Haggai 2:23 - O Debleskro Lab 2024 (Sinte-Manouche)

²³ O baro Devel, ko ray pral o bolepen oun i phoub penell: Ap ko dives dau me tout, Zorobabel, miro čačo vast. Tou hal miro bičepaskro. Tou hal mange yaake kouč har i goustri, koleha miro lab ap i liil čivau. Tout rodom vin, te boudress mange. Kova penell o baro Devel, ko ray pral o bolepen oun i phoub.

O Debleskro Drom 2021 (Sinte)

²³ O baro Dewel, ko rai pral o bolepen un i phub penell: Ap ko diwes dau me tut, Serubbabel, miro tchatcho wast. Tu hal miro bitchepaskro. Tu hal mange jaake kutch har i gustri, koleha miro lab ap i liil tchiwau. Tut rodom win, te budress mange. Kowa penell o baro Dewel, ko rai pral o bolepen un i phub.

Haggai 2:23 Iomraidhean Croise

Debleskri gili 65:5

Har barhtelo hi kova, koles tou touke vin rodal, oun moukeh les pash toute te vell, te djivell lo ap i platsa glan tiro kheer. Kova vell čalo o lačepastar an tiro raylo kheer, kay tou djiveh.

Kamlepaskri gili 8:6

Čin miro lab ap tiro dji! Mouk man har i goustri ap tiro vast te vell! Te kamenn pen douy, hi lengro kamlepen zoreles har o merepen, oun rikrell len pandles har o moulengro them. Len hi i dji yek o vavareske, hoy rhačell zoreles har i yag o baro Deblestar.

Jesaja 42:1

O baro Devel penell: Ake, miro boudepaskro; les hi miro vast. Me rikrau les, oun rodom les mange vin, oun hom barhtelo pral leste. Miro dourho čivom ap leste, te anell lo miro čačepen pash i menshende an i tsele themma.

Jesaja 43:10

O baro Devel penell: Mire menshe, t'mer han kolla, kay djinenn, hoy me krom; oun t'mer han kolla, kay mange vi-rodom, te venn mange koy. Kanna djinenn t'mer oun patsenn oun hayvenn, te hom me o čačo Devel. Glan mande vas kek vavar devel, oun pal mande vell vitar kek vavar devel.

Jesaja 49:16

Dik, an mire douy vasta činom me tout dren, Yerusalem! I massourya troul toute hi hako tsiro glan mire yaka.

Jeremia 22:24

Me dau man sovel pash miro djipen, penell o baro Devel: Konya, tou čavo o Yoyakimestar oun ray pral o them Youda, me penau touke: Ninna te vals tou i goustri ap miro goushto, hoy sikrell kay me o baro ray hom, tserdoms me ko goustri tele.

Mateo 12:18

O Devel penella: Dik, kova hi miro boudepaskro, kay me mange vin rodom. Koles kamau o djiyestar. Pral leste hom barhtelo. Me čivau miro Dourho ap leste. Oun yob penell i tsele menshenge, hoy me lendar kamau.

Johanni 6:27

Ma djivenn o rhapaske, hoy paash djala! Djivenn yaake, te lenn ko djipen, hoy gar pre-herella! O Mensheskro Čavo kokres nay dell t'men kova. Yaake sikras o Devel, kay kova leskro čavo hi.”

2. Timoteo 2:19

Ninna te hi save menshe koy, kay rakrenn rhorhepen, djinah mer: Kova, hoy o Devel kras, nashte krell kek paash. Kova hi har i bar, hoy zoreles tardo hi. Kek nay vitsrell les trouyel. Ap leste hi činlo: O ray prindjrella kolen, kay leskre hi. Oun ninna hi činlo: Koon o rayes an-mangella, hounte moukell o čilačo drom.

1. Petro 2:4

Avenn pash leste! Yob hi ko djido bar, hoy o Devel vin rodas. O Debleske hi lo o kouč bar, ninna te vitsran les i menshe ap i rig.