Hiob 1:21 - O Debleskro Lab 2024 (Sinte-Manouche)

²¹ Oun yob penas: “Har boldo vom, his kek koola ap mande. Oun ap ko dives, kay merau, lau kek koola mantsa. O baro Devel das man lauter, hoy man hi. Oun o baro Devel las les pale mandar. Yob vell sharedo!”

O Debleskro Drom 2021 (Sinte)

²¹ Un job penas: “Har boldo wom, his kek koola ap mande. Un ap ko diwes, kai merau, lau kek koola mantsa. O baro Dewel das man lauter, hoi man hi. Un o baro Dewel las les pale mandar. Job well sharedo!”

Hiob 1:21 Iomraidhean Croise

1. Mose 3:19

Tou hounte boudress yaake phares tiro rhapaske, te nashell o pani pral tiro mouy, bis te veh pale phoub. Tou hal kerdo dran i čik i phoubyatar. Oun tou veh pale, hoy tou hals.”

1. Mose 30:2

Koy las o Yakob i bari rholi ap i Rachel oun penas: “Hom me o Devel, te nay dap tout čave!”

1. Mose 45:5

Kanna hounte khaytell t'men kova gar, kay bikran man! Rhoyrenn t'men gar pral kova! O Devel bičras man glan t'mende kay, te merenn i menshe gar i bokatar.

2. Samuel 16:12

Nay vell, kay o baro Devel dikell miri bibarht, oun krell lačepen dran ko praasepen.”

1. Rajengro liil 12:15

Oun yaake shounas o baro ray gar ap i menshende. Kova kamas o baro Devel yaake, te nay vell leskro lab čačo, hoy lo o Ahia dran Shilo an o mouy čivas, te penell kova les ap o Yerobeam, koleskro dad o Nebat hi.

2. Rajengro liil 20:19

Kote penas o Hiskiya ap o Yesaya: “Ko lab o baro Deblestar hi mishto, hoy tou rakral.” O Hiskiya penas peske: Mange hi mishto, te hi kek kourepen oun marepen an mire divessa.

Nehemia 9:5

Oun i Levitarya, o Yeshoua, oun o Kadmiel, oun o Bani, oun o Hashabneya, oun o Sherebya, oun o Hodiya, oun o Shebanya, oun o Petaya penan: Stenn pre! Sharenn o baro Debles! Yob hi t'maro Devel. Sharenn les kanna oun hako tsireske! Baro Devel, hakeno te sharell tiro raylo lab! Kek vavar lab hi yaake baro oun raylo har tiro lab.

Hiob 1:11

Hoy hi, te leh tou lestar krik, hoy leskro hi? Čačepah palle praasell lo tout!”

Hiob 2:10

O Hiob penas ap late: “Tou rakreh yaake har i dineli čay rakrell. O lačepen lam o Deblestar. Las mer gar ninna o čilačo koova lestar?” Ninna te vas kova lauter yaake, anas o Hiob kek doosh ap peste oun vitsras o Debleske kek čilačepen glan.

Hiob 9:12

Te lell lo yekes zoryah krik, koon kamell les pre te rikrell? Kek nay penell ap leste: Hoy kreh tou?

Debleskri gili 34:1

I gili o Davidestar, hoy yob givas, har yob pash o Abimelek kras, har te vals lo dinelo, oun kova les krik tradas.

Debleskri gili 34:2

Me kamau o baro Debles te sharell hako tsireske, oun kamau gar tele moukell, te parkrap man pash leste.

Debleskri gili 39:9

te less man vin dran miri tseli doosh! Ma mouk i dinelen pral mande te sal!

Debleskri gili 49:17

Ma rhoye tout, te vell yek bravelo, oun leskro kheer bareder oun shoukeder vella!

Sikepaskro 12:7

O mensho vell pale phoub, kolatar yob kerdo vas. Oun o dourho hounte djal pale pash o Debleste, kay das o dourhes o mensheste.

Sikepaskro 5:14

Yaake har yek nanges boldo vas, yaake djal lo pale, har lo vas. Ninna te boudras lo boud, nay lell lo či pestar peha, te merell lo.

Sikepaskro 5:15

Yob hounte djal, har lo vas. Kova hi i bari bibarht leske. Leskri phari boudyatar ačell leske či. Kova hi, har te marals lo pes tele čičeske.

Sikepaskro 5:19

O Devel das les barht an o dji. Doleske hounte krell lo peske kek shero pral o tikno tsiro, kay hi lo ap kay phoub.

Jesaja 24:15

Hadenn o baro Debles, t'mer kay djivenn kote, kay o kham pre djal! Oun an i panyengre themma denn vin gole: “Har raylo hi o baro Devel, kay o Israeleskro Devel hi!”

Jesaja 42:24

Koon his kova, kay moukas o Yakobes vin te randell, oun das o Israeles i čorepangren an i vasta? His kova gar o baro Devel? Yob hi, koleske o doumo sikram oun leskro drom gar djam, oun ap leskre laba gar shounam.

Jesaja 45:7

Me hom kova, kay krell, te vell dives oun rati. Me hom kova, kay dell barht oun bibarht. Me, o baro Devel, krau kova lauter.

Ropaskre gilja 3:38

Kova hi o Devel pral halauter, kay penell, te vell i bibarht oun ninna i barht.

Amos 3:6

Phourdell yek an i kourepaskri trompeta an o foro, oun i menshe lenn kek daar? Na-a! Vell i bibarht pral o foro, hoy o baro Devel bičras gar? Na-a!

Mateo 20:15

Me krau nay mire loventsa, hoy me kamau. Hoske hal tou čilačo ap mande, te hom me lačo?

Bičepangre 4:28

Yaake kran yon kova, hoy tou glan i rah tsiro penal, te vell kova lauter yaake.

Efesarja 5:20

Parkrenn t'men hako tsiro pash o Debleste, maro dadeste, lautereske, hoy das lo t'men! Krenn kova an o lab maro rayestar, o Yezous Kristestar!

1. Tessalonikarja 5:18

Parkrenn t'men pash leste pral halauter! Kova kamell o Devel lauterendar, kay djan ap o Yezouseskro drom.

1. Timoteo 6:7

Mer anam či ap kay phoub, oun nay lah či peha, te merah.

Jakobo 1:17

Lauter, hoy hi mishto oun lačo, vella o Deblestar an o bolepen. Yob kras o kham oun o čon oun i bolepangre momlia. Kolla krenn, te vell dives oun rat, oun yon venn yek tsiro diklo oun i vavar tsiro gar diklo. O Devel hi gar yaake. Yob ačell, har yob hi.

Jakobo 5:11

Kolla hi čačepah barhtelo, kay rikran zoreles ap o Debleste. T'mer shounan, har rikras pes o Hiob zoreles ap o Debleste, oun t'mer djinenna, havo bravlepen o Devel les lauter das. O Debles hi i baro dji i menshenge oun hi lenge lačes.

Ruth 1:21

I pherde vastentsa djom me vin, oun pale moukas man o baro Devel te vell i vastentsa, kay či dren hi. Denn man bouder gar Naomi gole! O baro Devel hi bouder gar ap miri rig. Ava, o zorelo Devel anas bibarht ap mande.”

1. Samuel 2:7

O baro Devel krell čorvelo oun yob krell bravelo, ko yekes krell lo tikno, oun ko vavares baro.

1. Samuel 2:8

Koles, kay les či hi, hadell lo dran i čik, oun o čorveles hidjrell lo pre dran i yagakri čik, oun beshell les pash i pralstunende, oun krell les an-diklo. I tseli phoub hi o baro Debleske. Yob čivas lat zoreles tardo.

1. Samuel 3:18

Kote penas o Samuel leske lauter oun rikras či pale. Koy penas o Eli: “Yob hi o baro Devel oun yob krell yaake har lačo hi.”