Hiob 10:8 - O Debleskro Lab 2024 (Sinte-Manouche)

⁸ Tou kral man tire vastentsa, lauter ap mande hi toutar kerdo; oun kanna rhah tou man pre!

O Debleskro Drom 2021 (Sinte)

⁸ Tu kral man tire wastentsa, lauter ap mande hi tutar kerdo; un kanna chah tu man pre!

Hiob 10:8 Iomraidhean Croise

Hiob 10:3

Hoy aneh kava touke, te rikreh man zoryah tele? Hoske vitsreh man toutar krik, man, koles tire vasta kran, oun moukeh kova mishto te djal, hoy lan pen i čilače glan?

Hiob 13:19

Koon hi, kay nay sikrell, te hi i doosh ap mande? Palle kamaus miro mouy te rikrell, oun te merell.

Hiob 30:23

Me djinau kanna, tou kameh man an o moulengro them te anell, kay i tsele djide khetne venn pal lengro merepen.

Hiob 9:17

Yob bičrell i zorelo phourdepen, te taprell lo pal mande, oun dell man boud doukepen, ninna te krom či.

Debleskri gili 100:3

Ma bistrenn: O baro Devel kokres hi o Devel! Yob kras men, oun leskre ham mer. Leskre menshe ham, oun yob hi menge har i bakrengro, kay djal glan leskre bakre oun anell len kote, kay len doha rhapaske hi.

Debleskri gili 119:73

Tire vasta kran man oun rikran man. Kre, te hayvap tire laba!

Debleskri gili 138:8

Baro Devel, tou leh miro koova an tiro vast. Baro Devel, tiro lačepen ačella hako tsireske. Ma mouk kova, hoy lal an tiro vast!

Debleskri gili 139:15

Me homs gar khatedo glan toute, har kral man kote, kay kek dikell, har vom i ternepen an miri dakro per.

Debleskri gili 139:16

Tou dikal man, har gar kerdo homs, oun hako dives miro djipastar his činlo an tiro liil, har gomme kek lendar koy his.

Debleskri gili 33:15

Yob čivell lenge an o dji, hoy te krenn le, oun dell yak ap lauter, hoy yon krenna.

Jesaja 43:7

Halauter te venn khere, kay miro labeha kharedo venn, kolen mange krom, te vell miro lab baro, kolendar i natsyona krom, hoy miro hi.