Hiob 10:9 - O Debleskro Lab 2024 (Sinte-Manouche)

⁹ Ma biste, te kral man dran čik. Kameh tou kanna, te vap pale čik?

O Debleskro Drom 2021 (Sinte)

⁹ Ma biste, te kral man dran tchik. Kameh tu kanna, te wap pale tchik?

Hiob 10:9 Iomraidhean Croise

1. Mose 2:7

Oun o baro Devel, maro ray, kras o romes dran čik i phoubyatar. Oun phourdas peskro dourho, hoy della o djipen, an o romeste. Oun o rom vas djido.

1. Mose 3:19

Tou hounte boudress yaake phares tiro rhapaske, te nashell o pani pral tiro mouy, bis te veh pale phoub. Tou hal kerdo dran i čik i phoubyatar. Oun tou veh pale, hoy tou hals.”

Hiob 10:10

Tou kral, te vas miri day mantsa vavarčandes, oun kral, te vom me i tikno mensho an late.

Hiob 17:14

Ap i grufta penau: Tou hal miro dad! Ap i kirme: T'mer han miri day oun mire phenya.

Hiob 33:6

Dik, glan o Debleste hom me yaake boud har tou hal. Oun me ninna hom dran i čik kerdo.

Hiob 34:15

palle merans halauter, hoy djivenn, ap yek kopo, oun o mensho vals pale čik.

Hiob 4:19

Har boud boudeder hatsell lo doosh ap kolende, kay van dran čik kerdo – ap kolende, kay nay venn khetne stakedo har i kirmo.

Hiob 7:21

Hoske leh tou ko čilačepen gar krik mandar, hoy krom, oun bistreh miri doosh? An i tikno tsiro vau tel i phoub. Te rodeh pal mande, hom me gar bouder koy.

Hiob 7:7

Ma biste, miro Devel, te hi miro djipen har i dourho. Mire yaka dikenn bouder kek barht.

Debleskri gili 103:14

Yob djinell, kay menshe ham; te ham dran čik kerdo, bistrell lo gar.

Debleskri gili 104:29

Tou te djah lendar krik, taprell len i daar. Tou te leh lendar o dourho, merenn le, oun venn pale čik.

Debleskri gili 106:4

Baro Devel, tou dal tire menshende tiro lab, te vess ap lengri rig. Biste man gar oun ab mange lačo!

Debleskri gili 22:15

Miri zoor hi vin čoredo har pani, mire tsele kokale rikrenn bouder gar khetne, Miro dji nashras peskri zoor, har i momeli hoy tele rhačras.

Debleskri gili 25:18

Dik ap miro pharo djipen, oun har djoungeles mange djala, oun biste miri tseli doosh!

Debleskri gili 78:39

Yob djinas, te hi le menshe, kay hounte merenn, oun hi sik bouder gar koy, yaake har i dourho, hoy djal oun gar pale vella.

Debleskri gili 89:47

Baro Devel, har rah kameh tout gomme te khatrell? Har rah moukeh tiri rholi te rhačrell har i yag?

Debleskri gili 90:3

Tou penell menge: “Avenn pale, t'mer menshe!” Oun moukeh men pale čik te vell.

Sikepaskro 12:7

O mensho vell pale phoub, kolatar yob kerdo vas. Oun o dourho hounte djal pale pash o Debleste, kay das o dourhes o mensheste.

Jesaja 45:9

Djungeles djal koleske, kay rhoyedo hi koleha, kay les kras! Yob hi či har i kotar dran i paash dino čaro mank vavar paash dine kotya. Ko čik, dran koleste čare rhačedo venn, nay penell lo ap koleste, kay lestar čomone krell: Hoy kreh tou? Oun ko čaro, hoy lo kras, penell kova nay ap leste: Tou hayveh či!

Jesaja 64:7

Kanna, baro Devel, tou maro dad, mer ham har i loli phoub, dran kolate tou i čaro rhačeh. Tire vasta kran men halauter.

Jesaja 64:8

Baro Devel, mouk tiri rholi gar yaake bares te vell, te bistress mari doosh gar bouder. Dik ap mende, mangah tout, tire menshe ham halauter.

Jeremia 18:6

Poučau t'mendar dran o kheer Israel: Nay krau me t'mentsa gar har kova kay krell pirya? Dikenn, har koy čik an leskro vast hi, yaake han ninna t'mer dran o kheer Israel an miro vast.

Remarja 9:21

Kova hi yaake har pash i mensheste, kay krell čare oun pirya dran yek kotar loli phoub. Te kamell lo, krell lo i shoukar čaro, hoy boud moldo hi. Oun te kamell lo, krell lo i vavar čaro, kay čiklo koova dren čiddo vella.

2. Korintarja 4:7

O lačo lab o Yezous Kristestar hi i baro bravlepen, hoy mer hidjrah an mende. Mer kokres ham har čare, hoy či moldo hi, yaake te dikell hakeno, koy bari zoor vell o Deblestar, oun gar mendar.