Hiob 11:11 - O Debleskro Lab 2024 (Sinte-Manouche)

¹¹ Yob djinell, koon i či-molde hi, oun dikell o čilačo koova, hoy le krenn. Kova hi gar khatedo glan leste.

O Debleskro Drom 2021 (Sinte)

¹¹ Job djinell, koon i tchi-molde hi, un dikell o tchilatcho koowa, hoi le krenn. Kowa hi gar khatedo glan leste.

Hiob 11:11 Iomraidhean Croise

Hiob 24:23

Yob moukell len te patsell, te djal lenge či. Oun lell hako koova an o yak, hoy le krenn.

Hiob 28:24

Yob hi kova, kay dikell ap i tseli phoub, yaake dour har djal li, oun lauter, hoy ap late hi.

Hiob 31:4

O Devel dikell halauter, hoy krau, oun djinell, havo drom mire pire djan.

Debleskri gili 10:11

An peskro dji penell lo peske: “O Devel djinell kova gar. Yob das gar yak pre oun dikell či.”

Debleskri gili 10:14

Tou dikal les. Tou deh yak ap kolende, kolenge le o djipen phares krenn, oun djineh lengre douka, oun leh lengro koova an tiro vast. Ava, i čorvele čivenn pengro djipen an tiro vast. Tou hal ap i rig kolendar, kolen kek dad bouder hi.

Debleskri gili 33:13

O baro Devel dikell tele dran o bolepen, oun dikell i tsele menshen.

Debleskri gili 35:22

Baro Devel, tou dikal kova. Rike tout gar pale, rake! Miro ray, ma ab kanna dour mandar krik!

Debleskri gili 94:11

O baro Devel djinell, hoy an i menshengre sherya hi: lauter či-moldo koova.

Sikepaskro 5:8

Hi feteder o themeske, te hi les i baro ray, kay dikell koy pre, te vell ap o harhetikro them boudedo, te vell i menshen doha djipaske.

Hosea 7:2

Oun kova djal gar an lengro shero dren, te djinau me lengro tselo čilačepen. Lengro čilačo koova hi troul lende trouyel, oun hi mange tardo glan mire yaka.

Habakuk 1:13

Tire yaka hi yaake djoudjo, te nay dikeh kek čilačepen. Tou nay dikeh gar har i menshe doukedo venna. Hoske kreh tou či, te dikeh kol rhorhene phoukepangren, oun peneh kek lab, te rhal o čilačo koles pre, kay hi lačeder oun čačeder har yob?

Hebrearja 4:13

O Devel dikella lauter. Či an mende hi khatedo glan leskre yaka. Lauter hi pre čakedo glan leste. Oun leske hounte penas mer halauter, hoy kram.

Debleskro tsiro 2:23

Oun kolakre čaven dau moulo. Palle hayvenn i tsele patsle, te hom me kova, kay halauter prindjrella, hoy i menshen an o shero oun an o dji hi. Oun hakeno, kay čilačo koova kras, kova lell mandar koy phagi pal kova, hoy yob kras.