Haggai 2:17 - O Debleskro Lab 2024 (Sinte-Manouche)

¹⁷ Me rikrom o brishin pale, t'maro djob meras tele, brishineskre barra moukom ap t'mari harhetikri phoub te perell. Pal ko tselo koova van t'mer gar pale pash mande, oun mangan t'men gar tele pash mande.

O Debleskro Drom 2021 (Sinte)

¹⁷ Me rikrom o brishin pale, tumaro djob meras tele, brishineskre barra mukom ap tumari hachetikri phub te perell. Pal ko tselo koowa wan tumer gar pale pash mande, un mangan tumen gar tele pash mande.

Haggai 2:17 Iomraidhean Croise

1. Mose 42:23

Yon djinan gar, kay o Yosef lengro rakepen hayvas. Yob rakras lentsa an o egiptikro rakepen. Oun i vavar penas lenge, hoy yob penas.

1. Mose 42:27

Ap koy platsa, kay yon i rati ačan, kras yek lendar peskro gono pre, te dell lo leskri bourika te rhal. Oun yob dikas, kay kol love an leskro gono hi.

1. Mose 42:6

Oun o Yosef his o ray pral o them Egiptia oun bikras djob ap kol menshende an ko them. Har leskre phrala van, vitsran pen le tele glan leste o mouyeha ap i phoub.

1. Rajengro liil 8:37

Nay vell i bari bok pral kava them, ninna i djoungelo nasslepen, i tsiro, kay dell kek brishin, i nasslepen ap o djob, boud stepangre oun kirme, kay rhan o tselo zenlepen, lourde, kay venn dran vavar themma oun čivenn pen troul i forya oun pandenn len dren – havi bibarht oun nasslepen ninna vella,

2. Familjakro liil 28:22

Ninna te his ko tsiro yaake pharo o baro rayeske Ahas, anas lo i boudeder doosh ap peste glan o baro Debleste.

2. Familjakro liil 6:28

Nay vell i bari bok pral kava them, ninna i djoungelo nasslepen, i tsiro, kay dell kek brishin, i nasslepen ap o djob, boud stepangre oun kirme, kay rhan o tselo zenlepen, lourde, kay venn dran vavar themma oun čivenn pen troul i forya oun pandenn len dren – havi bibarht oun nasslepen ninna vella,

Hiob 36:13

Kolla, kay kamenn či o Deblestar te djinell, rikrenn pengri rholi an lengre djia. Ninna te dell o Devel len i phagi, denn le gar gole, te vell lo lenge ap i rig.

Debleskri gili 128:2

Tou rhah kolestar, hoy tire vasta boudran. Mishto touke! Touke djal lačo.

Debleskri gili 78:46

Lengro djob rhan i stepangre pre. Kolla rhan lauter, hoy ap lengri phoub bares vas.

Jesaja 28:2

O baro Devel bičrell yekes, koles boud zoor oun penepaske hi. Oun kova vell har i baro divyo phourdepen, kay brishineskre barra dren hi, oun hoy lauter paash dell. Yob vitsrell halauter tel peste an i čik, yaake har i baro brishin, hoy lauter tel pani tassell.

Jesaja 37:27

Oun kolla kay kote djivan, pengri zoor yon nashran, oun toutar trashan oun palle meran. Lenge djas har o zenlepen, hoy dran i trouk phoub vas, oun har o khass ap o kheer, hoy tele meras, oun gar baro vas.

Jesaja 42:25

Kote moukas lo peskri bari rholi pral mende te vell, oun moukas men an i zorelo kourepen te vell. Leskri rholi his troul mende trouyel har i yag, oun mer hayvam kova gar. Ninna har rhačras men leskri rholi, lam kova gar an mare djia.

Jesaja 62:8

O baro Devel das pes sovel oun das peskro čačo vast pre, oun hadas peskri zoreli moussi, oun penas, te dell kek tsiro bouder, kay moukell lo kolen tiro djob te rhal, kay kourenn pen touha, oun vitar gar i menshen dran vavar themma tiri mool te piyell, kolake tou yaake phares boudral.

Jesaja 9:13

Ap yek dives las o baro Devel lendar i pralstunen krik, ninna kol rhorhene rakepangren, kay penan, kay lengre laba o Deblestar van. Kova hi, har te činals yek i mačestar o shero oun o pori tele, oun i roukestar i patria oun i telstouno kotar. I phourende oun i an-dikle hi o shero. Kol rhorhene, kay penenn, lengre laba vans o Deblestar, hi o pori.

Jeremia 3:24

Har mangam ko djoungelo debles Baal an, nashram lauter, hoy mare phoure penge khetne lan, har terne hams: bakre, groumya, čave oun ča.

Jeremia 5:3

Baro Devel, tire yaka dikenn ap i djipen an o čačepen. Tou dal len i phagi. – Yon hayvenn kova gar. Tou kral len paash moulo. – Oun yon ačan, har yon hi. Yon djan pal pengro shero. oun kamenn gar pengro čilačo drom te moukell.

Amos 4:6

Me hom kova, kay bičras i bok an t'mare tsele forya. Ninna te his t'men gar doha rhapen an o tselo them, van t'mer gar pale pash mande, penell o baro Devel.

Haggai 1:11

Doleske penom, te vell kek brishin pral t'maro them, pral i berge, pral o them, kay o djob, i drake oun i djeteskre rouka bares venna, oun pral halauter, hoy dran i phoub vell, ninna pral i menshende oun i firhende. Kova, hoy t'mare vastentsa krenn, djal t'menge bouder gar mishto.

Haggai 1:6

T'mer boudrenna ap t'mari phoub, oun anenn gar boud dren. T'mer rhan oun venn gar čalo; t'mer piyenn oun t'mari troush ačella; t'mer rivenn t'men lačes an, oun t'menge vell gar tates. Oun kones love hi, kova čivell len an i possita, kay i rheb dren hi.

Haggai 1:9

T'mer kamenn boud, oun gar boud hi, hoy lenn t'mer. Oun te kamenn kova khere te anell, lau les t'mendar. Hoske kova? penell o baro Devel, ko ray pral o bolepen oun i phoub. Miro kheer hi paash dino oun čiddo an kotya. Oun hakeno t'mendar dikell kokres ap peskro kheer.

Haggai 2:16

Te vas yek t'mendar kote, kay i djob čiddo hi, oun kamas douy-sheel kilogramme te lell, hatsas yob gar boudeder har yek sheel kilogramme. Te vas yek t'mendar kote, kay i mool garedo vell, oun kamas sheel litarya te lell, hatsas lo gar boudeder har star-deesh litarya.

Maleachi 3:11

Oun me rikrau i stepangren dour krik t'mari phoubyatar, te rhan le gar kova pre, hoy kote baro vas. Oun t'mare drakengre rouka venn pherde drake. Ko penell o baro Devel, ko ray pral o bolepen oun i phoub.

5. Mose 28:22

Yob bičrell t'men savo nasslepen, hoy rhal t'men pre, t'maro mass vell lolo oun tato, oun i fibro rhačell an t'mende. Oun yob rikrell o brishin pale an t'maro them. Oun i tato dourho krell, te vell o djob nasselo oun merell tele. Oun kova halauter vell pral t'mende bis te moulo han.

Debleskro tsiro 2:21

Me dom lat tsiro, te nay moukell li peskro čilačo drom. Oun yoy kamell gar peskro djoungelo koova te moukell.