Hiob 1:3 - O Debleskro Lab 2024 (Sinte-Manouche)

³ Ninna his les boud firhe: 7.000 (efta-zerya) bakre oun 3.000 (triin-zerya) khamele, oun yek zerya groumya, kolendar hako kopo douy khetne boudran, oun 500 (panč-sheel) djouvelkane bourike. Oun les his boud boud boudepangre. Kek mensho his bravleder har o Hiob an ko them, hoy hi kote čiddo, kay o kham pral djal.

O Debleskro Drom 2021 (Sinte)

³ Ninna his les bud vieche: 7.000 (efta-serja) bakre un 3.000 (triin-serja) khamele, un jek serja grumja, kolendar hako kopo dui khetne budran, un 500 (pantch-sheel) djuwelkane burike. Un les his bud bud budepangre. Kek mensho his brawleder har o Hiob an ko them, hoi hi kote tchiddo, kai o kham pral djal.

Hiob 1:3 Iomraidhean Croise

1. Mose 12:16

Oun doleske kras o baro ray o Abrameske lačepen. Oun o Abram las bakre, groumya, bourike, khamele oun boudepangre: morsha oun djouvya.

1. Mose 12:5

Yob las peskri romyat Saray peha oun peskro phraleskro čaves Lot. Yob las ninna pengro tselo koova peha, pengre firhen oun pengre boudepangren, kay lengre an o foro Haran van. Oun yon tserdan vin oun van an ko them Kanaan.

1. Mose 13:6

O Abrameskro bravlepen oun o Loteskro bravlepen his yaake baro, kay nashte djivan yon bouder gar khetne. Lengre firhe hatsan gar doha te rhal.

1. Mose 24:35

O baro Devel čivas bari zoor oun boud barht ap miro ray. Yaake vas yob bravelo. O Devel das les bakre oun groumya, roup oun sonakay, boudepangre: morsha oun djouvya, ninna khamele oun bourike.

1. Mose 25:6

Oun kol čaven, kay leskre vavar romyendar bolde van, das o Abraham kouč koova pestar. An ko tsiro har yob djivas, bičras lo len dour krik peskro čavestar Isaak an ko them, hoy kote čiddo hi, kay o kham pre-djala.

1. Mose 29:1

Oun o Yakob djas doureder oun vas an ko them, kay kote čiddo hi, kay o kham pre djala.

1. Mose 32:14

Oun o Yakob ačas i rati koy. Oun las i firhendar, hoy pash leste his, te dell lo len peskro phraleste Esau:

1. Mose 34:23

Lengre firhe, lengro bravlepen oun lauter, hoy len hi, vell maro! Kras, hoy yon kamenna, te ačenn le pash mende!”

2. Samuel 12:2

Ko braveles his boud bakre oun groumya.

2. Rajengro liil 15:20

Ko roup las o Menahem yaake khetne, te čivas lo i siyaan ap hako bravelo morsheste an o them Israel. Hakeno lendar hounte playsras i paash-sheel roupene love. Har o baro ray pral Assour kol love las, djas lo pale khere peskre lourdentsa, oun ačas gar an o them.

2. Rajengro liil 3:4

O Mesha, ko baro ray pral i Moabarya, koles his boud bakre oun hounte das ko baro rayes pral Israel sheel zerya terne bakre oun o bakrengro bal sheel zerya morsh bakrendar.

1. Familjakro liil 27:30

O pralstouno pral i khamele his o Obil, ko Ismaelari. O pralstouno pral i bourike his o Yedia dran o foro Meronot.

2. Familjakro liil 26:10

Yob kras ninna turme an o moulo tato them oun hadas boud panyenge brounne vin; les his boud firhe an o pralstouno them oun an o telstouno them, ninna djobengre harhe oun molyengre harhe ap i berge oun ap i berga Karmel. Leske his i harhengri boudi ap o dji čiddo.

2. Familjakro liil 32:29

Oun yob kras peske forya. Oun les his boud bakre oun groumya. Ko tselo bravlepen das les halauter o Baro Devel.

Hiob 1:10

Tou deh yak ap leskro kheer oun ap lauter, hoy les hi. Tou čival tiri barht ap lauter, hoy yob an-taprell. Oun leskre firhe van boud oun boudeder an o tselo them.

Hiob 1:4

Oun leskre morsh čave, hakeno lendar, kras i baro rhapen an peskro kheer ap peskro dives. Oun yon moukan pengre triin phenyen te vell, te rhan oun piyenn le khetne.

Hiob 21:28

T'mer penenn: “Hoy vas dran o kheer ko rayestar, kay yaake boud čilačepen kras?”

Hiob 29:25

Me homs lengro pralstouno, oun rodom lenge o drom vin. Oun djivom mank lende har i baro ray mashkral peskre lourdende. Oun rakrom lačes kolentsa, kolenge ropaske his.

Hiob 31:25

Me stom gar i barhtyatar, te vas miro bravlepen baro, oun mange yaake boud khetne lom.

Hiob 31:37

Me penaus leske hako koova, hoy krom an miro djipen, oun har i ray vaus me glan leste.

Hiob 42:10

Oun har o Hiob peskre malenge mangas, las o baro Devel koy bibarht o Hiobestar krik, oun kras les pale bravelo, oun das les douy kope yaake boud, har les his.

Hiob 42:12

Oun o baro Devel čivas boudeder barht ap o Hiob har glan kova. Oun yob las 14.000 (deesh-te-star-zerya) bakre oun 6.000 (shob-zerya) khamele oun 2.000 (douy zerya) groumya oun 1.000 (yek zero) bourike.

Gosewe laba 10:22

Te čivell o baro Devel peskri barht ap toute, veh tou bravelo. Oun kova, hoy tou koy pashel kreh, hi čičeske.

Jeremia 49:28

Laba pral i menshende an Kedar oun pral o them Hazor, hoy o Neboukadnezar, ko ray pral o them Babilonia, peskre lourdentsa dren las. Kava penell o baro Devel ap i Babilonarya: Djan an o kourepen i menshentsa an Kedar! Oun marenn kolen, kay djivenn kote, kay o kham pre djal!

4. Mose 23:7

Koy penas o Bileam kal laba: O Balak, ko baro ray pral i Moabarya, moukas man te anell dran o them Aram, dran kol berge, kay o kham pre djala. Oun yob penas ap mande: Am ap miri rig, oun rake i bibarht pral o Yakobeskre menshende vin! Ava, am oun praase i Israeleskre menshen!

Čačepangre 6:3

Oun hako kopo, kay vitsran i Israelitarya o djob an i phoub, palle van i Midianarya oun i Amalekarya oun vavar menshe kotar, kay o kham pre djala, oun peran an o them dren.

Čačepangre 7:12

Oun i Midianarya oun i Amalekarya oun lauter, kay van kotar, kay o kham pre djal, his kote čiddo an o telstouno them oun čakran o them har i stepangre. Yaake boud his le. Oun lengre khamele his yaake boud, te djinas kek, har boud yon hi. Kolla his yaake boud har i santa pash o baro pani.

Čačepangre 8:10

Oun o Zeba oun o Zalmunna his an o them Karkor. Oun 15.000 (deesh-te-panč-zerya) lourde his pash lende, lauter kolla, kay pral ačan kol tsele lourdendar, kay dran o them van, kay o kham pre djal. Kol vavar morsha, kay nay kouran pen o rhareha, van temerl dino. Kolla his 120.000 (sheel-te-biish-zerya) morsha.

1. Samuel 25:2

Kote his i morsh an o foro Maon. Koles his i baro bravlepen. Les his 3.000 (triin-zerya) bakre oun 1.000 (yek seri) bouzya. Leskri phoub oun leskre firhe his pash o foro Karmel. Oun kote his yob, har o bakrengro bal činlo vas.

1. Samuel 27:9

Oun kay o David an kava them dren peras, kote moukas lo kek morshes oun kek djouvyat djides, oun las i tsele bakre oun groumya, bourike oun khamele, oun kol tsele ripya peha, oun djas pale pale pash o Akish.