Hiob 1:18 - O Debleskro Lab 2024 (Sinte-Manouche)

¹⁸ Kova rakras gomme, koy vas i vavar oun penas: “Tire morsh čave oun tire ča his pash o rhapen beshdo, oun piyan mool an o kheer pengro phoureder phralestar.

O Debleskro Drom 2021 (Sinte)

¹⁸ Kowa rakras gomme, koi was i wawar un penas: “Tire mursh tchawe un tire tcha his pash o chapen beshdo, un pijan mool an o kheer pengro phureder phralestar.

Hiob 1:18 Iomraidhean Croise

2. Samuel 13:28

O Absalom penas ap peskre lourde: “Denn yak! Te piyas pes o Amnon mato, oun te penau me ap t'mende: Denn o Amnones khetne! palle denn les moulo! Ma trashenn! Me penom t'menge, te krenn kova. Avenn čače morsha oun krenn kova kek trashah!”

Hiob 1:13

Ap yek dives his o Hiobeskre čave khetne an o kheer kolestar, kay o phoureder lendar hi. Oun yon rhan oun piyan mool khetne.

Hiob 1:17

Har ko boudepaskro gomme rakras, vas i vavar oun penas: “I Kaldearya van ap triin rigya oun peran pal tire khamele dren oun lan len penge krik, oun dan tire boudepangren o rhareha moulo. Oun me nay nashom, me kokres, te nay penap kova touke.”

Hiob 1:19

Koy vas i phourdepen dran o moulo tato them oun das ap ko kheer ap leskre star rigya. Oun ko kheer peras khetne pral kol terne menshende. Oun yon meran. Oun me nay nashom, me kokres, te nay penap kova touke.”

Hiob 1:4

Oun leskre morsh čave, hakeno lendar, kras i baro rhapen an peskro kheer ap peskro dives. Oun yon moukan pengre triin phenyen te vell, te rhan oun piyenn le khetne.

Hiob 16:14

Yek dap pal i vavar dell lo an mande dren. Har i kourepaskro nashell lo ap mande.

Hiob 23:2

Ninna kava dives rakrau me dran i doukedo dji. O Debleskro vast hi phares ap mande čiddo, te hounte lap phares dourho.

Hiob 27:14

Te venn leskre čave ninna boud, merenn boud lendar an o kourepen. Vavaren hi gar doha te rhal.

Hiob 8:4

Tire čave kran, hoy čilačes his glan leskre yaka. Doleske das lo len pengri phagi.

Debleskri gili 34:19

O baro Devel hi pash kolende, kay lengro dji phagedo hi. Oun kolenge, kay dikenn bouder kek momeli an pengro djipen, hi lo ap i rig tardo.

Sikepaskro 9:2

Halauter hounte merenna. Kova djal yaake yekeske har ko vavareske, koleske, kay shounell ap o Debleste har koleske, kay kamell či o Deblestar te djinell, koleske, kay krell o lačepen oun koleske, kay krell o čilačepen, koleske, kay hi erligo oun koleske, kay hi pale-čiddo, koleske, kay rhačrell firhen o Debleske har koleske, kay rhačrell kek firhen leske. Yaake har o lačeske djal, yaake djal o čilačeske. Oun kova, kay dell pes sovel, koleske djal yaake har koleske, kay kamell pes gar sovel te dell.

Jesaja 28:19

Hako kopo, kay venn le, taprenn le t'mendar oun anenn t'men krik, nay vell ap o dives oun ninna an i rat. Te hayvans t'mer, hoy shounenn, palle ačals t'menge o rakepen krik i trashatar.

Jeremia 51:31

Bičepangre venn haki rigyatar, yek pal o vavar, te penenn le o baro rayeske pral o foro Babilon: “Tiro foro vas dren lino haki rigyatar.

Ropaskre gilja 1:12

T'menge halauterenge, kay nashenn kate ap o drom, penau: Hadenn t'mare yaka oun dikenn! Hi yek doukepen har miro doukepen, hoy pral mande vas? O baro Devel anas les pral mande ap ko dives, kay leskri zoreli rholi pral mande vas.