Haggai 2:9 - O Debleskro Lab 2024 (Sinte-Manouche)

⁹ Kava kheer te vell shoukeder har miro ersto kheer his. Oun me kamau t'men barht te dell an kava foro, penell o baro Devel, ko ray pral o bolepen oun i phoub.

O Debleskro Drom 2021 (Sinte)

⁹ Kau kheer te well shukeder har miro ersto kheer his. Un me kamau tumen bacht te dell an kau foro, penell o baro Dewel, ko rai pral o bolepen un i phub.

Haggai 2:9 Iomraidhean Croise

Jesaja 60:7

I tsele bakre dran Kedar oun Nebayot venn anlo pash toute, te venn le maredo oun rhačedo o baro Debleske, te dikell lo lačes ap toute. Oun yaake krell o baro Devel peskro raylo kheer gomme shoukeder.

Jesaja 66:12

Kava penell o baro Devel ap o foro Yerusalem: Dik, me moukau boud lačepen pral toute te vell har i lengsto pani. Oun o bravlepen dran vavar themma nashell an toute har i divyo pani. Me dau garda ap toute har i day ap peskro ternepen, hoy hidjrell li ap i vasta, oun čivell les ap peskre herya oun khelell leha.

Ezekiel 43:5

Oun o dourho hadas man pre oun anas man ap koy tikni glanstouni platsa. Oun dikom o baro Debleskro raylepen, kolestar o kheer pherdo his.

Micha 5:5

Pengre rharentsa lenn le o them Assour dren – ko them o morshestar Nimrod – oun venn i raya pral lende. Te phagenn i lourde dran o them Assour an maro them dren, oun kamenn les dren te lell, palle lell men maro nevo ray dran lengre vasta vin.

Haggai 1:8

Djan ap i berge oun lenn kasht, oun krenn miro kheer shoukar! Kova hi mange mishto, oun yaake vau sharedo, penell o baro Devel.

Haggai 2:3

Koon t'mendar hi gomme koy, kay dikas kava kheer, har lo an peskro shoukester tsiro vin dikas? Oun har dikenn les t'mer kanna? Hi či leskro shoukapen pral!

Zakarie 2:5

An i vavar dikepen dikom i terno morshes i doryah an peskro vast, te dikell lo pal, har baro čomone hi.

Louka 2:14

“Baro hi o Debleskro raylepen an o bolepen! O Debleskri barht vell ap i phoub. Yob dikell lačes ap i menshende.”

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

Johanni 14:27

Ninna te hom me gar pash t'mende, ačell koy barht, hoy me dom t'men, an t'mare djia. Me dau t'men miri barht. Koy barht nay denn t'men gar i menshe ap kay phoub. Ma trashenn! Ma avenn dareno!

Bičepangre 10:36

Yob moukas i biboldenge o lačo lab te penell, te hi o Yezous Kristo kova, kay anell len pash o Debleste. Yob hi gar lengro ray kokres, na-a, yob hi o ray pral halauter.

1. Timoteo 3:16

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

Jakobo 2:1

Mire phrala, t'mer patsenn ap maro rayeste, o Yezous Kristeste. Yob hi o ray pral i tsele rayende. Doleske, ma dikenn ap i menshende, koon yon hi, oun har bravelo yon hi!