Hiob 11:14 - O Debleskro Lab 2024 (Sinte-Manouche)

¹⁴ Te kral čilačepen, mouk tele kolestar, te vell kek čilačepen an tiro kheer hatslo.

O Debleskro Drom 2021 (Sinte)

¹⁴ Te kral tchilatchepen, muk tele kolestar, te well kek tchilatchepen an tiro kheer hatslo.

Hiob 11:14 Iomraidhean Croise

1. Mose 4:7

Kova hi yaake: Te kreh, hoy mishto hi, nay dikeh tou i menshen an i yaka. Te kreh, hoy gar mishto hi, hi o čilačepen gar dour toutar, oun kamell ray pral toute te vell. Tou hounte vess ray pral o čilačepen.”

2. Rajengro liil 17:13

Oun o baro Devel das kol menshen an o them Israel oun an o them Youda trad, har moukas lo peskre rakepangre oun dikepangre lenge te penell: “Moukenn t'maro čilače dromma! Oun krenn hoy me penau! Oun djivenn pal miro čačepen! Oun djan t'maro tselo djiyeha ap miro drom, hoy sikrom t'mare phourende. Oun djivenn pal kol laba, hoy penan t'menge mire boudepangre, kay mire rakepangre hi.”

Hiob 22:23

Te veh tou pale pash o zorelo Debleste, krell lo tout pale zorelo. Čip o čilačepen dour krik dran tiro kheer!

Hiob 22:5

Na-a! Tiro čilačepen hounte vals baro – doleske krell lo kova! Kreh tou gar pale te pale čilačo koova?

Hiob 34:32

Sike tou man, hoy me gar dikau! Te his kova čilačes, hoy me krom, krau me les palle bouder gar.”

Hiob 4:7

Rake tiro djiyeha, oun pen mange, kay maras o Devel yekes, ap koleste kek doosh his? Kay las lo o djipen yekestar krik, kay his an o čačepen tardo?

Hiob 8:6

oun djiveh i djoudjo djipen an o čačepen, palle stell lo touke pre, oun moukell les touke oun tiri familyake pale mishto te djal, yaake har čačo hi.

Debleskri gili 101:2

Me dau yak, te djap o čačo drom. Kamau te vess pash mande. I djoudjo djiyeha djivau khetne lauterentsa an miro kheer.

Jesaja 1:15

Oun te hadenn t'mer t'mare vasta pre, te mangenn man an, palle čakrau me mire yaka tele, te dikap t'men gar. Oun ninna te mangenn mandar pale te pale, me shounau t'men gar: T'mare vasta hi pherdo rat.

Jakobo 4:8

Avenn pash o Debleste! Yaake vell yob ninna pash t'mende. Ap t'mende, kay kran čilačo koova, penau me: Krenn t'mare vasta djoudjo! Ap t'mende, kay djan ap douy dromma, penau me: Moukenn ko čilačo drom, oun djan ap o Debleskro drom!

1. Samuel 7:3

Kote penas o Samuel ap lende: “Te kamenn t'mer t'maro tselo djiyeha pale ap o baro Debleskro drom te djal, palle čivenn i rhorhene deblen t'mendar krik, ninna i debletsa Astarte! Patsenn ap o baro Debleste, oun mangenn les kokres an oun kek vavares! Palle lell yob t'men vin dran i vasta i Filistarendar.”