Hiob 11:18 - O Debleskro Lab 2024 (Sinte-Manouche)

¹⁸ Oun tiro dji lell pale nevi zoor oun djineh, lauter vell mishto. Rati dikeh tout trouyel, oun čiveh tout pale tele kek daryah.

O Debleskro Drom 2021 (Sinte)

¹⁸ Un tiro dji lell pale newi soor un djineh, lauter well mishto. Rati dikeh tut trujel, un tchiweh tut pale tele kek darjah.

Hiob 11:18 Iomraidhean Croise

Hiob 11:17

Oun pral tiro djipen djal o kham pre, oun hi zorelo har mashkral dives. Ninna te hi kanna tamlo, vell i nevo dives.

Hiob 11:19

Oun tou hal čiddo, oun kek vell pral toute, oun krell tout traash. Oun boud venna, kay mangenn toutar, te kress lenge lačepen.

Hiob 6:11

Man hi bouder kek zoor, te nay rikrap doureder vin. Hoy ačell miro djipastar, te dikap ap ko tsiro, hoy vella?

Hiob 7:6

Mire divessa djan trouyel yaake sik har i soub, hoy pre oun tele djal. Oun kova hoy gomme glan mande hi, nay vell či, hoy shoukar hi.

Debleskri gili 127:2

Čičeske hi, te stenn t'mer sik taysarlakro pre, oun han beshdo bis an i rat, oun marenn t'men tele, te lenn t'maro rhapen. Kova dell o baro Devel peskre malen an o sopen.

Debleskri gili 3:5

Dau me gole ap o baro Debleste, shounell lo man ap peskri berga, kay yob djivell.

Debleskri gili 4:8

Tou kral miro dji barhtleder har o dji kolendar, kolen boud djob oun mool hi.

Debleskri gili 43:5

Hoske rovell miro dji oun hi yaake pharo an mande? Ap miro Debleste kamau te dikell. Me djinau, te vell i tsiro, kay parkrau man pash leste, miro Debleste, te vas lo ap miri rig.

Gosewe laba 14:32

O čilačo vell tele vitsedo dran leskro čilačepen. Kova, kay an o čačepen tardo hi, koleskro patsepen rikrell les ninna gomme an o merepen.

Kolossarja 1:27

Kolen sikras o Devel, har baro oun shoukar ko drom hi, hoy anell ninna kol menshen pash leste, kay kek bibolde hi. Oun ko drom hi o Yezous Kristo, kay djivell an t'mende. Doleske djinenn nay, te djivenn t'mer leha khetne an o bolepen.