Haggai 2:19 - O Debleskro Lab 2024 (Sinte-Manouche)

¹⁹ An t'mare djobengre khera ačell doha djob. I drakengre rouka hidjrenn pale drake, i faygetikre rouka hidjrenn fayge, i granatikre phabyengre rouka hidjrenn phabya, oun i djeteskre rouka hidjrenn djeteskre drake. Kava divesseha čivau miri barht oun miri zoor ap t'maro them.

O Debleskro Drom 2021 (Sinte)

¹⁹ An tumare djobengre khera atchell doha djob. I drakengre ruka hidjrenn pale drake, i faigetikre ruka hidjrenn faige, i granatikre phabjengre ruka hidjrenn phabja, un i djeteskre ruka hidjrenn djeteskre drake. Kau diwesseha tchiwau miri bacht un miri soor ap tumaro them.

Haggai 2:19 Iomraidhean Croise

1. Mose 26:12

O Isaak čivas djob an i phoub an ko them. Oun o baro Devel čivas peskri zoor koy pre. Yaake las o Isaak an ko bersh sheel kope yaake boud djob, har lo an i phoub čivras.

Hiob 39:12

Nay patseh leske, te anell lo tiro djob khere ap tiri djobeskri platsa?

Debleskri gili 133:3

Kava hi yaake har o taysarlakro pani, hoy i berga Hermon tele nashella ap i berge Sion! Kote kamell o baro Devel peskri barht te dell, oun o djipen, hoy hako tsiro ačella.

Debleskri gili 84:12

Maro baro Devel hi o kham maro djipaske. Yob rikrell peskre vasta pral mende. O baro Devel dell men lačepen oun raylepen. Kolen, kay o djiyestar ap leste shounenna, dell lo hako lačepen, hoy len hounte vella.

Jeremia 31:12

Yon venna pral ap i berga Sion, oun denn gole i barhtyatar, oun venn barhteles pral kova, hoy o baro Devel len dell: djob, mool, djet oun terne bakre oun groumya. Lengre djia venn zorelo har i garta, kolat hako tsiro doha pani hi. Oun lenge hi bouder gar ropaske.

Jeremia 31:14

I rashaya venn pale čalo o feteder massestar. Oun mire menshenge dau boudeder har doha rhapaske, penell o baro Devel.

Joel 1:12

I drakengre rouka hi trouk. i faygetikre rouken hi bouder kek patria. Ninna ap i phabyengre rouka oun palmtikre rouka, har ap i tsele divye rouka hi bouder kek patria. Oun dran o barhtelo tsiro vas i menshenge i bibarhtelo tsiro.

Joel 2:14

Koon djinell, te rikrell lo ninna kava kopo i phagi pale, oun moukell djob oun drake bares te vell, te nay anenn t'mer yarro oun mool o baro Debleske, kay hi t'maro Devel.

Haggai 1:11

Doleske penom, te vell kek brishin pral t'maro them, pral i berge, pral o them, kay o djob, i drake oun i djeteskre rouka bares venna, oun pral halauter, hoy dran i phoub vell, ninna pral i menshende oun i firhende. Kova, hoy t'mare vastentsa krenn, djal t'menge bouder gar mishto.

Maleachi 3:10

Anenn o deshto kotar halauterestar, hoy dren lan, an miro kheer, te vell doha rhapen an miro kheer. Oun dikenn, hoy me palle t'menge krau: Me krau miri vorhni an o bolepen pre, oun dau t'men boud lačo koova, boudeder har t'men hounte vell. Ko penell o baro Devel, ko ray pral o bolepen oun i phoub.

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

5. Mose 15:10

De leste o djiyestar! Ma ab bokelo! Palle dell tout tiro baro Devel barht an halauter, hoy kreh oun tiro vast an taprell.

5. Mose 28:22

Yob bičrell t'men savo nasslepen, hoy rhal t'men pre, t'maro mass vell lolo oun tato, oun i fibro rhačell an t'mende. Oun yob rikrell o brishin pale an t'maro them. Oun i tato dourho krell, te vell o djob nasselo oun merell tele. Oun kova halauter vell pral t'mende bis te moulo han.