Haggai 2:7 - O Debleskro Lab 2024 (Sinte-Manouche)

⁷ Ava, i menshenge an i tsele themma lau i zoor krik. Oun lengro kouč koova vell kate anlo, oun me krau miro kheer pherdo raylepen. Ko penell o baro Devel, ko ray pral o bolepen oun i phoub.

O Debleskro Drom 2021 (Sinte)

⁷ Awa, i menshenge an i tsele themma lau i soor krik. Un lengro kutch koowa well kate anlo, un me krau miro kheer pherdo railepen. Ko penell o baro Dewel, ko rai pral o bolepen un i phub.

Haggai 2:7 Iomraidhean Croise

1. Mose 22:18

Tou kral, hoy me touke penom. Doleske djal koy barht, hoy dau tire menshende, doureder ap i tsele natsyone, kay ap i phoub hi.”

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

1. Mose 49:10

Hako tsiro vell o baro ray dran o kheer Youda, oun yek leskre menshendar rikrell o rayeskro kasht an o vast yaake rah, bis te vell kova, kay čačepah o baro ray hi. Ap koleste shounenn i natsyone ap i phoub.

1. Rajengro liil 8:10

Har i rashaya vin djan dran o baro Debleskro kheer, his i folka an o tselo kheer.

1. Rajengro liil 8:11

An koy folka his o baro Debleskro raylepen. O tselo kheer his pherdo raylepen o baro Deblestar. Doleske nay ačan i rashaya gar koy, te krenn le pengri boudi.

2. Familjakro liil 5:14

An koy folka his o Debleskro raylepen. O tselo kheer his pherdo o raylepen o baro Deblestar. Doleske nay ačan i rashaya gar koy, te krenn le pengri boudi.

Debleskri gili 80:1

I gili o rayeske pral i gipangre, te givell pash o bashepen ap i shob-doryengri bashepaskri. Kay gili kras o Asaf.

Debleskri gili 85:9

Kamoms te shounap, har o baro Devel penell, te vell an leskro them oun leskre menshenge kek kourepen, yaake te djas mer gar ap dinele dromma.

Jesaja 2:19

Ap ko dives, kay o baro Devel pre stell, te anell lo i traash pral i phoub, khatrenn pen i menshe an i grotte, mank i bare barra oun an i phoub, i daryatar o baro Debleskri rholyatar oun glan leskro raylo barepen.

Jesaja 60:4

Dik trouyel, oun dik, hoy djal! Tire menshe venn khetne, te djan le khere. Tire morsh čave venn foun doural, oun tire ča venn hidjedo ap moussya.

Jesaja 60:7

I tsele bakre dran Kedar oun Nebayot venn anlo pash toute, te venn le maredo oun rhačedo o baro Debleske, te dikell lo lačes ap toute. Oun yaake krell o baro Devel peskro raylo kheer gomme shoukeder.

Ezekiel 21:27

Ko sikepen sikrell ap i čači rig oun penell leske, te djal lo peskre lourdentsa an o foro Yerusalem. Kote denn le bari gole – i bari kourepaskri gole. Yon čivenn bare pesse roukengre kotya pash i voudya an o foreskri massouri, te denn le kolentsa i voudya dren. Ninna čivenn le čik pre vin troul i massouri, te nay djan le pral ap i massouri. Oun yon krenn turme, te denn le karye an o foro.

Ezekiel 31:16

Har i menshe an i vavar themma shounan, te peras ko baro rouk, oun kay vitsrom me les tele pash i moulende an o moulengro them, trissan le i daryatar. Oun i tsele rouka dran i bar Eden oun kol shoukeder oun feteder rouka i bergatar Libanon, halauter kay pash o pani tardo his, oun kanna tel i phoub hi, lenge his kova mishto, te djas ko baro roukeske yaake har lenge ninna djas.

Ezekiel 38:19

Oun an miri bari oun tati rholi dau man sovel: Čačepah, an ko tsiro trissell i phoub an o them Israel zoreles.

Ezekiel 44:4

Oun o morsh anas man pash o voudar, hoy ap i nordetikri rig hi, oun djas kote mantsa dren ap koy tikni glanstouni platsa glan o baro Debleskro kheer. Koy dikom, kava kheer his pherdo o baro Debleskro raylepen. Oun me moukom man ap i phoub te perell glan leste.

Haggai 1:8

Djan ap i berge oun lenn kasht, oun krenn miro kheer shoukar! Kova hi mange mishto, oun yaake vau sharedo, penell o baro Devel.

Maleachi 3:1

O baro Devel, ko ray pral o bolepen oun i phoub penell: Denn yak, me bičrau miro bičepaskres! Yob krell glan mande o drom yaake, har mange mishto hi. Oun ko ray, kolestar t'mer penenn, te rodenn les, kova vell sik pash peskro kheer. Ko bičepaskro, kay t'mentsa pral kova rakrell, hoy t'mentsa vin krom, ap koleste t'mer t'maro tselo djiyeha dikenna, yob hi gar dour.

Louka 19:47

Hako dives djas o Yezous an o Debleskro baro kheer oun sikras i menshende o Debleskro drom. I bare rashaya, i biboldengre čačepangre oun i vavar pralstoune rodan i drom, te marenn le les.

Louka 2:27

Oun ap ko dives, kay anan o Yosef oun i Maria pengro čaves, o Yezouses, an o Debleskro baro kheer, te denn le les an o Debleskro vast, har kova pal o biboldengro čačepen yaake his, koy anas o Debleskro Dourho o Simeones ninna an o Debleskro baro kheer.

Louka 2:46

Pal triin divessa hatsan le les an o Debleskro baro kheer. Oun yob his beshdo mashkral i sikepangre. Oun yob shounas, hoy yon rakran, oun yob poučas boud lendar.

Louka 20:1

His i dives, kay penas o Yezous i menshenge o Debleskro lab an o Debleskro baro kheer. Oun i bare rashaya oun i biboldengre čačepangre oun phoureder van pash leste,

Louka 21:38

Taysarlake van boud menshe an o Debleskro baro kheer, te shounenn yon, hoy o Yezous penella.

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

Galatarja 3:8

O Debleskro lab penas glan i rah tsiro, kay o Devel ninna kolen čačo krella, kay kek bibolde hi, te patsenn le ap leste. Doleske penas lo ap o Abrahameste: Kay barht, hoy me dau tout, djal doureder ap i tsele menshende ap i phoub.

Kolossarja 2:9

O Yezous Kristo hi o ray pral i tsele rayende oun lauterende, kay hi len penepaske mashkral o bolepen oun i phoub. Les hi o tselo Debleskro djipen an peste. Oun ko djipen dell lo kolende, kay leskro hi.