Hiob 12:16 - O Debleskro Lab 2024 (Sinte-Manouche)

¹⁶ Pash leste hi i zoor oun o čačo gosvepen. Les hi ninna i zoor pral koleste, kay perell o čačo dromestar tele, oun pral koleste, kay anell les o čačo dromestar tele.

O Debleskro Drom 2021 (Sinte)

¹⁶ Pash leste hi i soor un o tchatcho goswepen. Les hi ninna i soor pral koleste, kai perell o tchatcho dromestar tele, un pral koleste, kai anell les o tchatcho dromestar tele.

Hiob 12:16 Iomraidhean Croise

Hiob 12:13

O Debles hi gosvepen oun ninna zoor. Yob hayvell halauter, oun nay penell, hoy te vell kerdo.

Hiob 13:7

Kamenn t'mer o Debleske te rhorhell, oun rhorhepen te rakrell, te vell lo an o čačepen?

Hiob 13:9

Patsenn t'mer, te djal kova t'menge mishto, te lell lo t'men an o yak? Moukell lo pes t'mendar te rhorhell, har te vals lo i mensho?

Hiob 32:8

Hi čačo, kova, hoy krell i menshes gosevo, hi o dourho o zorelo Deblestar, koles yob an i mensheste dren čivas.

Gosewe laba 2:6

O baro Devel hi kova, kay dell gosvepen. Lestar vell, te djinell oun hayvell i mensho boud koova.

Jesaja 31:2

Ninna yob hi gosevo oun djinell hoy lo krell. Yob bičrell i bibarht, oun lell gar peskre laba pale, kolentsa yob len trad das. I čilačen dell lo i phagi oun ninna kolen, kay lenge ap i rig van.

Ezekiel 14:9

Te moukell pes i Debleskro rakepaskro yaake dour te anell, te dell lo les i lab mandar doureder, palle krau me, o baro Devel, te dell lo i rhorheno lab doureder. Oun me hadau miro vast pral leste, oun krau les pale-čiddo, te djivell lo bouder gar mank mire menshende Israel.

Daniel 2:20

oun penas: Sharedo vell o Devel kanna oun hako tsireske! Leske hi o gosvepen oun i zoor.

Mateo 6:13

Ma mouk men tiro dromestar tele te djal! Le men dran o bengeskro vast vin!