

2. Mose 16:24

Kote hadan le pre o vavar diveske taysarlakro, yaake har o Mose penas. Oun či khandas oun kek kirmo vas dren.

2. Mose 8:2

Kote rikras o Aron peskro vast pral i panya an o them Egiptia. Oun i djambe van pre, oun his yaake boud, te his o tselo them lentsa pherdo.

Jesaja 11:5

Hako tsiro krell lo o čačepen. Hako tsiro penell lo, hoy čačo hi. Doleske hi o čačepen troul leste har i pereskri dori troul i ripen.

Jesaja 22:21

Oun rivau les an tiri kouč baya, oun tiro pereskro pandepen čivau leske trouyel. Oun lauter, pral kova tou ray hals, dau an leskro vast, te vell lo har i dad kolenge, kay an Yerusalem djivenn oun o tselo khereske Youda.

Jesaja 23:9

O baro Devel, ko ray pral o bolepen oun i phoub penas, te vell kova yaake. Yob kamas lenge ko tselo raylepen krik te lell, koleha yon pen yaake bares kran, oun kamas i an-dikle morshen ap i phoub tiknes te krell.

Jesaja 37:38

Oun har lo an-mangas an o kheer leskro deblestar, o Nisrok, dan les leskre čave, o Adrammelek oun o Sharezer, moulo o rhareha. Oun yon nashan penge krik an o them Ararat. Oun leskro čavo Asarhaddon vas baro ray pal leste.

Jesaja 40:23

Yob krell, te vell i pralstunen bouder či penepaske, oun i rayenge pral i phoub lell lo lengri zoor krik.

Jesaja 45:1

Kava penell o baro Devel ap o Cyrus, koles yob vin rodas, te vell lo baro ray: Me taprom tiro čačo vast, te vitsrap vavar themma tel tire herya, oun te lap i rhare lengre bare rayendar krik, te venn voudya pre kerdo glan toute, te ačenn foreskre voudya gar pandlo glan toute.

Jesaja 5:27

Pash lende hi kek khino, oun kek, kay djal banges, kek, koleske i yaka pandlo djan oun kek, kay sovella. Oun kekeske lendar djal o pereskro pandepen pre, oun lengre dorya ap lengre kirrha hi zoreles oun djan gar paash.

Amos 2:3

Me marau lengro baro rayes oun i lengre tsele pralstunen, penell o baro Devel.

Bičepangre 12:23

Yaake moukas pes o Herodes i menshendar te sharell, har te vals yob o Devel. Oun har yob kova kras, das les o Debleskro bolepaskro i nasslepen, te rhan i kirme les pre, oun yob meras.

Efesarja 6:10

Ninna kamau t'menge te penell: Avenn zoreles an o patsepen ap o rayeste, o Yezouseste! Les hi i bari zoor t'menge.

Efesarja 6:14

Avenn yaake rido har i kourepaskro, kay djal an o kourepen! Troul leskro per hi i pessi zoreli dori, oun ap leskro beč i sasterno gad. Ap peskre pire rivell lo zorele kirrha. Glan leste rikrell lo i bourhli sasterni patri. Ap leskro shero hidjrell lo i sasterni stadi oun an leskro čačo vast i rharo. Djivenn an o čačepen! Kova hi yaake har te pandan i pessi zoreli dori troul t'maro per. Krenn kova, hoy hi mishto oun lačo! Kova hi har i sasterno gad ap t'maro beč.