Hiob 1:8 - O Debleskro Lab 2024 (Sinte-Manouche)

⁸ Oun o baro Devel poučas o bengestar: “Dal tou ninna yak ap miro boudepaskro, o Hiob? Kek vavar hi ap i phoub, kay hi yaake har kova. Yob hi an o čačepen tardo, oun kek doosh hi ap leste. Yob mangell man an, oun rikrell pes dour krik o čilačepastar.”

O Debleskro Drom 2021 (Sinte)

⁸ Un o baro Dewel putchas o bengestar: “Dal tu ninna jak ap miro budepaskro, o Hiob? Kek wawar hi ap i phub, kai hi jaake har kowa. Job hi an o tchatchepen tardo, un kek doosh hi ap leste. Job mangell man an, un rikrell pes dur krik o tchilatchepastar.”

Hiob 1:8 Iomraidhean Croise

2. Rajengro liil 23:25

Kek baro ray his glan leste, kay vas yaake har o Yosia pash o baro Debleste peskro tselo djiyeha oun peskro tselo djipah oun peskri tseli zoryah, oun djivas yaake har an o Moseskre lila činlo hi. Oun pal leste his vitar kek har yob.

Nehemia 5:15

Kol vavar themeskre raya glan mande čivan pharo koova ap i menshende. Hako dives lan le lendar maro oun mool oun kote pashel gomme 40 (star-deesh) roupene beme. Oun kolengre boudepangre kran pen ninna ray pral i menshende, yaake har le kaman! Me krom kova gar yaake, djinom, o Devel dikell man!

Hiob 1:1

An o them Ous djivas i morsh, kova kharas Hiob. Yob his an o čačepen tardo, oun kek doosh his ap leste. Yob mangas o Debles an, oun rikras pes dour krik o čilačepastar.

Hiob 12:4

Hoske vom mire malenge sapaske? Me dom gole ap o Debleste, oun yob shounas man. Ninna te hom an o čačepen tardo oun djau o čačo drom, sanenn le man vin.

Hiob 2:1

Oun vas o dives, kay van i bolepangre pale khetne pash o baro Debleste oun čivan pen tardo glan leste. Oun o beng his ninna pale mashkral lende.

Hiob 2:3

Oun o baro Devel poučas o bengestar: “Dal tou ninna yak ap miro boudepaskro, o Hiob? Kek vavar hi ap i phoub, kay hi yaake har kova. Yob hi an o čačepen tardo, oun kek doosh hi ap leste. Yob mangell man an, oun rikrell pes dour krik o čilačepastar. Ninna kanna anell lo kek doosh ap peste, kay tou mandar kamal, te anap les an i bibarht, ninna te kras lo či.”

Hiob 34:14

Te lals yob peske glan, te lell lo peskro djipaskro dourho palpale o menshestar,

Hiob 8:20

Penau touke, o Devel vitsrell kolen gar pestar, kay an o čačepen djivenn. Oun yob rikrell gar i čilačen pash o vast.

Debleskri gili 18:23

Ava, leskro tselo čačepen hi glan mire yaka, oun rikrau ap lauter, hoy yob kamell, te krap.

Debleskri gili 34:14

Palle denn garda ap t'mari čip, te rakrell li kek čilačepen oun kek rhorhepen!

Debleskri gili 36:1

I gili o rayeske pral i gipangre. O David, ko baro Debleskro boudepaskro, kras kay gili.

Debleskri gili 37:27

Mouk o čilačepen pal toute, oun kre o lačepen! Palle nay ačeh hako tsireske khere an o them.

Debleskri gili 84:11

Yek dives ap i platsa glan tiro kheer hi feteder har i zerya vavar divessa. Me kamau boudeder te vap tardo pash o voudar glan tiro kheer, har te djivap pash i čilačende.

Debleskri gili 89:20

Glan i rah tsiro rakral tou ap yekeste tire menshendar an i visiona oun penal: “Me dom miro vast i čačo morsheste, te vell lo ap t'mari rig. Me rodom les vin dran mire menshende, te vell lo baro ray.

Gosewe laba 8:13

Kova, kay kamell o baro Debleha te djivell, kova kamell o čilačepen gar glan peskre yaka te dikell, kova dikell gar tele ap o vavareste oun phourdell pes gar pre, kova djal gar i čilačo drom, oun rakrell kek rhorhepen.

Jesaja 1:16

Thovenn t'men, krenn t'men djoudjo! Anenn t'maro čilačo koova, hoy kran, dran mire yaka krik. Moukenn o čilačepen!

Jesaja 42:1

O baro Devel penell: Ake, miro boudepaskro; les hi miro vast. Me rikrau les, oun rodom les mange vin, oun hom barhtelo pral leste. Miro dourho čivom ap leste, te anell lo miro čačepen pash i menshende an i tsele themma.

Ezekiel 40:4

Oun ko morsh penas ap mande: Tou, mensho, dik oun shoun mishto, oun de yak ap halauter, hoy sikrau tout. Doleske val tou kate anlo, te sikrap kova touke. Halauter, hoy kate dikal, pen i menshenge dran o kheer Israel!

4. Mose 12:3

O Mose his i mensho, kay kras pes gar bares. Kek mensho his ap i phoub, kay his yaake har o Mose oun hadas pes gar.

Johanni 1:47

Har o Yezous dikas, kay o Natanael vas, penas yob: “Dikenn, koy vell i čačo Israelitari. Oun kek rhorhepen hi an leste.”

Josua 1:2

“O Mose, koles miro čačo vast his, hi moulo. Kanna dja tou oun i tsele Israelitarya pral o pani Yordan an ko them, hoy me len dau!

Josua 1:7

Tou, ab zoreles oun ma traash, oun rike tout ap mire tsele laba, hoy penas touke o Mose, koles miro čačo vast his. Ma dja kolendar tele, gar ap i čači rig oun vitar gar ap i servi rig, te vell halauter mishto, kay tou ninna djah.