Haggai 2:22 - O Debleskro Lab 2024 (Sinte-Manouche)

²² Oun me vitsrau i beshepangre kol themengre rayendar trouyel oun lau lengri zoor krik. Lengre kourepangre vourdya vitsrau trouyel khetne kolentsa, kay koy pre beshenna. I graya oun i klissepangre merenna. Yek dell o vavares moulo.

O Debleskro Drom 2021 (Sinte)

²² Un me witsrau i beshepangre kol themengre rajendar trujel un lau lengri soor krik. Lengre kurepangre wurdja witsrau trujel khetne kolentsa, kai koi pre beshenna. I graja un i klissepangre merenna. Jek dell o wawares mulo.

Haggai 2:22 Iomraidhean Croise

2. Familjakro liil 15:6

O Devel moukas traash oun hakelay bibarht pral lende te vell. Yaake kouras pes yek them o vavar themeha oun yek foro o vavar foreha.

2. Familjakro liil 20:22

Oun har yon givan oun pen parkran, kras o baro Devel, te lan kol vavar lourde bari daar, kol Ammonarya, Moabarya oun kolla dran i berge Seir, kay van, te kourenn len pen i menshentsa dran Youda. Oun yon dan pen yek o vavares temerl.

2. Familjakro liil 20:23

I Ammonarya oun i Moabarya kouran pen kolentsa dran i berge Seir, oun dan len khetne. Oun har yon halauteren maran dran i berge Seir, djas yek ap o vavareste, oun yon dan pen kokres khetne.

Debleskri gili 46:9

Avenn oun dikenn ko baro koova, hoy o baro Devel kras! Dareno koova krell lo ap i phoub:

Debleskri gili 76:6

I zorele morsha van vi-čoredo oun meran. Oun i kourepangre lan pengre moussya gar pre.

2. Mose 14:17

Me krau, te pandenn i Egiptarya pengre djia yaake, te lenn le t'menge palla. Oun me sikrau miro barepen oun miri zoor ap o Farao, ap leskre vourdya oun ap leskre kourepangre.

2. Mose 14:28

Oun o baro pani vas pale pale oun čakras i tsele vourdya oun kolen, kay klissan, oun i tsele rayeskre lourden, kay djan lenge mashkral o pani palla. Kolendar his kek, kay pral ačas.

2. Mose 15:19

Ap ko tsiro har o Farao oun leskre graya oun vourdya oun kourepangre mashkral an o baro pani djan, moukas o baro Devel o pani pral lende pale te vell. I tsele Israelitarya djan ap i drom, hoy gar sapenes his, mashkral o baro pani ap i vavar rig.

2. Mose 15:4

I vourdya oun i lourden, hoy o Farao bičras, an o baro pani – mo Devel len vitsras. I zorele kourepangre, hoy ap i vourdya djan, an o Baro Lolo Pani yon lauter sik tassan.

Jesaja 19:2

Oun me kamau len yek ap o vavareste pre te anell, yaake te marell pes yek phraal o vavareha, yek maal o vavareha, yek foro o vavareha, oun yek them o vavareha.

Jesaja 60:12

Kol themma, kolengre menshe kamenn gar touke te boudrell, venn paash stakedo, oun lengre menshe maredo, te ačell či lendar pral.

Jesaja 9:19

Oun lengri bok hi yaake baro, te taprenn le pal rhapen ap hake rigya, oun rhan hako tikno kotar, oun venn gar čalo. Hakeno krell o djipen o vavarestar paash.

Ezekiel 21:27

Ko sikepen sikrell ap i čači rig oun penell leske, te djal lo peskre lourdentsa an o foro Yerusalem. Kote denn le bari gole – i bari kourepaskri gole. Yon čivenn bare pesse roukengre kotya pash i voudya an o foreskri massouri, te denn le kolentsa i voudya dren. Ninna čivenn le čik pre vin troul i massouri, te nay djan le pral ap i massouri. Oun yon krenn turme, te denn le karye an o foro.

Ezekiel 26:16

Oun i raya an kol themma pash o baro pani stenn pengre rayle beshepangre pre, oun djan lendar tele, oun rivenn pengre kouč baya oun shoukar gada vin, oun rivenn paash koola an. Oun beshenn ap i phoub oun moukenn gar tele te trissell.

Ezekiel 38:21

Oun me dau o rharo gole, te vell lo pral o Gog ap mire tsele berge, penell o baro Devel, maro ray. Leskre lourde djan pengre rharentsa yek ap o vavareste pre.

Ezekiel 39:20

Rhan i grayen oun i klissepangren, i pralstunen oun i tsele lourden! Rhan t'men čalo ap miri rhapaskri! Kava penell o baro Devel, maro ray.

Daniel 8:25

Peskro gosvepah rhorhell lo boud menshen. Oun yob phourdell pes pre oun djal ap boudende oun marell kolen, kay patsenn, te krell lo lenge či. Oun ninna hadell lo pes pral o pralstouno rayeste. Oun palle vell yob phagedo kek mensheskro vasteha.

Amos 2:15

Kolla, kay denn karye, hounte tserdenn pen pale, sikede naashepangre venn dren lino, oun klissepangre nashrenn pengro djipen.

Micha 5:10

Oun tire forya dau paash, oun tire tsele zorele khera phagau tele.

Micha 5:8

Israel, hade tiro vast pral halauterende, kay kourenn pen touha, te ačell kek lendar djido!

Micha 5:9

O baro Devel penell: An ko tsiro lau t'mare grayen krik, oun tire vourdya dau khetne.

Micha 7:16

te dikenn kolla an i vavar themma, hoy menge kreh, oun hounte ladjenn pen an pengri tseli zoor. Lenge ačell o rakepen krik, oun yon kamenn bouder či te shounell.

Zefanja 3:8

Doleske djinenn, penell o baro Devel, ko dives vell, kay vau me, oun rakrau o čačepen vin pral i phoub. Me lom mange glan, te anap i menshen khetne dran vavar themma ap i phoub, te čorap miri rholi pral lende vin. Ava, miri zoreli rholi, hoy rhačell har i yag, vell pral i tseli phoub oun rhal lat pre.

Zakarie 10:11

Te djan le daryah mank o baro pani, tradau me o pani pale. Oun o lengsto pani Nil, ninna te djal lo dour tele, vell trouk. Oun me rikrau o pre-phourdo them Assour tele. Oun o them Egiptia hi bouder gar o ray pral vavar themma.

Zakarie 10:5

I menshe an o them Youda venn zoreles har bare kourepangre, kay stakrenn kolen tele an i čik ap o drom, kay kourenn pen lentsa. O baro Devel hi lentsa an o kourepen. Ninna i klissepangre hounte tserdenn pen pale glan lende.

Zakarie 12:9

“An ko tsiro”, penell o baro Devel, “rodau te marap kol tsele natsyonen, kay djan an o kourepen o foreha Yerusalem.

Zakarie 14:3

Palle djal o baro Devel vin, te kourell yob pes yaake kol lourdentsa dran i vavar themma, har kouras lo pes peskre menshenge an i phoure tsirya.

Zakarie 4:6

“Kol efta momlia hi o baro Debleskre yaka, hoy lauter dikenn, hoy ap i phoub djala.”

Zakarie 9:10

O baro Devel penell: Me lau i kourepangre vourdya krik dran o them Israel, oun i kourepangre graya dran Yerusalem. Oun i kourepangre boge venn phagedo. T'maro baro ray lell o čingepen krik mank i natsyone. Yob hi o ray foun yek baro panyestar bis ap o vavar, foun o panyestar Eufrat bis an i doureder themma ap i tseli phoub.

Mateo 24:7

I pralstoune pral bare themma kourenn pen i vavar pralstunentsa. Oun i menshe dran yek them marenn kolen an i vavar them. An boud themma hi i menshen gar doha te rhal. Oun kate oun kote vell i phoub trisslemen.

Debleskro tsiro 11:15

Oun ko eftato bolepaskro phourdas an peskri phourdepaskri. Koy his i rakepen an o bolepen, oun boud dan bari gole, oun penan: “Kanna hi o Devel oun leskro čavo, o Yezous Kristo, i raya pral i tsele menshende ap i phoub hako tsireske.”

Čačepangre 7:22

Oun har kol triin sheel morsha an pengre phourdepangre phourdan, kras o baro Devel, te kouras pes ap i platsa hakeno hakeneha. Oun yon lauter nashan bis pash o foro Bet-Shitta ap o drom pash o foro Zereda, oun ninna bis pash o foro Abel-Mehola pash o foro Tabbat.

1. Samuel 14:16

Oun kol morsha, kay yak denn pash o Saul an o foro Gibea an o them Benyamin, kal morsha dikan, har i Filistarya nashan yek rigyatar ap i vavar.