Haggai 2:6 - O Debleskro Lab 2024 (Sinte-Manouche)

⁶ Doleske penell o baro Devel, ko ray pral o bolepen oun i phoub: An i tikno tsiro krau me, te trissenn o bolepen oun i phoub, o baro pani oun o trouk them.

O Debleskro Drom 2021 (Sinte)

⁶ Doleske penell o baro Dewel, ko rai pral o bolepen un i phub: An i tikno tsiro krau me, te trissenn o bolepen un i phub, o baro pani un o truk them.

Haggai 2:6 Iomraidhean Croise

Hiob 9:6

Yob taprell ap i phoub oun koya trissell, Ninna i barra, hoy hidjrenn lat, trissenn.

Debleskri gili 18:7

An miri daar kharom ap o baro Debleste. Ava, bari gole dom ap miro Debleste. An peskro raylo kheer shounas lo man, oun miri gole vas glan leskre kanda.

Debleskri gili 37:10

An i tikno tsiro hi o čilačo bouder gar koy. Oun kote, kay yob djivas, hatseh les bouder gar.

Jesaja 10:25

An i tikno tsiro rissrau miri rholi t'mendar krik, oun miri rholi perell ap i menshende an o them Assour oun anell lenge o merepen.

Jesaja 13:13

Me moukau o bolepen te trissell. Oun i phoub ačell bouder gar kote tardo, kay li kanna hi, ap ko dives, kay me, o baro Devel, o ray pral o bolepen oun i phoub, anau miri rholi pral i phoub.

Jesaja 2:19

Ap ko dives, kay o baro Devel pre stell, te anell lo i traash pral i phoub, khatrenn pen i menshe an i grotte, mank i bare barra oun an i phoub, i daryatar o baro Debleskri rholyatar oun glan leskro raylo barepen.

Jesaja 29:17

Čačepah an i tikno tsiro vell o veesh ap i berga Libanon i djobeskro them. Oun hoy kanna i djobeskro them hi, vell palle i veesh.

Jesaja 34:4

Oun i tsele bolepangre momlia perenn khetne. Oun o bolepen tserdell pes khetne har i liil, hoy vell khetne lino. Oun kol bolepangre momlia perenn tele har moule patria ap o drakengro rouk oun har fayge, hoy gar bares van ap i faygetikro rouk.

Jeremia 33:14

Čačepah, penell o baro Devel, ko tsiro vella, kay moukau ko lačo lab čačes te vell, hoy me penom ap o khereste Israel oun ap o khereste Youda.

Jeremia 51:33

Kava penell o baro Devel, ko ray pral o bolepen oun i phoub, kay o Israeleskro Devel hi: O foro Babilon hi har i djobeskri platsa, hoy vell i pirentsa zoreles stakedo, te denn le nay kote o djob vin. Sik vell o tsiro o foreske, kay vell lo khetne stakedo.

Ezekiel 38:19

Oun an miri bari oun tati rholi dau man sovel: Čačepah, an ko tsiro trissell i phoub an o them Israel zoreles.

Ezekiel 38:20

Oun glan mande trissenn i mače an o baro pani, i čirkle oun i vavar firhe, bare oun tikne, hoy djivenn ap i phoub. Ninna i tsele menshe trissenn i daryatar. Oun i berge phagenn khetne, i bare barra oun i massurya perenn khetne.

Bičepangre 2:19

Oun me kamau baro oun zorelo koova te krap, an o bolepen oun ap i phoub. T'mer dikenn rat, oun yag, oun tampa.

Hebrearja 10:37

An o Debleskro lab hi činlo: Ko tsiro vella sik, kay vell kova, kay hounte vella. Yob moukell pes gar ap o drom pale te rikrell. O Devel penas: Koon ap mande patsella, kova hi čačo glan mire yaka. Oun yob lell o djipen. Koon miro drom moukella, ap koleste dikau gar lačes.

Debleskro tsiro 11:9

Oun boud menshe dran hako them, haki natsyona, haki harmenatsyona oun hako rakepen dikenn kol moule morshen ap o drom čiddo triin divessa oun i paash dives, oun moukenn gar, te venn yon paskedo.