Hiob 1:5 - O Debleskro Lab 2024 (Sinte-Manouche)

⁵ Oun har kol divessa trouyel his, kay le rhan oun piyan, palle bičras o Hiob pash lende, te venn le pash leste. Oun yob stas sik taysarlakro pre, oun maras hakeneske lendar i firho, oun rhačras les o Debleske, te vell lengri doosh krik lino. Yob penas peske: Nay djals, te lan mire morsh čave doosh ap pende, oun rakran djoungeles pral o Debleste an pengre djia. Oun yaake kras o Hiob pal hako baro rhapen, hoy leskre morsh čave kran.

O Debleskro Drom 2021 (Sinte)

⁵ Un har kol diwessa trujel his, kai le chan un pijan, palle bitchras o Hiob pash lende, te wenn le pash leste. Un job stas sik taissarlakro pre, un maras hakeneske lendar i viecho, un chatchras les o Debleske, te well lengri doosh krik lino. Job penas peske: Nai djals, te lan mire mursh tchawe doosh ap pende, un rakran djungeles pral o Debleste an pengre djia. Un jaake kras o Hiob pal hako baro chapen, hoi leskre mursh tchawe kran.

Hiob 1:5 Iomraidhean Croise

1. Mose 22:3

Koy stas o Abraham sik taysarlakro pre, kras kasht tikno rhačepaske, čivas ko kasht ap peskri bourika oun las douy boudepangre oun peskro čaves Isaak peha, oun djas kote, kay o Devel leske penas.

1. Mose 6:5

O baro Devel dikas, kay o menshengro čilačepen baro hi ap i phoub. Halauter, hoy len an lengre djia hi, his čilačo o tselo dives.

1. Mose 8:20

Oun o Noah kras i rhačepaskri platsa oun las hake firhendar, kay gar pale-čiddo hi oun hake čirklendar, kay gar pale-čiddo hi. Oun das len moulo oun rhačras len ap koy platsa, te parkrell lo pes pash o baro Debleste.

1. Rajengro liil 18:31

las deesh-te-douy barra, yek bar hako čaveske o Yakobestar. Ap koleste penas o baro Devel glan i rah tsiro: “Tiro lab vell kanna Israel.”

1. Rajengro liil 21:10

Palle beshenn douy morshen, kay či moldo hi, pash leste. Kolla te rakrenn, har te penans le o čačepen glan lauterende: Nabot, tou praasal o Debles oun o baro rayes. Palle anenn les dran o foro vin oun vitsrenn les i barrentsa moulo!”

1. Rajengro liil 21:13

Palle van kol douy či-molde, oun beshan pen vergel leste, oun anan čomone pre ap leste oun penan glan i tsele menshende: “O Nabot praasas o Debles oun o baro rayes.” Palle vas lo dran o foro anlo, oun yon vitsran ap leste barra, yaake meras lo.

Nehemia 12:30

Oun i rashaya oun Levitarya čoran Debleskro pani ap pende, te krenn le pen djoudjo glan o Debleste. Oun palle čoran le ninna o Debleskro pani ap i menshende, ap o foreskre voudya oun ap i massouri.

Hiob 1:11

Hoy hi, te leh tou lestar krik, hoy leskro hi? Čačepah palle praasell lo tout!”

Hiob 1:4

Oun leskre morsh čave, hakeno lendar, kras i baro rhapen an peskro kheer ap peskro dives. Oun yon moukan pengre triin phenyen te vell, te rhan oun piyenn le khetne.

Hiob 2:9

Kote penas leskri romni ap leste: “Rikreh tou gomme ap tiro patsepen? Pen tout o Deblestar tele oun mere!”

Hiob 27:10

Yob hi gar savo mensho, kay hatsell peskri barht pash o zorelo Debleste, oun dell hako tsiro gole ap leste.

Hiob 41:25

Ap i phoub hi kek vavar har yob, yaake kerdo, te nay krell leske či daar.

Hiob 42:8

Kanna lenn efta terne gourma oun efta bakre oun djan pash o Hiob, oun marenn kol firhen kote, oun rhačrenn len mange! Oun o Hiob, koles miro čačo vast hi, hounte mangell man t'menge. Ap koleste shounau oun krau t'mentsa gar, har hounte kroms. T'mer rakran gar o čačepen pral mande har yob kras.”

Hiob 6:14

Kones kek dji hi peskro maleske, koles hi gar o zorelo Devel glan i yaka pash kova, hoy lo krell.

Hiob 8:4

Tire čave kran, hoy čilačes his glan leskre yaka. Doleske das lo len pengri phagi.

Debleskri gili 5:3

De yak ap miri gole! Tou hal miro baro ray oun miro Devel, koles me mangau.

2. Mose 18:12

Oun o Yetro las i firho, hoy yob o Debleske maras oun tseles rhačras, oun ninna vavar firhe, hoy yob maras, te rhan le len khetne glan o Debleste. Oun o Aron oun i tsele phoureder dran Israel van oun rhan khetne o Moseskri romyakro dadeha kote, kay yon o Debles an-mangan.

2. Mose 19:10

Oun o baro Devel penas ap o Mose: “Dja pash lende oun pen lenge, te krenn le pen djoudjo mange kava dives oun taysar, te thovenn le pengre koola.

2. Mose 24:5

Oun yob bičras terne morshen vin, te marenn le firhen oun rhačrenn len o baro Debleske. Koy pashel his ninna terne gourma. Kolen maran le, te nay rhan i Israelitarya ko mass khetne glan o baro Debleste.

Sikepaskro 9:10

Halauter, hoy touke glan o vast vell, te kress, kova kre o tselo djiyestar! Pash i moulende, kay tou ninna hounte djas, kote vell bouder či kerdo. Oun kek krell peske kote i shero, hoy nay krell lo, har nay djinell lo čomone, oun har nay vell lo gosevo.

Jeremia 4:14

Yerusalem, te kameh vin lino te vell, palle thob tiro čilačepen tiro djiyestar tele! Har rah kameh tou ko čilačepen an tiro shero te rikrell?

Ezekiel 14:14

Ninna te vans kal triin morsha an ko them, o Noah, o Daniel oun o Hiob, palle lans yon kokres pengro djipen dran o merepen vin, kek vavar lentsa. Yon djivan an o čačepen. Doleske loms len kokres dran o merepen vin. Kava penau me o baro Devel, t'maro ray.

Louka 1:75

yaake te djivas mer leske i djoudjo oun lačo djiyeha yaake rah, har djivah.

Louka 18:7

Har boud feteder hi o Devel! Patsenn t'mer gar, te vell lo ap i rig peskre vi-rodede menshendar, kay dives oun rati ap leste gole denna? Ava, yob vell ap lengri rig oun dell len lengro čačepen. Lell lo pes boud tsiro, te vell lo ap lengri rig?

Johanni 11:55

His i tikno tsiro glan kol bare biboldengre divessa, kay kharenna Passa. Dran ko tselo them van i menshe an o foro Yerusalem, te thovenn pen le an o pani glan o Passa, yaake har i biboldengro koova hi.

Bičepangre 21:26

Koy las o Paulo kol morshen pash peste. Oun o vavar dives thovas lo pes lentsa khetne pal o biboldengro čačepen. Palle djas yob an o Debleskro baro kheer. Oun kote penas lo i rashayenge: “Mer thovam men pal o biboldengro čačepen. An efta divessa anah mer firhen hakeneske mendar, te venn le maredo o Debleske. Koy tsiro hi kanna trouyel, ap hoy mer men sovel dam.”

Bičepangre 8:22

Kanna, mouk tiro čilačo drom, oun pen o Debleske, te khaytell tout ko čilačo koova, hoy tou kral. Oun mange lestar, te lell lo koy doosh toutar!

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.

2. Korintarja 11:2

Yaake har o Devel kamell, kamau me ninna o tselo djiyestar, te djan t'mer gar o Yezous Kristestar krik. T'mer han mange har i čay, kay dom yek morsheste, te vell li leskri pirni. Ko yek morsh hi o Yezous Kristo. Kamau te anap leske i djoudji terni djouvel ap ko dives, kay romedinerell lo lat.

Efesarja 6:18

Rakrenn hako tsiro o Debleha! Mangenn lestar kova, hoy o Debleskro Dourho an t'mare djia čivella! Ma moukenn tele te mangell les i tsele patslenge!

1. Samuel 16:5

“Ava”, penas lo. “Me hom kay, te anap o baro Debleske i firhes. Krenn kova, hoy glan činlo hi, te venn djoudjo o Debleske! Oun avenn mantsa, te rhas mer o firhes, hoy anom o Debleske.” Oun yob kras ap o Isay oun leskre čavende kova, hoy glan činlo hi, te venn le djoudjo o Debleske, oun penas: “Avenn mantsa, te rhas mer o firhes, hoy dau o Debleske.”